關於 告入左又再俾人洗多次版 ，我們在網路上蒐集到這些相關的討論、資訊與評價

［婊揚好人好事］話說萬寧狀告個77歲呀婆偷印花單新聞，老實說還真的不是一般的過分。過分在於小題大做、過分在於欺人太甚，得勢不饒人。讀者們紛紛轟炸我的inbox，大概我再不出文，應該會被大家的訊息淹沒了。原本我還打算留到一月廿六號待判決出了後再寫文，到時候要是要罰款我還可以啟動羅賓漢行動籌旗，想了想，沒所謂，今次婊揚一下，廿六號再次婊揚也沒關係，反正得勢不饒人可不是萬寧的專利。

首先，值得婊揚的是萬寧的無恥。官係你報、人係你告，香港每日幾多人被偷竊、非禮，香港警察都不肯「按章工作」開file？為什麼你這個物歸原主的「盜竊案」可以開到檔案仲要告到上庭？說穿了還不是因爲你是背景雄厚的萬寧嗎？點會同你無關？好！我當你無關，如果你真係唔想告，你可以不配合警方調查，警察真係無咁好氣幫你追那一卷印花，證明你根本有心要告，現場傳媒揚開了，竟然將隻萬寧死貓質俾律政司食，佢已經忙緊解畫僭建好忙架啦，點解可以咁無「同理心、唔體諒下」律政司？

另外，你派邊個上庭作供？係公司會計定普通店員？如果係公司會計，你真係垃圾到一個點。卷印花點會值三萬？好，如果真係值三萬，根據維基百科指出，全港有355間萬寧，每間我當有三卷印花，即係合共市值三千一百九十五萬港元，你條數點埋呀？咁送出去的印花就該算是短期應付債項，印花過期而無人換領，也等同債主放棄追討債項，那每個無人換的印花就等同五十元的盈利。萬寧一年派咁多印花出去，大把人無換，那麼保守估計萬寧有數以百萬以至千萬的「盈利」收入。

請問有報稅嗎？要不要和職工盟一齊拎數簿出黎俾大家研究一下？開黎見我！

說笑的，會計學裡有重要性原則（Materiality Principle），意思是不影響決策的細數可以忽略。會計師會接受已出售的現金禮物卡、現金券為負債，但絕不會為印花記帳，因為印花就是不值錢，不值錢到連記下來的必要也沒有。你想想要是真的值錢，印一萬卷印花拎去銀行抵押已經是三億的資產了，但事實是你拎去冥通都唔收啦！如果萬寧的會計師出庭時說那卷廢膠紙值三萬，那是存心誤導，是非常過分的一回事，甚至有作不實證供之嫌，而稅局也需要重新檢核萬寧的損益表。而若果作供的那個並非萬寧的會計師，他又憑什麼對萬寧公司資產進行估值？

不過幸好的是，由於公司沒有處於被併購狀態，所以不用擔心被扣減商譽，現在這些商譽的損失，和你的印花一樣，都不用入帳的啦！

#印印花好過印銀紙
#大佬呢單官司根本無公共意義
#審黎浪費公帑
#我係萬寧依家求神拜佛告唔入
#告入左又再俾人洗多次版
#到時候公司唔知邊個部門食隻萬寧死貓
#喂大家俾啲血性咪幫趁萬寧呀

《做生意，點計數?》

又出盡18年功力，同你分析各行各業做生意，點計數?

錄影日期2020年4月7日(星期二)

摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎?

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw