《 Live update：克羅地亞五雷轟頂狂野時速 》
現在時間係 凌晨 3時24分，喺五個鐘前，我上了往薩拉熱窩的巴士。
咁多次旅行都好少做到即時更新，今日破例因為過去四個鐘嘅經歷太經典，再唔打低驚自己唔記得。
是咁的，根據計劃，今日去完十六湖國家公園後，我和鄭要折返克羅地亞首都薩格勒布 Zagreb，坐夜巴前往波斯尼亞的薩拉熱窩。
有鑑於前幾次坐長途巴士趕頭趕命又走巴的經歷，今次check定幾點有電車，食完晚餐諗住慢慢過去 ZOB 巴士總站拎行李啦，一出街發現人頭湧湧，呢個時候一波三折嘅事準備上演 😭😭
行到電車站，發現顯示牌一抽字，另一邊街頭又一直有大批人拎住蠟燭、口裡唸唸有詞咁向前行，心諗：有唔妥😨😨😨 即刻拉左個路人阿叔問發生咩事，阿叔話有活動好多人上街，市內電車停駛兩小時。
好啦，無電車唯有落地行。沿路依舊一批批蠟燭人，我地就反方向急步行。呢個時候個天開始行雷閃電（係幾好似哈利波特額頭嗰d），今朝出發前check過知道夜晚有雷暴警告，所以我地都無太大驚訝，只係再加快腳步。
點知，之後個天開始落雨。Ok fine，開遮，再行快D。點知，五分鐘之後個雨越落越大，一邊行雷轟轟轟轟轟，我地要趕車，幾個人喺薩格勒布高低不平水窪滿佈的大街上狂奔，行行下一架車駛過黎濺起成堆泥水；聽住D雷電一野轟落去隔離D草皮，嗰十分鐘好漫長，真係以為會被雷劈死。
唉，濕L哂，唔L驚。
到幾經辛苦到左 ZOB，已經變左落湯雞，件外套擰得出水，鞋入面裝緊水。想像下四個喺大陸遊水落香港嘅偷渡客，exactly係咁嘅樣😑😑😑 然而仲未可以鬆懈，又要衝去拎行李，拎住行李爬去坐車，又被告知一定要print實體飛（因為要收集票尾）
距離開車時間只係淨返5分鐘，巴士司機叫我地去Ticket Office print飛，Wifi唔work無得send比ticket office，搞左一大輪，好彩最後都print到，而巴士司機都好好人咁等埋我地 T T
後續如何，我都未知。呢個時候我安坐在大巴上，望住外面橫風橫雨，大巴車起嘅泥水拍得住海洋公園下水禮，而自己揹住兩個袋好似乞衣咁，希望明天會更好嗚嗚。
後記：一覺訓天光，唔記得publish LOL
後尾上網一search，發現原來琴日係一年一度的城市主保聖人節，無話好說 T T
目前人已在薩拉熱窩舊城區，安靜地等待我的早餐中🤘🏻
#toolong如果你read哂真係好有心
#如何育成難民般的Backpacker
#第一次Backpack已經搞成咁
#唔係講笑每況愈下一日比一日更似乞衣
-
《 #莫嘉在歐洲 》
http://goo.gl/bGWcIX
-
* 看其他旅行分享👯 *
🔸IG：@monka.ng
🔸 Facebook：Monka • 莫嘉的漫遊地圖
🔸 My Blog：www.monkawanderism.com
📍 在「Liked/已讚好」按鈕中，設定本專頁為「See First/搶先看」
