Search
·
<那天成為了管理層>
以前做打工仔 很多申訴
如人工不夠高
福利不夠人好
同事間的不和
與上司的爭吵
老闆的不體諒
每一天都想著炒老闆魷魚
然而 真的有一天
揮一揮衣袖 沒帶一點雲彩
離開了office
我 成為了自己的老闆.
（oh Jesus 😱 文采好到我自己驚訝😱 ok ～ lets continue )
現在面對同事們的要求
和部門之間的角力
終於明白了 能力愈大責任愈大
每一件事都以公司利益為大前提
每一個決定都以同事感受為依歸
可惜 兩者必有矛盾
我的頭 也愈變愈大 😑
平衡 才是最大的課題
那天沒駁任何一句
那天心中說粗口 但面上帶微笑
那天我終於懂得 原來這叫管理層
想想原來走到今天
代價最大的
就是沒有耍性格的自由
有點不快樂
Ps: 圖為那年在英國放學但遇上火車停駛
又凍又落雨地等了三小時回倫敦
#原來咁就30歲 #manciman #shemeansbusiness #enterpreneur #womenempowerment #enterpreneur
#hkig #hkgirl
原來咁就留學畢業2年
點會諗到自己成30歲先去學新野
點會諗到自己淨係識50音到今日可以用爛爛日文係日本返工
點會諗到本身留1年變左留係日本生活已經3年半
其實喊左好多傷心左好多
覺得自己好冇用既時間好多
但睇返轉頭...我爬下爬下原來都爬到呢一步
因為武漢肺炎
香港既未來
自己既年齡等等
考慮左好多將來既問題...
5年前我夠膽裸辭
仲打左篇文出黎
（請參考：
裸辭又有咩好怕？ ：
https://blog.ulifestyle.com.hk/grandlinejourney/2293294
停低並非退步 向前衝不代表進步 失業五個半月後感：
https://blog.ulifestyle.com.hk/grandlinejourney/2444206 ）
但5年後既今日
我承認我而家做唔出
好似又跳入左日本呢個comfort zone
但係日本生活好似
每日都仲比好多挑戰我
比我日日打大佬
好多人問我有BNO會唔會考慮去英國...
我都唔知呀
對我黎講...日本又好英國又好
都係一樣...一個沒根既地方
去唔係問題
但去到又要重新適應一個新環境
咁不如留係日本
老實講
我已經冇左岩岩黎日本..
咩都敢做
唔怕做Lawson做廚房洗廁所既勇氣
我希望日後係邊都好
係可以用到我既知識同經歷
廢up完繼續做日本社畜🌚
想知道更多關於香港人在日本的生活
請Follow我的IG： @grandlinejourney
https://www.instagram.com/grandlinejourney/
#香港人在日本
#在日香港人
#在日港人
《因為曹星如，我班朋友炒晒大鑊》
話說尋晚Rex曹星如同河野公平打到天昏地暗，個個觀眾都睇到好肉緊。
唯獨係勝負判決，就引起激烈討論！
有幾激烈？
我一望Wtsapp，見到唔同Group已經戰火連天。
連平時潛開水嘅都畀魚雷炸返上水面！
「頂！睇完真係黑人問號，勁假！」
「假咩呀！拳例嘅嘢你識條春咩！我撐星如！」
個個Group都發生緊不同規模嘅「世界大戰」，
而其中一個Group嘅火藥味最重，
我一望，竟然係「十年老死兄弟Group」！
不過唔怕，呢個Group有位拳壇精英，佢一定可以主持公道！
佢練拳已經30年(自稱)(佢29歲)、
佢每日操足25個鐘(自稱)、
佢實戰次數不下1000次(自稱)、佢個花朵叫「修道船」！
『修道船 退出了』
Wtsapp出現佢QUIT GROUP嘅訊息。
What？
我立即私底下Wtsapp問佢做咩要Quit Group！
佢話「呢家幫邊邊都死啦！等遲啲佢哋下咗啖氣先add返我入嚟啦！」
好一個修道船，的確明智！
而「十年老死兄弟Group」之內，佢哋已經分成兩邊，啲粗口有來有往！
「撐星如」嘅以華仔為首；
「反星如」嘅以大頭文為首！
華仔愈鬧愈激：「食屎狗，返去奶河野公平鞋底啦！」
大頭文一聲冷笑：「估唔到我哋嘅友情...竟然敵唔過一個曹星如...」
眼見十年友誼破滅在即...
我決定...學獎門人咁，做「和事佬」~~
我：「一人少句啦(心心Emoji)」
佢哋兩個：「少你老母呀！(冇Emoji)」
所以話...
和事佬和事佬，結局總係唔討好，九成畀人小老母…
搞到我都語帶晦氣：
「唔好得個講字啦，咁威你哋打返場囉」
呢一句話，令我一生遺憾。
華仔：「好呀！驚你呀！」
大頭文：「我都想打佢好耐啦！！」
拳賽確定！
呢場由「曹星如勝負爭執」演變而成嘅拳賽，
經過網絡催化之後，瞬間在Fb洗板，
產生極大商業價值，
同時得到Nika同Adodas贊助，並由香城寬頻直播！
比賽喺當晚立即進行！
場館已經坐無虛席，觀眾都將自己嘅信念，
投射到華仔同大頭文身上！
雙方簽完生死狀，再拎埋錦旗紀念品，
順便抽咗幾下拳賽女郎水之後，
比賽正式開始！
左手邊～冇衫白褲黃雀在後嘅～～係華仔！曹達華！
右手邊～冇衫黑褲豬肉在前嘅～～係大頭文！文天長！
一開始！大頭文已經一腳踢埋去！華仔都用頭撞落去！
睇嚟…佢哋的確只係識打交，並唔識打拳！
唔使10秒，兩邊已經血流披面！
「唔帶套啦！同你打真軍！」華仔大叫一聲，將拳套掉開！
觀眾即時衝出座位，爭奪拳套！
「聽講好值錢架！」
我心諗：「曹星如隻拳套就值錢啫，呢隻係曹達華咋喎！」
而台上嘅大頭文，都默默除低拳套，懶型咁轉英文講咗句：
「We no fd again」（英文差）
華仔都回應一句：
「Ok, we never fan」（英文更差）
大喝一聲，兩人再次扭打！
插眼、踢下陰、爆袋、咬耳仔（真係用牙咬）、咬唇（互咬）...咩都齊！擂台上血肉橫飛！
咁打落去實出事！應該要分開佢哋！
不過你知呢一刻分開佢哋，佢哋隨時將你分屍！
畫面如此震撼人心，觀眾都爭相走到擂台旁邊selfie，似乎要為日後呃Like做好準備！
我心底不斷責備呢班觀眾！！
咁嘅時刻點會仲影相呃Like呀？？有冇搞錯呀！！！！！！
緊係開Facebook Live啦！（最後我呃到最多Like，跳起Yeah）
但隨時間推進，雙方嘅器官都散落一地。
我實在唔忍心睇落去...於是從後門獨自離開...
每個人都有自己嘅主張；每個人都主觀。
每個人都想對方信自己嗰套...
遇上呢種情感咁強烈嘅爭執...
唔通真係要「打死其中一方」先可以完結？
突然有兩位年輕人喺我身邊走過...
少年A：「尋晚有冇睇曹星如？唔知點解佢贏囉。」
少年B：「網上好多拳例話咗畀你知啦，總之結果係佢贏。」
少年A：「例呢家嘢...好似嗰啲點數，我就唔太信啦。」
少年B：「咁冇得講架喎，你都擺明唔信，點講你都唔信啦。」
少年A：「你一樣啫，我點講你都係撐佢啦。」
少年B笑一笑：「都係嘅，咁我哋咪跟返自己想法，但唔使改變對方睇法嘅，反正我哋研究幾耐，幾多專家出嚟講嘢，都唔會有結果，大家只會信對自己有利嘅說法。」
少年A：「都係，同埋三兩日後，我哋都唔記得啦。」
少年B：「冇錯，對我哋嚟講，呢一刻最重要係...下午茶食咩好！」
少年A：「轉角有間菠蘿油唔錯！試試佢啦！」
我企喺原地，呆咗。
原來咁就可以避免一場激烈打鬥。
冇錯，帶有主觀嘅討論，往往難有結果。
激烈嘅發言，亦只係一時衝動，冷靜後就會後悔...
面對呢種爭拗，唔需要強逼對方認同自己，尊重佢嘅觀點，淡化個話題，等三五七日，大家睇法就會更全面。
因為，好多嘢根本冇明確嘅對錯之分。
始終，比起星如嘅勝負，
一班老死更重要嘅，應該係搵一個好食嘅菠蘿油。
可惜，理智嘅人太少，感性嘅人太多；
懂得淡化一場爭執嘅人唔多，
必需別人認同自己嘅人亦唔少。
我望住呢對慢慢離開嘅少年，
一邊傾聽救護車逐漸逼近，發出響亮嘅聲音。
==========================
有時間可以加埋IG!(冇咩嘢睇，但多私人感受)
https://www.instagram.com/cheungson88/
(ID: cheungson88)
