之前都講過，喺一個女多男少嘅office裡面，你必須要接受身邊嘅女同事講是非，傾月經，鬧老公，本身佢哋討論韓劇都勉強搭到咀，點知呢排轉咗戰場去傾cctvb套《BB來了》。
坦白講，我一集都未睇過，而呢班女同事就傾得非常肉緊。
「太誇張喇李佳芯，集集都又鬧又喊。」
「你講得呢句咪就係小妹妹未做過人阿媽囉。」
「李佳芯係女強人角色，人哋事業搏殺緊，意外有咗BB，不安係好正常架喎。」
「我係過來人，嗰陣時又係意外有咗要趕住結婚，但係喺舊公司未過probation，佢哋只肯我放我兩日假，多都唔得，仲要係no pay，之後小朋友出世，我同老公一次旅行都冇去過，然後轉咗嚟呢度，已經5至6年冇搭過飛機喇。」
冇交代呢幾句說話係邊個講，因為我都分唔到邊個同事打邊個同事，突然有一把聲劃破長空講咗句：
「其實有時情到濃時，用安全套都會有好多甩轆嘢，都唔知用得啱唔啱，次次m唔準時到就好驚唔知其實個套有無出事驚餐懞。」
我feel到後面班女人有好大怨氣，但係我想講一句公道說話......你哋個肚唔係我經手架，冷靜啲先啦！
當然啦，呢句只係內心嘅對白，為保小命，唯有順住個勢問一句：「係囉！意外嘅嘢無人想發生嘅，咁請問點先安全呢？我都希望第日同老婆過下二人世界先去生B。」
我個鬼妹仔同即刻用教授級嘅語氣插入話題，同班姐妹講：「其實係外國避孕喺男女都會做，女仔都會食避孕藥自己避咗孕先，根本唔會響避孕咁性命攸關嘅事依賴男人，因為萬一意外出左事受嘅始終係自己。 其實生BB係開心事，只係意外地有咗會打亂人生好多計劃同部署！」
鬼妹仔再講多句：「其實我唔明點解香港人對避孕藥咁抗拒，根本未全面了解清楚就淨係以為係d 唔好嘅野，作為職業女性，唔止職場上，床上都一定要識自己保護自己。」
聽住班女人講，估唔到一套cctvb既電視劇都可以引起咁多討論，小弟番去都要煲一煲套電視劇先。
