睇到有人話黎到英國一擊即中搵到工，我真心講句：我真係恭喜你呀🎊🎊🎊
唔係講笑，呢個時勢一落地就搵到工，完全係運氣值Max的暴擊，真係完全唔容易。
英國最新十月失業率係4.9%，同比上季升左0.7%... 即係咁，如果我同你講英國搵工易左，你都唔信我啦對不？
呢個時間市面上嘅工，一係人工好高，但同樣地要求極高，根本是在找萬中無一的絕世高手，小薯仔如我可以收皮。又或是一些沒什麼技術和資歷要求，上下班時間又不固定，輪班輪更的那種「豬頭骨」。
即係如果你搵緊嘅係大企業中或者中下層，年薪35-70k呢個範圍的，會很困難，競爭也很大，如果你有幸搵到，請俾心機做好份工，因為真係執到寶。
但我相信大部份人黎到，好可能都會係做「豬頭骨」先，而在今次疫情下，可能隨時要做一兩年。即係咁，厭唔厭惡性嘅工種就因人而異，各人頭頂一片天，我不予置評。但有一點好需要留意嘅係：當你做左兩年低技術工種時，經濟好返你send cv想做返半技術行業（例如我呢啲19 IT marketing)，你點樣說服僱主接受你過去兩年的「空白期」？
孔子講過「人無遠慮必有on9」，你做呢類工作沒問題，問題是怎樣不荒廢自己本身的專業？
呢個時候，你一係襯機會讀書修個master，但支出一闊三大，需要有財力支撐。又或是... 選擇去做義工— 英國好多NGO甚至政府都在找義工擔任各種工作，下至跑腿上至校監甚至Graphic designer、marketing manager 等等，你可以從呢啲無薪職位養住自己嘅專業知識，也能體驗一下英國該專業的職場文化，更重要的是，兩年後你再搵工，僱用會覺得你人窮志不窮，鬼佬大愛左膠，一個能屈能伸而又熱心公益的新移民勵志應徵者係會大大加分。
所以話助人自助，幫到人真係好開心，大家有空也跟人妻先生一齊做義工吧！
#陰德值刷好刷滿
#人品好自然牌品好
#係呀移民黎英國就係求上不得求槓不能
#雞糊都係糊
#食左先
#啲牌慢慢儲慢慢做
#你推牌反檯再拎個煙灰缸車落去都冇用架
#英國室內禁煙好耐你邊度搵煙灰缸車個HR呀
啲牌慢慢儲慢慢做 在 96後眼鏡妹阿欣－ 保險二三事 - Facebook 的推薦與評價
財富喺要一點一滴慢慢咁累積 除咗培養良好嘅儲錢習慣之外，一個有效嘅儲錢規劃 ... 疫情愈來愈嚴峻，確診數字節節上升 不過唔洗驚 做好準備就放心喇 即刻睇下疫情 ... ... <看更多>