【夾夾手】
打份工，人人理解唔同；有啲只為錢、有啲為興趣、有啲旨在消磨時間、有啲為咗貢獻社會.....
而我，之所以投身安老服務嘅原因，好簡單！因為我想幫人，尤其係喺社會裡相對弱勢嘅老人家！
成日聽人講：「老喇！冇用喇！」、「老喇！眼又矇耳又聾！」、「老喇！成日周身骨痛！」、「老喇！仔女個個有自己頭家，邊得閒理我吖？」、「老喇！唔死都冇用！」
每次聽到老友記咁講，更加強我想保護佢哋、為佢哋出頭嘅使命感！邊個話老咗冇用？邊個話老咗一定喺度等死？邊個話老咗一定要受人欺負同歧視？仔女唔理你？唔緊要！我理你！
痛，係好多老人家面對嘅問題！尤其係關節，手舉唔到、腰彎唔到、膝踎唔到、腳行唔到！痛，可以令老人家感到無助，尤其係獨居老人家，有時真係食幾多款止痛藥都冇用！因為做唔到就係做唔到！簡單講，真係有錢跌落地都執唔返！
亦因為咁，舊年開始，我策劃《整好雙足好滿足～長者足部護理計劃》，請足部治療師幫有需要嘅老人家剪趾甲同改善足部問題(計劃今年會延續，在此感謝Mei Mei對我嘅支持嘅贊助！)；最近，我就買咗一批「夾夾手」返嚟，送俾有需要嘅老人家！
腰骨塌咗，痛到眼淚係咁流！膝頭退化，痛到踎都踎唔到！統統唔駛怕！「夾夾手」幫到你！
雖然我唔係醫生同物理治療師，但我係一個好奇八卦同同理心滿瀉嘅阿肥姑娘！
老友記們收到「夾夾手」，覺得新奇又好玩；雖然腰骨膝頭依然痛，但嘴角不自覺笑了！
唔死都冇用 在 梁國雄怒斥譚耀宗「唔死都冇用」 - YouTube 的推薦與評價
立法會財委會繼續審議長者生活津貼撥款申請。議員梁國雄指，有市民向他反映，不滿譚耀宗於爭取長者生活津貼，出爾反爾，「 唔死都冇用 」。 ... <看更多>