【 #愛情冷知識 - 男友嘆氣原來唔係唔耐煩！ 】
作為一個成日FF太多嘅女友，每次男朋友輕輕喺我隔離嘆氣，就硬係覺得佢一定係有心事，但問佢佢又話無嘢，然後佢話無嘢我就更加覺得佢有嘢...嗚嗚，亂咁諗我都唔想！唔只㗎，有時同男朋友展開激烈嘅討論，討論得太耐，佢有時都會大大聲「唉」～ 然後我即刻虎軀一震：「佢一定覺得好不滿」、「唔通佢覺得我好煩？！」，然後就會鬧交... 不過最近外國有研究證實，男人嘆氣其實同負面情緒一啲關係都無，只係反射動作！原來一直錯怪咗BB，下次男友大大聲唉唔好再詐型了，佢呼吸緊咋，知無？
.
最近有6間歐洲同美國大學共同做咗個研究，邀請咗510個男參加者，研究佢哋嘆氣次數同情緒嘅關係！首個回合就先要講低自己對「嘆氣」呢個行為嘅感覺，而大部分回應都話係代表緊張、焦慮、抑鬱，甚至絕望等情緒，好鬼負面！相反如果較少嘆氣嘅人，就會被視為外向、充滿正能量、善良同有良心（你咁都知？），會唔會太快下定論啊？
.
而第二個回合就按生活滿意度由高至低分成四組，再用儀器偵察佢哋嘅三日以嚟嘅總嘆氣次數。結果發現原來開唔開心、對現況滿唔滿意係同嘆氣次數完全無關，因為就算生活滿意度高嘅參加者嘆氣次數都唔少... 反而嘆氣次數更多嘅男人，會較少覺得寂寞同抑鬱，仲較擅長同人建立關係，原來嘆氣次數多先係世界仔指標！！！
.
專家繼續解釋，嘆氣好多時都並唔代表失望、悲傷等負面反應，只係呼吸嘅一種，係有助維持肺功能維生嘅反射動作～ 所以下次男友再對住你嘆氣，唔好再誤會佢了，應該係練緊肺（廢）之呼吸姐，絕對無覺得你麻煩囉，你啲女人唔好咁敏感啦！唉（嘆息）！！
.
#男友表示終於可以大大聲嘆氣 #咁擰埋頭又點解釋先 #對住我咁愁咩 #不過其實如果女友唉 #男友仲驚 #即刻覺得自己做錯嘢 #情侶 #愛 #愛情 #語錄 #拍拖 #香港 #搞笑
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
咁擰埋頭又點解釋先 在 你出句聲啦！」 佢捉住嗰位叫阿賢嘅後生仔死命係咁搖 的推薦與評價
Katie認真咁講「但其實所有嘢都係嗰個叫三號嘅人講哂架喇，正如頭先嗰衰人點解死，阿菁點解無事，我地都一頭冒水架。」 「講起呢點其實我又唔同意。」阿各 ... ... <看更多>