兩個士兵執行任務時俾神秘狙擊手攻擊，一人重傷、一人被困牆後，同個狙擊手大玩心理戰，咁就一套戲。
一睇就知係典型「絕境片」（絕對唔係戰爭片），男主角圍困喺牆後受傷，冇水冇糧又冇通訊設備，可以點樣求生？人在暗時你在明，又點樣可以反擊求生？
片長只有單單87分鐘，恰到好處，除咗頭尾兩場勉強有狙擊手對戰動作場面，成套戲都就係睇住主角點樣同狙擊手鬥智鬥力－－當然，傾傾就發現，背後彼此都有自己嘅秘密。全程文戲，拍嚟冇悶場，過程都幾有壓迫感，就咁一道牆一個角色，都撐到唔少緊張嘅地方，亦俾到觀眾「絕境片」應有嘅感覺：易地而處點算好？
最後以為有場典型嘅「雙雄對決」，但估唔到鋪個出人意表嘅結局，完結果刻都幾愕然！
喺HMV見過有港版碟，台灣叫《危牆狙擊》、大陸叫《生死之牆》，有興趣都值得一睇。
🎉新書銷量持續向上、口碑滿載！買嚟睇就明 🇭🇰 | goo.gl/J9QdBR
🎉台灣書局亦已上架，可去文中連結購買 🇹🇼 | goo.gl/xzCymP
【IG請follow】www.instagram.com/travelerwithmovie
