【政府拒設失業援助金 打工仔女好頻能】
武漢肺炎持續多月，但林鄭政府一直拒絕設立失業援助金，只推出向商界傾斜的防疫抗疫基金，救市不救人。不過街坊心水清，鬧爆政府「想我哋香港人死晒」，直指「幫唔到我哋呢啲小市民」，一句「快啲下台好過啦」秒殺林鄭。
工黨屯門區議員林健翔表示，以他服務的友愛邨為例，不少街坊從事基層行業，近月被逼放無薪假、減人工，所謂保就業計劃卻漏洞多多，「你個抗疫基金，二千億，你擺咗去邊度？你係俾啲商家去幫佢出糧，幫佢減輕個成本，但又冇實質落到去打工仔個袋度。」
林健翔續稱，最近收到個案，有街坊因年老及工傷後失業，與讀大學的兒子領取綜援，「佢最後獲得嘅款項係3,900蚊，社署幫佢交埋租，租金900蚊，實質上得4,800蚊，俾佢兩個人，對佢嚟講其實好侮辱，係一個好侮辱嘅金額。」而且，由於口罩及防疫物資短缺，基層街坊亦要捱貴貨，買不到米，也只能在家煮最簡單的麵做糧食。
「我哋啲街坊做清潔，無貢獻咩？更加大貢獻啦，武漢肺炎走上去第一線。呢啲人，反而個人工俾外判剝削，得9,000至11,000蚊人工，俾著你，你林鄭月娥或者政府高官，你願唔願意去洗個廁所呀？願唔願意倒樓(倒垃圾)呀？人哋付出都好大，但係你往往就冇尊重過低下階層。」
事實上，除了有部分街坊需要領取綜援度日，林健翔指亦有不少街坊「未去到谷底，仲喺懸崖邊」，需要一個短期但急切的援助，「但呢啲嘢，一啲都冇」。
