【團年飯推介：上海姥姥】
桃家今次率先為大家去到上海姥姥試菜，今次就係食佢地新推出嘅團年飯菜單，而且每款都有祝福寓意！
🐟「年年有餘老壇酸菜魚」
以酸菜同麻辣味香料作調味，配上稍煎過嘅去骨魚片，絕對係一道開胃好餸，酸酸辣辣令人欲罷不能！唔該！要多碗白飯！
🐚「大紅大紫小籠包」
大紅「帶子」，取其諧音，以火龍果汁取色作皮嘅小籠包，入面真係有粒帶子，再混合XO醬同豬肉，入口鮮味多汁！
🥟「姥姥金湯全家福」
八款主菜寓意來年「發!發!發!」，當中有海蔘、金元寶形嘅蛋餃、福袋百葉包、鹹肉片、哈哈大
笑鮮甜大蝦、大吉大利雞腿件、團圓美滿炸豬肉丸同財源滾滾鵪鶉蛋；配以由南瓜同番茄熬製而成嘅「金湯」襯底，湯底清甜之餘仲可解去油膩感！
♾「吉祥平安八寶飯」
八寶飯係上海人新年必食甜品，象徵團團圓圓，甜蜜美滿。軟腍嘅紫、白糯米中釀入紅豆沙，再以紅車厘子、紅棗杏脯、腰果碎同桂花糖，共8種材料製成！新一年祝願大家甜甜蜜蜜！
最後再飲番杯又潤又甜嘅雪梨紅棗茶，祝福大家來年順風順水（茶）; 紅運當頭（紅棗）; 大吉大利（雪梨）！
🍑👩🏻桃媽點評：
總括離講非常抵食，我地4個大人1個小朋友，另叫左2個白飯都係岩岩好食哂，酸菜魚真心推薦，魚質又嫩又滑；小籠包熱辣辣夠多汁；金湯盆菜小朋友都岩食；最後個八寶飯更加係桃媽大愛，桂花汁好清香，伴住糯米飯食冇咁滯，入面釀入紅豆沙更係一絕！😋😋
#上海姥姥 #團年飯介紹 #份量好足 #埋單唔駛500蚊 #雪梨紅棗茶 #姥姥金湯全家福 #吉祥平安八寶飯 #大紅大紫小籠包 #年年有餘老壇酸菜魚 #好有心思 #每道菜都有寓意 #老一輩一定鍾意 #咁多分店唔駛排餐死 #價錢公道
