Search
【#LikeJapan娛樂】搞笑藝人模仿花澤類 (小栗旬) 結婚記念日給老婆100支玫瑰的驚喜
因為模仿小栗旬而爆紅的搞笑藝人小幡大哥。他在自己的結婚記念日模仿《花樣男子》的花澤類，並手持100支玫瑰站在電動車登場，最後令老婆感動到又笑又哭。XD
影片：twitter.com/hinode_obt/status/1111204985843286018
by #Likejapan_Owen
＝＝＝＝＝＝＝＝＝＝
東京近郊秩父、長瀞遊！任摘士多啤梨+溫泉+被爐船↓
www.likejapan.com/s/seibuchichibu
今日想吃吞拿魚！壽司外賣訂購：http://bit.ly/2WdrhAF
立即下載喜愛日本LikeJapan APP：
Android：www.likejapan.com/APPandroid
iOS：www.likejapan.com/APPiOS
【七宗罪 之六】
遲數分鐘出生，決定長幼之序。這8分鐘，註定約瑟夫永遠當哥哥，佐治只能是弟弟。
雙胞胎出生，從來都較辛苦。所以媽媽自小便教導約瑟夫、佐治，兩兄弟要和睦相處，相親相愛，永不分離。
因為戰亂，父母都在孩子們9歲時過身了。約瑟夫很生性，盡力擔當兄長責任，照顧佐治。幾乎每天，也會確保佐敦睡好休息夠，自己才溫習、休息。
家境清貧，約瑟夫的衣著相當簡陋。長期穿上爸爸生前留下的闊身衣服，看起來永遠衣不襯身。不過，因為約瑟夫聰明伶俐，樣子俊俏，加上為人勤奮、積極樂觀，而且讀書成績一直優異，考試測驗全部滿分；故此，就算衣飾簡樸，學校的老師同學，仍無一不喜歡他，絕對是個人中龍鳳般的優秀人物。
約瑟夫自小有個夢想，就是要當個科學家，在醫學、生物學上有所成就。因此，不停鑽研相關知識，並會經常在空閒時間進行研究，十六歲便得到國內不少大學青睞，招他入學。
相反，弟弟佐治，卻有著跟哥哥截然不同的性格。佐治為人孤僻、善妒、負面、希望全世界都失敗，甚至對照顧自己無微不至的哥哥，也恨之入骨，希望他會最終失敗收場。
十六歲生日的這天，約瑟夫要去大學發表研究論文，如果順利，將會獲得大學收錄，成為醫藥生物學的學生。由於住得比較遠，所以約瑟夫早了兩小時起床，預備出門駕駛。
「細佬，你一間會支持、鼓勵我？我等左呢日好耐，真係好希望會成功，成為醫藥生物學學生。我好緊張，真係好緊張...」約瑟夫捉著佐治的手說。
佐治點頭頭，俯身向前拿起前方的一對玻璃杯，倒了清水，對哥哥說：「哥哥，唔使擔心啦。你實得嘅，一直以來所有人都知你叻㗎啦！而且今日又係我地生日，一於出門口前飲呢杯水，慶祝生日之餘，順便預祝你成功啦！」
約瑟夫、佐治兩人一同碰杯，一飲而盡。然後，一同出門上車去。約瑟夫駕著車，十五分鐘不到，已經覺得頭暈，看著前方，左搖右擺，車子根本走不了直線。「佐治，頭先你倒果杯，係乜黎，點解我會醉左...」
佐治雙眼通紅，充滿酒意：「哈哈，我倒果杯？咪伏特加囉！」
約瑟夫氣結，「咁我...點去大學講論文呀？」
佐敦半醉半醒的說：「係呀，你唔得呀… 停車啦一於，哈哈哈！」
血液充滿酒精，約瑟夫實在無法駕駛下去，只能停在路邊休息。一睡已經六小時，演講時間已過，約瑟夫知道再去大學也沒有用，只好駕車，與佐治回家。
忿怒嗎？必然的。約瑟夫期待已久的機會，就這樣白白的給佐治破壞了。不過，約瑟夫為人樂觀，加上母親教誨：兩兄弟要和睦相處，相親相愛，不分離；所以他也沒有動氣，更反過來說：「哈哈，無去到都好丫，可能去左，反而會失敗呢？萬一係咁多學者面前失敗，仲醜仲衰過而家咁失約呀！」
佐治看到約瑟夫連錯失大好機會，也能這樣積極面對，心中更加妒忌厭惡，只是沒有說出來。
又過一年，約瑟夫終於考入醫藥生物學系，一如以往般日夜苦讀，成績優異。佐治亦繼續當其負累角色，無理地要求約瑟夫照顧之餘，更時常在重要關頭拖約瑟夫後腳。
有一次，二年班考試。佐治在考試前一天晚上，偷偷在約瑟夫的肚皮注射安眠藥，結果約瑟夫整夜入眠，沒有做好試前準備。不過，約瑟夫聰敏過人，考試一樣以滿分完成。「沒有影響呀，我真心感激佐治為我緊張嘅心情，帶來足夠嘅休息。」
另外有一次，期終考試，要做精細手術。佐治又在當天的早餐中，加入大量咖啡因，令約瑟夫在手術時間，雙手震動，開不了刀。最終，約瑟夫無法完成手術，不能成為醫學院的外科醫學博士研究生。不過，卻又因為沒有進入外科，約瑟夫轉為進行藥理研究，在往後的日子，有更大發揮。
可能，約瑟夫都習慣，習慣了佐治因妒忌帶來的破壞。不過，他繼續對這位兄弟，不離不棄，依然好好照顧佐治，相親相愛不分離。
因為國家將要打仗，對優秀人才相尚重視，所以在約瑟夫20多歲時，便成為了國家的重點科學家。政府甚至想為他介紹一位樣子標致的夫人，只是約瑟夫都婉拒了。因為約瑟夫知道，他，還有一個弟弟，需要照顧。
不過，另一邊廂，弟弟卻再也忍受不住這位天才哥哥。
「點解，點解你要咁叻，偏偏我就唔可以？點解上天咁唔公平？點解！？我憎你，我憎我地父母，點解你就一定會成功？我就注定要失敗？」說罷，拿起充滿山埃的針筒，向著自己手臂，準備注射入去。
幸好，約瑟夫這時剛從夢中醒來。看到弟弟正要注射山埃，馬上把針筒打跌。
「唉，佐治，點解要打山埃自殺呢？」約瑟夫邊進廚房，邊向佐治問道。
「我唔想做人喇，我都唔想再見到你成功喇...」 佐治抬起頭，向著約瑟夫說。
約瑟夫：「所以你打山埃？」
佐治點頭，哭泣不成聲：「點解明明我地流一樣嘅血，就只有我失敗？點解我只得一隻士多啤梨咁大嘅手、一個橙咁大嘅頭，仲要永遠痴係你條腰到，而你就俊俏優秀、高大威猛？我好唔忿氣！」
約瑟夫冷冷地回應一句：「我地係骨肉相連，不分離嘛。哈哈哈... 」
佐治快要瘋了：「約瑟夫，雖然我只有一隻手同一個頭，但你唔好忘記，我地嘅身同血管，係連接埋一齊。你唔記得？當年，我比水你飲，我飲伏特加，倒頭來你一樣會醉。所以，頭先我打山埃，你一樣會死！好丫，骨肉相連，永不分離丫嘛，我地一於一齊死！」
約瑟夫看著佐治，卻表現得很平靜。「佐治，你要妒忌到我幾時，先睇到真相呢？係，我地係連體嬰，我係母胎已經搶晒你d養分，所以發展得好過你。你妒忌我，我明。不過你又知唔知，我點解一直努力咁去做醫學研究？」
佐治顯得很迷惑，約瑟夫繼續說：「每次見到其他人，可以游水、打波、追女仔，你知唔知我有幾妒忌？點解佢地咁平凡，都可以有老婆仔女；我咁優秀，就偏偏因為要隱藏你，而唔可以有正常生活？要我成世唔分離咁照顧你，點解上天對我咁唔公平？所以，我要一直努力去做醫學研究。因為只有咁樣，學好醫術，先可以神不知，鬼不覺咁，為自己做切除手術... 哈哈... 咩呀，你咪咁望住我先，係呀，我要切除你嘅手... 同埋頭呀… 哈哈哈...」
佐治嚇得面如死灰：「哥哥... 你切左我，我會死㗎...唔會嘅... 你不嬲都咁照顧我... 一直只有我妒忌你之嘛，你... 你唔係一路都好好人㗎咩，唔會嘅，唔會㗎... 講笑之嘛... 可？媽媽教我地要永不分離呀嘛，係咪？」
約瑟夫走到餐枱前，右手拿起手術刀，向佐治笑著：「你頭先唔係想死㗎咩？係呀，我一直都好照顧你… 因為時機未成熟之嘛... 哈哈...... 呀，最後講埋，我好人咩？傻瓜...你係點嘅人，我咪點嘅人囉。你一定係唔記得左，我同你，身體流住同一條血㗎... 」
這晚，佐治永遠消失。因為從來沒有人，知道他存在過。
【七宗罪 之妒忌】
