應節舊文（心心）
-\-\-\-\-\-\-\-\-\-\-
1.我們都慣咗叫《Love Actually》做《真的戀愛了》，這中文片名至少貼近戲裡一眾大小角色心境，畢竟他 / 她們都真的戀愛了。
2.回看戲名，意義又好似不止於此，反而想問：愛，Actually係乜？
3.Peter同Juliet結婚了，作為Peter老友的Mark，好應該戥朋友高興，他在婚宴上卻一味鬱鬱寡歡拎住部Camera係咁拍，又唔多理新娘子。看在別人眼裡，好難唔以為佢其實情傾Peter——就連Juliet本人都係咁諗，某一天，她專登借睇帶揀Shot為由，摸上門，傾清楚——點知發現Mark嗰餅帶所紀錄的，都是她的Close-up。
4.有份出席婚宴的Sarah，一直暗戀同事Karl，暗戀到一個地步是連老闆Harry都忍唔住叫佢：頂，表白啦。天從人願，聖誕P上，Karl邀Sarah共舞，舞後再送她回家，並表示自己唔急住走……正當二人以目光感受浪漫寧靜宇宙，但總不及兩手輕輕滿身漫遊時，Sarah電話響起——是她那個長期住院、患有精神創傷的細佬打嚟。缺乏安全感的細佬，無時無刻都想聽到家姐把聲。
5.力勸下屬表白的Harry，同Karen結婚多年，育有一對子女，家庭生活美滿又中產。愛聽Joni Mitchell的Karen對生活無欲無求，Harry就在火辣下屬Mia的連番挑逗下煩惱：Do定唔Do？在解決這問題前，他決定買一條貴重的鏈給Mia（於是上演了那一場經典的Mr. Bean包禮物戲），點知Karen以為條鏈係老公送給她的Surprise。
6.Karen阿哥David，單身，新任英國首相，第一日開工，就Keep住望實豐滿的女僕Natalie，相當意亂情迷，偏偏他目睹了Natalie與到訪的美國總統似乎有曖昩關係。
7.未完。Daniel，Karen朋友。他妻子剛離世，個仔Sam粒聲唔出——原來Sam愛上了來自美國的Joanna，但不知點算好，Daniel決定做個仔的軍師；Jamie單拖出席Peter婚宴，返到屋企發現女友正準備與自己朋友搞嘢……傷心欲絕的他移居法國鄉郊寫小說，期間與來自葡萄牙的女僕互生情愫，問題是二人有著言語隔閡；在Peter婚宴上做打雜的Colin，一直打動不了英國女人的心，「聰明」的他遠走美國，他相信美國女人都愛他獨特的英國口音……Sorry仲有一Pair，John & Judy，二人有幸分飾某電影某場Sex Scene的替身，明明肉帛相見，偏偏含羞答答，唔知點開口……
8.愛是甚麼？就是一種唔知點解而又失驚無神湧現的感覺，重點是，擁有者需要讓（令你湧現這感覺的）對象知道，最直接方法是透過語言——基於電影設定在聖誕，聖誕又總是個令塵世間癡男怨女都不願孤獨度過的浪漫節日，於是各人都選擇在這個時刻表白——即使像Mark，一生最愛與自己老死結了婚，明知沒結果，依然把愛的語句寫在紙板上，冇講出口但寫晒出來，含蓄，靜默。
9.Love is All Around。英國樂隊The Troggs經典老歌。對比其他愛情片，《Love Actually》真正勁在把愛的波及範圍，覆蓋到其他涉及情的關係——親情、友情。Sarah為了細佬，甘心放棄等了又等的愛情。一開波出場的老牌過氣歌手Billy，因為改編了這首《Love is All Around》，成為英國榜No.1，在他正享受久未出現的成功滋味時發現，對他最重要的人原來不是那些歷年來送上門的Model，而是一直默默支持他的月巴監製Joe。聖誕夜，他離開那些俾面派對，去Joe屋企飲酒睇鹹帶。
10.愛一個人，除了強烈的感情使然，還是一項決心、一項判斷、一項允諾。因為感情可以話嚟就嚟話走就走，不能成為永遠互愛旳基礎。以上唔係我講嘅，是Erich Fromm在《愛的藝術》所說的。
唔以為 在 琉球皇Oki - 大家唔好以為 剷屎同埋 媽媽最偏心 Oki同 Nago ... 的推薦與評價
大家唔好以為 剷屎同埋 媽媽最偏心 Oki同 Nago ⋯ 其實佢哋最錫係本公主啊! 本公主要咩有咩! 同埋我最鍾意就係瞓喺 個肚腩上面,等佢拍我pat pat, 狂煲水！ ... <看更多>