「我知呢份工並唔係最適合自己，不過冇足夠嘅本錢跳出嚟。」曾經有一段頗長嘅時間，我腦海都有呢兩句說話一直盤旋，你呢？你以前或者而家，有冇相同嘅感受？
《辦公室日報》開page時冇諗過可以接廣告，我覺得如果初心係為錢出發，出嚟嘅嘢就會唔一樣，慢慢地搵到錢而又可以寫返自己鍾意嘅嘢，真係誤打誤撞行出嚟。
我仲記得第一個廣告係關於旅遊，當時唔知自己應該收咩價，3000蚊就奉獻咗我嘅第一次，後來唔止發現below market price，仲發現合約中有項好霸道嘅條款：「半年內唔可以賣相同類型廣告。」之後做落咗，經驗多咗，當然知道呢個價錢加呢個條款係極度唔公平啦！不過都係嗰句，人生唔會有任何一步係白行，你總會有得著同埋成長，蝕過唔緊要，最重要係學精。
後來個page多咗讀者，廣告job亦隨之增加，生活同工作模式就變咗一份headhunt正職，一份寫廣告，仲有寫專欄，不過最困擾我並唔係時間分配，而係人物分辨，因為獵頭公司嘅客會揾我，求職者會搵我，廣告客會搵我，有時office hour收到電話的確幾騰雞，冇理由坐喺公司個位傾廣告job咁惡吖，亦試過特登行開聽先知係獵頭公司嗰邊嘅客，轉身又急急腳返埋位開電腦睇資料，畢竟好多人係用公司電話打嚟，睇number好難分，有時都要load一load。
早排離開咗獵頭公司，開始接埋freelance拍攝工作，毫無預計之下成為咗真正嘅Slash，我開始將工作同埋生活圈子分開，因為我班friend個個口水多過茶，平時趕緊稿如果唔丟低佢哋一陣，真係會chat到天昏地暗，然後有啲客又會半夜12點搵你傾嘢㗎喎，大佬而家賣身畀你咩！所以我慢慢地分開咗兩個number去招呼唔同嘅人，工作為生活，唔好要我為工作而冇咗生活啦。
可能你會問：「出多個number，如果冇dual SIM phone，咁咪要買多部手機囉，成本好大喎！」
大家煩惱嘅問題，依家market上SmarTone有個「孖SIM Plan」包兩張SIM，平均每張SIM月費都只係$159，當中包括嘅4GB+4GB雙倍本地數據係兩張SIM互通任你分配，即係今個月如果工作多啲咪分多啲data畀公司SIM，下個月download多咗私人WhatsApp group嘅相或者片，又可以加返多啲data畀私人SIM，夠哂靈活。如果想再多啲數據用，仲可以自選升級無限數據，唔使再驚爆data！至於手機亦唔使拎多嚿錢出嚟買， 直接送埋畀你，有Samsung A20s同埋Nokia 3.2揀，for公事或spare phone都夠晒啦！果粉亦可以用＄1,989換購 iPhone 8 (64GB)，再唔係仲可以拎佢$1,700手機及配件折扣買其他型號嘅手機都得，點樣用由你話事。
好多人覺得呢個世界所有嘢都係益新客戶，舊客戶就當佢係草，SmarTone又唔會喎。只要你係現有客戶上「孖SIM Plan」或加開新線，咁就再送10日亞太區數據通行證 (價值$209) ，出差或者私人去旅行都可以用得著。
身兼多職嘅唔止我一個，我有朋友做住正職run緊IG shop，賣自家製飾物，亦有舊同事手握N份design freelance job，一直堅持自己嘅夢想同埋興趣，你呢？2019年話咁快又到年尾，有冇乜嘢計劃進行緊呀？總之搵啱條路，搵啱配套，我哋無論係咩行業都好，目標始終一致，就係做自己喜歡嘅工作，過自己喜歡嘅生活。
關於SmarTone「孖SIM Plan」詳情，擺低條link畀大家慢慢睇：
https://bit.ly/2D3SXAh
#SmarTone #孖SIMPlan #工作私人隨時分身 #開多張SIM #免費攞多部機傍身 #Slash #唔好因為工作而冇咗生活
唔好因為工作而冇咗生活 在 人生意義｜【 做人咁辛苦到底為乜？今日終於有答案 ... 的推薦與評價
人生意義｜【 做人咁辛苦到底為乜？今日終於有答案！ 】｜好多人 生活 每日勞勞碌碌、重重複複…做人到底為咩呢❓人生中除咗讀書、 工作 、結婚、生仔… ... <看更多>