《讀者請教》
講起屋企，自幼雖然係孻女，上有2位哥哥，所以萬千寵愛在一身， 買嘢同搞生日會我都係最多嘅一個， 同哥哥打交又有父母偏幫，不過可惜有一樣嘢就係要逢親所有喜慶場合或者喪事都必須出席。
記得以前中學嘅時候係2000年代， 要排到張演唱會飛真係好困難嘅事，又炒到好貴，當時嘅零用錢真係儲咗好耐先至買到，但由於撞正比較乞人憎嘅表姐結婚擺酒 ，去到最後父母都係唔畀去， 但臨時臨急都送唔到畀朋友 去演唱會，父母仲親手撕爛埋，不論我大喊又好都冇用!連我係 最寵愛嘅一個都冇一倖免。
當時都係得 15歲, 我父母真係好強硬, 其實 問過好多家庭呢啲場合屋企只需搵一兩個代表已經足夠 。
好慶幸呢年幾兩年因為疫情去少幾個婚禮， 當時表弟個婚禮係喺2020年3月，但因為當時疫情爆得好犀利已取消 。我都有問過媽咪如果表弟仲繼續擺酒咁我哋係咪唔應該去？但阿媽都話根據規矩一定要去,但好彩取消咗,否則 又另一個群組爆發就大鑊!
父母連阿哥女朋友遇到事都要被請假, 因為我哋有一個伯娘極之小氣 ，大伯死了，女朋友唔去嘅話佢都會怪我哋呢家人，又多是非，過年肯定會受盡冷言冷語， 所以好多人都要阿哥女朋友 前一日臨時臨急請假， 不過可惜女朋友當日屋企受到圍封， 屋苑有人確診所以出唔到嚟， 不過當時老細冇批假， 冇理由前一日先至臨時臨急話請假掛？ 但由於受到突發事件所以大家冇得嘈冇得怪佢，哈哈😄😄
而家最大嘅問題係父母太固執同食古不化， 要求我相睇，要拒絕真係好麻煩 ，他們講極都唔明! 係咪要我消失一排，佢哋知道自己太過份先識驚唔再逼我? 我已搬出嚟住兩年了。
唔知第時個男朋友知道我以前因為咁樣畀父母撕爛張演唱會飛會唔會介意我嘅家庭背景? 亦都有啲擔心男朋友第時都要面對被請假嘅風險， 始終我以前拍嘅拖都係 唔算太長，都唔係好清楚 咁深入嘅情況， 所以第時都唔知點樣去處理？
謝謝你們!
＃我的極品四大長老
喜慶背景 在 新年喜慶背景in 2021 | Cards, Background, Borders - Pinterest 的推薦與評價
Jan 26, 2021 - 新年喜慶背景圖片免費下載,圖片格式PSD,圖片尺寸5000 × 2860px,圖片大小50.8 MB,圖片編號401873324,圖片發佈時間13/11/2020. ... <看更多>