「嘩，呢啲咩垃圾標題來㗎？咁都寫得出？唔覺得核突咩？」
林忌：『咩核突呀？人哋特首都咁樣寫入施政報告，又講咩「強強」，又要咩輻射，仲要射到咩內循環、外循環，中出全力支持，咁樣就會得到中央歡心啦！』
「好心幾廿歲人就唔好咁多性幻想啦，成班性飢渴，跳老舞呀？」
『唔好怕核突，要向基本法宣誓效忠，再寫多啲大灣區呀！要雞鴨融合！要盡早逐步有序地恢復三地通關呀！即係方便班老嘢去跳老舞，然後啊淋病雞鴨鵝，有湯齊齊飲，全力支持張建宗林鄭月娥『通姦』！（要譚仔阿姐嘅口音）』
「嗱聽你話，咁樣出新聞公告得唔得？
懲教署署長全力支持張建宗林鄭月娥通姦
入境事務處全力支持張建宗林鄭月娥通姦
消防處處長全力支持張建宗林鄭月娥通姦
香港海關全力支持張建宗林鄭月娥通姦
警務處處長全力支持張建宗林鄭月娥通姦
財政司司長全力支持張建宗林鄭月娥通姦
政務司司長全力支持張建宗林鄭月娥通姦
香港特首全力支持張建宗林鄭月娥通姦」
『你大灣區來㗎？我叫你支持張建宗同林鄭，講要通關呀，唔係通姦呀，仲有擦鞋擦得專業啲，好冇？你叫政務司司長支持自己，仲有叫特首支持自己，有冇柒啲呀？』
「認真，寫政務司司長支持自己，同叫下面班處長支持自己，其實有分別咩？」
『專業啲好冇？反駁老細？你唔想撈呀？知唔知今日嘅香港，係唔可以用邏輯思考架㗎？人叫你寫，就寫啦，仲用腦諗？』
「咁樣寫通關咁好容易令人誤會，搞到好似咩中出商會條Youtube 片嘅題目咁，咩『中出與你並肩同行』 就唔好啦，有冇好啲橋，可以學特首擦下鞋呀？」
『你冇留意上次習近平來深圳，然後林鄭在施政報告又抄埋一份咩？嗱，咩「香港深圳強強聯手，定能有新的更大作為」，呢句咪可以抄囉！』
「咁樣又得唔得？
懲教署署長支持全力聯手，張建宗強強林鄭月娥，定能有新的更大作為。
入境事務處支持全力聯手，張建宗強強林鄭月娥，定能有新的更大作為。
消防處處長支持全力聯手，張建宗強強林鄭月娥，定能有新的更大作為。
香港海關全支持力聯手，張建宗強強林鄭月娥，定能有新的更大作為。
警務處處長支持全力聯手，張建宗強強林鄭月娥，定能有新的更大作為。
財政司司長支持全力聯手，張建宗強強林鄭月娥，定能有新的更大作為。」
『啊，你有前途呀！但係得口號係唔夠，要幫政府度下橋，諗下點樣hardsell 大灣區，令香港嘅年輕人北上大灣區就業先得！有冇咩好橋，可以配合下特首同班司長局長，諗下點樣幫下政府sell 呀？』
「張建宗有阿叻咁嘅身型，擺出尊特拉華達《周末狂熱》（Saturday Night Fever）嘅扭腰熱舞pose，加馬蹄露咁樣嘅林鄭、肥媽身型嘅鄭若驊，在旁邊自high！認真係入型入格──雖然只係遲咗半個世紀！呢張相夠爆呀，放上A1 做大灣區樓盤宣傳都仲得呀！」（未完，全文按連結，請訂閱壹週刊）
