關於 呢鑊真係唔會忍 ，我們在網路上蒐集到這些相關的討論、資訊與評價

30/5 更新版本

【好文分享】我要講嘅佢講晒，由我哋接呢單嘢始末畀大家睇晒。

一開頭我同經理人講，無問題啦當幫吓個舊同事，人哋冇需要都唔會開到聲叫我啦。亦都因為係認識，好多事我都同經理人講將就下啦，人哋第一次搞event係咁。忍一次，okay。兩次，我當你真係唔識搞event。三、四、五、六次，最後嚟個災難式finale。

你水我，唔緊要，真係唔緊要。我當買個教訓，以後小心。
去一個差嘅event，唔緊要，我又唔係未試過企足90分鐘。
無人brief，唔緊要，我識執生。

但係。
依家你係利用人哋對我嘅信任，利用我去搵人笨。
有啲朋友仔真係一心諗住嚟一齊開開心心玩返晚，有啲真係嚟支持我，點知搞成咁。

可能經過呢次事件，會將球迷朋友對我嘅信任催毀、會question我人格⋯⋯而呢樣唔係你三句唔好意思再潛水就搞得掂嘅事！

PS 如果我係神關公 我會喺自己睇波event 叫人憑呢間嘢張收據報名 半價 然後送多支啤酒畀你gurrrr番！！！

ToDate HK

#說好的人善天不欺
#年度災難大電影
#出嚟啦關公
#點解可以覺得人哋係因為一支嘢飲而搞你
#我真係唔知可以講咩好
#大家當晚hur我真係可以忍
#我都明白大家感受
#但係啊主辦你咁處理件事我真係忍無可忍
#甚麼都有底線為何要忍

－－－－－－－－－－－－－－－－－－－－－－－－－－－－－－－－

新增內容：

連日黎都好多人關注今次發生嘅呢件事，我亦見到好多來自去左活動嘅人、球迷或網友嘅留言，你地每一個留言我都有睇，所以希望喺呢到講清楚小小：

首先我想係呢到對所有出席嘅球迷朋友致歉 對唔住！就呢次活動作為嘉賓為活動宣傳、呼籲大家嚟 而大家因而出席 呢點我責無旁貸
作為一個有承擔嘅人，我對出席嘅球迷朋友致歉。

而大家留言中提到話我事前知道安排差、知情不報，存心瞞騙大家我想係呢到解釋一下

我之前所提及嘅安排差其實只在於：安排嘉賓／MC工作方面、宣傳物品冇經我方approval就出咗街等等。而我認為呢啲事係安排上佢對我嘅不公同不尊重，但由於只係影響到我個人；只要安排唔影響大家球迷利益，就無所謂。因為多一個嘉賓，對大家嚟講並無任何負面影響（喺球迷角度 多個嘉賓 大家開心無所謂）

基於公眾利益為大前提下，我方選擇退讓，亦都因此冇同大家提過呢方面安排上嘅失當。

但對於當晚活動上嘅安排 如：冇位坐、小食、或活動上臨時上嘅變故（如：冇抽獎、冇波衫總總），我方事前毫不知情。希望大家明白。

最後我在此對關注此事件嘅各位、受影響嘅大家、所有出席嘅球迷朋友致歉 萬五分對唔住！

從來無論係自己要開工嘅event，定係有自己artiste嘅event，識我嘅人都知我一完event就會post、多謝主辦邀請咁，甚至會預先叫身邊朋友嚟支持下。今次隔咁耐先post，係因為成個project鬧得好唔愉快！

首先要好多謝主辦單位「TodateHK 」邀請。不過呢個多謝，絕對唔係合作愉快嘅多謝！

先唔好去講主辦點樣先斬後奏／點樣要我哋去接受佢哋覺得好合理嘅藉口。 當中既過程包括：無經我哋approval就將promotion materials出晒街、本身講好出一個post 點知要Kannas幫你出多個、嘉賓同MC嘅角色亂到主辦自己都搞唔清、去到現場一鑊粥 風頭火勢 你搞唔掂然後推個嘉賓出去死！人哋幫你係義務 唔係責任。

其次，主辦無論係現場安排、運作、秩序都係得最多兩位同事去應對，完全處理唔到我地到場嘅安排、解決唔到球迷嘅訴求。

即使你因爲認識Kannas，都唔代表我／佢要容忍你所謂嘅「體諒下」。再者，去到冇人breifing、冇招呼，連主辦請番嚟位MC都要問Kannas有咩做，出lift去到走廊多人過行年宵，然後夾硬迫入場要我哋自己搵個位等。水都要到中段再三問先有得飲，而主辦閣下自己好似好忙碌，但係都無時無刻拎住支酒飲！

到底係唔係我唔體諒你 定係你真係好尊重我地？
作為入場睇波嘅球迷，如果因為喺走廊迫同入座嘅安排已經令你著著地， 成功入座先係怒火中燒嘅時候！

所謂嘅「小食」⋯⋯唔係！poster係寫「精緻美食」真係唔好再講！ 可能我人生過去對「小食」兩個字嘅理解有誤。 點都估唔到所講嘅小食係士多$1都買得到既超迷你限定版蝦條定唔知乜媽媽麵！呢包嘢神奇嘅力量就係令人一望就扯火！！！

到開波前一刻：原定節目全部做唔到、嘉賓未安置好、球迷未入座到。然後純粹叫我哋搵個空間企。到開波喇，繼續冇位坐、無水飲、連去個toilet都要經過重重難關先去到。

搞成咁仲好意思中場叫Kannas開咪叫大家再畀錢買下場活動嘅飛，仲要送coupon叫大家去下次活動，然後無論係玩所謂嘅遊戲定抽獎，都係冇安排、冇溝通！說好的送波衫、大量驚喜禮品完全冇影！

而之前喺冇經我哋呢邊同意下、先斬後奏請嘅嗰位嘉賓，人呢？安排呢？Run down度寫佢係MC，然而成晚只係見到Kannas拎住支咪盡力搞下氣氛舒緩下。

就喺無數個？？？？？？？嘅情況下，去到完場個moment我都仲係見到主辦好開心咁一路飲、一路睇波！ 望多你一眼怒火就多一倍！

我敢講 呢單野係我入 行 以 黎，見過最不知所謂、不負責任嘅Event！要大叫中伏嘅唔單止在場嘅球迷，仲有我哋躺着都中埋槍！我哋同各位苦主企埋同一陣線🤹🏼‍♀

最好笑係過去呢48小時，主辦單位嘅負責人分別同我講左3次唔好意思。到底你覺得我應該要諒解你？定係覺得你無錯？你仲要話無諗過人哋會因為一枝嘢飲而令件事演變到咁嘅地步？

咁我真係希望你有心理準備，件事只會惡化落去。
你完事後就話離開左香港，仲要叫我哋忍讓下，過幾日返嚟會出post解釋、又話會follow up?

真心想問你一句：你有無見過人地災難、地震之後，總統會行出黎同你講 我地幾日後會出黎follow up同救人？

總結係
錢 你就袋晒
屎 你屙到一地係
鑊 就人地揹晒

最後最後，喺呢到都要同因為Kannas而嚟嘅球迷、fans、朋友講聲對唔住，因為支持佢嚟咗、畀呢個價錢企足90分鐘，仲要搞到一肚氣。Kannas都覺得好唔好意思！

#敢問主辦方係唔係腦缺鈣
#畀多左24小時等你有合適嘅道歉而你似敷衍我
#經理人唔易做
#形象問題點解決
#懶人包hashtag
#垃圾安排災難處理
#災難性的失敗
#人手唔夠溝通出錯仲要繼續飲嘢
#真心相信小學生搞event也會比你好
#先斬後奏可加無減嘉賓
#poster自動波出街而無經同意
#精美小食簡直係世界級
#對嘉賓嘅尊重猶如乞丐
#現場嘅一切已成定局
#事後處理先令人怒火沖天
#又叫人忍又叫人讓又叫人等
#呢鑊真係唔會忍
#熱切等待你的回覆

#To不知所謂的主辦單位
#From被忽略的女嘉賓及其經理人

車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。

車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。

這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……


駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。

機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。

「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」


赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。

炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。

辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。

遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。

他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」

這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。

一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。

「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……

死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。

「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。

他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」

他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」

他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」

他常告訴自己，這條命好不容易撿回來，只要有明天，他就拼盡全力活。

頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。

其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。

別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。

廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。

飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。

「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」

他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。

生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」

他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」

97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……

墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。

有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」

他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」

他不計較別人的眼光，肯捱肯做，那老闆被感動，反而因此看得起他，願意借錢給他去做生意。

他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。

他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。

他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」

這是他的人生感悟，心存信念，就可活出生命，是死？也生。

撰文：孟惠良
攝影：陳秉謙

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。

皚白的磚牆不如表面般冷僻，滾燙滾燙的，仔細一看，竟是滑下了幾行溫熱的汗水。「咿……」鐵門被推動的聲音刺耳得很，日光肆意地闖進，衝撞到磚牆之上，反光令人眩目，為門前人之臉面作了遮掩。來不及看清眼前人面目，後方又傳來腳步聲，轉身察看，是一名黑髮及肩的婦人，正捧着一盤生雞蛋從正門步入廚房。「撻」的一聲，藍焰冒起，又為廚房添了幾分熱燙。婦人將雞蛋放到沸騰中的熱鍋後，就匆匆步離溫熱之地。

穿過了廚房的正門，便來到了店中間的明檔，她於檔前洗洗抹抹時，背後站了一個身影，是剛才矇矓的人，原來是一個大男生，架着眼鏡，喚女人作母親，神情卻比長輩肅穆得多。也是，他是這家小店的大廚，不是執鏟炒鑊，而是作湯弄糖，熬出舊日的香甜。

舊陣的香

沒錯，這是一家糖水店。門外掛着「佳佳甜品」四個大字的招牌，是個歷練四十年的老字號。晨早的小燈還未開，摸黑可得見小店新簇簇的，甫踏進店內，映入眼眶的是整齊並列的圓枱圓凳，左右兩邊牆都貼上了各式糖水的字樣，芝麻糊﹑合桃糊﹑杏仁糊﹑白果腐竹糖水﹑濃薑番薯糖水﹑紅、綠豆沙，都是十分傳統的中式糖水。雖說是煮糖水的廚子，但功夫一點都不少。婦人名為「二姐」，無需掌爐控火，在店裏做着前前後後的準備工作，別小覷雜務，洗豆子﹑擦薑削皮﹑清潔爐灶，此刻，她正在為熟透的雞蛋剝殼，忙得不可開交。身後的男生是二姐的兒子，名叫「阿傑」，既為掌廚人，自然是不得閒。他從二姐身旁拿了一大盤紅豆後，就急步到廚房，打開冒煙的大鍋倒進紅豆。


做糖水嘛，看似是簡單煲煮之作，但技巧可多了。阿傑正做着每個早上第一件開門之事，就是煲紅豆沙及綠豆沙。紅綠豆沙起碼要煲三至四個小時，最花時間，如果煲的時間不足，它就不香，起不了沙。在它煲煮期間，雙手也不能停下來。接下來就要做最麻煩的糊類，又稱「佳佳三寶」。阿傑邊燒紅生鐵鑊，邊訴說煮糊很難，煮得好吃更難。芝麻糊要先炒芝麻，小店堅持以人手炒製，其實機器炒不是不行，但沒有人手炒如此傳神，因為芝麻糊的香味全靠炒的功力。

他把一大碗芝麻落鑊，炒芝麻最重要是火候，要少量地分幾次炒香，炒太久會焦掉；炒不夠就不香，炒至香味四溢，略見油光就最好。接着，把炒好的芝麻攤凍，再洗淨，就可放到石磨中磨漿，石磨不能乾磨，一定要慢慢地加水。芝麻糊是否香滑，就得看這個步驟，磨刀調得疏便磨得快，卻會令糊漿粗糙；磨刀調得密磨得慢，但出來的糊漿更滑溜，他們用的，當然是後者。漿磨好了要煮，煮的期間加入自家磨的米漿，分量要拿揑得宜，落太多過稠；落太少過稀，稀一點才對，因為煮好的糊漿要坐水放涼，放涼後一整鍋的芝麻糊就會變濃稠，這時吃下去剛剛好。糊類不能煮太多，不然會變得粗糙，滾起來就關火，隔一隔渣就穩妥。


石磨有二，芝麻糊在做時，合桃露也一併同工，做法一樣，只是合桃不需炒，而是靠焗而香，用焗爐焗出少許顏色就好了，過焦會苦。磨合核之時，又見阿傑加了點白芝麻到石磨內，他指這樣更能提出合核的香味。把兩大鍋的芝麻糊及合桃糊搬到明檔，此時，又有一名溫文的中年男人站於檔前，原來是二姐的老公，阿傑當然喚其作父親。他將大鍋交予父親後，便又跑回廚房去。

接下來，又開始煮腐竹糖水。先把白果剝去外衣，再放入已煮得見奶白色的腐竹水內，因為白果本身有輕微的毒素，不能放太多，然後加入薏米，除了有去水腫功效外，更令糖水更香滑。煲煮期間，他又切着巨大的番薯，準備做濃薑番薯糖水。他說，番薯是東莞出產，十分大隻，一隻有一至兩斤重，較有番薯味，基本上街市也買不到。然而，做番薯糖水最重要用好薑，他道：「全世界都話自己用老薑，點解我嘅薑咁靚咁香？呢個係一個特別品種，成本貴三分一㗎。」好的食材一直沿用至今，以舊的手法熬製，一切不變。炊煙冒得更盛，馥郁飄繞。

昔日的手

糖水幾近煮好，又一個陌生的臉口出現，是一名光頭的老人。啊，他是小店的創辦人；二姐的大哥；阿傑的舅父，人稱「光頭佬」。只見光頭佬走到爐火前，逐一觀看他外甥的出品。看他神情，似乎頗滿意，他笑言：「幾好嘅師傅都要靚食材；幾靚嘅食材都需要好師傅，相輔相成㗎。」他指做糖水看上去簡單，但新入行其實十分困難，難於掌握糖水的稀稠及火候，如炒一碟青菜都講究是否夠味﹑夠香，這就是經驗，沒有捷徑。為了傳統功力予外甥，他要求阿傑親力親為，每朝都要早起包辦店裏的所有糖水，未學成時，更要指着他來做，學了很久才有今日的成績。他喜歡阿傑對食物也好，學習也好，都有一種執着。他亦將自己所有技術，毫不保留地教予他。

如此沒有私心，當中又關係着一個生生不息的傳承故事。一九七九年小店創立，他謙虛，說是由自己阿叔創立，但其實是二人一起拍檔做起。如此居功於長輩，正因為自己的技術，來自阿叔。光頭佬當年從佛山來港，跟隨阿叔於茶餐廳做學徒，一年後茶餐廳倒閉，阿叔本身於廣州做糖水，對於糖水有一份情懷，於是開立了小店，又教他做糖水，阿叔十分嚴格，要求高，在其瘋狂鞭策下，他才學成。當年在佐敦冷巷開店，彈丸之地只能於門外設枱凳，整個油麻地及佐敦，就只此一家，客人不絕。逢時不順，其父雙目失明，身為大哥的他要擔起一頭家，養活弟妹，故此未有多餘錢聘請員工。

面對忙亂的檔口，他只好拜託二姐到店裏幫忙。幸好，兄妹二人感情一向親密，二姐二話不說就答應了，畢竟她排行第二，不幫忙的話，大哥怎麼辦？一旁的二姐忍不住搭訕：「大哥叫我嚟幫手，佢人手唔夠，又洗又賣又清潔，一個人做晒，責任感好大，初時人工都冇㗎。」起初只是做樓面，清潔收銀，後來接觸得多，就開始到廚房幫忙，但主力仍然是舀糖水﹑賣糖水。舀糖水並不容易，過稀或過稠要清楚知道，舀到湯料之餘，又要有足夠糖水才算得上均勻，二姐便是舀糖水的高手。

二人亦一同見證了小店的興衰，一同捱過了最艱辛的日子。小店初開時是獨市，門庭若市，但後來又變得沒有人吃，因為興起了西式糖水，光頭佬形容它們左撈右撈﹑左混右混，他雖然不欣賞，花巧之物卻掀起了熱潮。新式甜品店如雨後春筍般冒起，對他們的打擊也頗大。然而，傳統便是傳統，總有人惦記，新式甜品店有見及此，又兼做起中式糖水來，他調侃：「新式又有；中式又有；東又想做；西又想做，但其實顧唔到咁多，所以我有股執着，點都好，執笠都好，都要做落去。」為食者，都有一份執着，正因為他老實﹑不花巧﹑堅持用真材實料，客人吃過都會回頭。後來，附近的糖水鋪很多都倒閉了，沒有十間也有六間。二姐都與他終於渡過難關，更獲得了後來「米芝蓮」的殊榮。

光頭佬對二姐盡是感激：「無條件啊，佢無條件幫我，我個妹對我幾好，唔係，係好好！同我一齊捱苦。」也許因為一同賺錢養家，為頭家付出了，一起捱過苦，感情自然不一樣。當初二十出頭的少艾，在老店工作了二十多年，如今已是半百婦人，一雙起皺的手，見證着青春的流逝。

彼此的恩

小店生意日益見好，現時已每日見長龍。二姐老公後期也到店裏幫忙，兒子阿傑則數年前才正式於店裏工作學藝。早於一年前，二姐覺得是時候背起家族生意，不要讓這些糖水失傳，於是，決定嘗試與老公及兒子到土瓜灣開店。光頭佬於是盡力協助，更嚴厲地訓練阿傑。終於，小店舊年開張，畢竟離開了旺區，生意當然不及老店，這令二姐擔憂不已，夜夜失眠。

身為大哥，光頭佬百忙中都來新店幫忙，看看外甥的糖水煲得怎樣，多贈意見，精神支持當是一種鼓勵。最令二姐感動的，是大哥的一席話：「佢叫我慢慢嚟，花多啲心機去做啦妹，我做咗幾十年先有咁多客人，你都得㗎！呢句說話令我喺鋪頭眼都紅，覺得好溫暖。」畢竟二人朝夕相見，見了數十年，當然會不習慣，但光頭佬對於糖水十分鍾情，他有一個心願，希望自己的糖水發揚光大，總之糖水的味道要圍繞老鋪的水準，好讓這些口味不會失傳。

他經常說一句，自己有碗飯吃，也希望弟妹有口飯吃。同之，自己吃過舊陣時的甜蜜，也望大眾嘗之。

採訪：黃寶琳
攝影：胡浩賢

佳佳甜品
地址：佐敦寧波街29號地鋪
電話：2384 3862
營業時間：12nn-3:30am
詳情： http://bit.ly/2LcAoNv

佳佳 (二姐) 甜品
地址：土瓜灣北帝街57號
電話：從缺
營業時間：星期一至日 12:00nn-1:00am
詳情： http://bit.ly/2zTKPkQ
========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)

《劣食觀世音》 第十回

幾時都話，大學生係我哋未來嘅社會楝樑，
無論係心智定係體能上都需要有足夠嘅培育，
佢哋先可以茁壯成長！
但係！竟然有大學飯堂嘅出品被評為「狗也不屌」，
仲被賦予「地獄飯堂」(Hell Can)之名！
CALL NOW YEAH！！
呢鑊嘢真係閻羅王都忍唔住要上嚟搵人算帳喇！

#杜汶澤喱騷 #為何深夜總是餓 #GeniusBar #劣食觀世音 #壹鳩大事回顧 #chapmantolateshow
=========================
【一週節目重溫】
?星期一《為何深夜總是餓》：
4/2－金銀玉如意(蛋包鯪魚卷)(http://bit.ly/2SqtGtq)
⚪星期三《GENIUS BAR》：
6/2－豬友開運王 (http://bit.ly/2REUrpH)
?星期四《劣食觀世音》：
24/1－ 煲仔飯篇 (http://bit.ly/2WoSuBk)
⚫星期六《壹鳩大事回顧》：
2/2－ 第二十三回 (http://bit.ly/2D89PW8)
=========================
?杜汶澤喱騷Chapman To’s Late Show YouTube Channel：
https://bit.ly/2K5ZyPL