我女朋友要湊孫（下）
上集：https://bit.ly/3nq1jso
阿邦反駁：「煩惱小店？由屋企到街市根本冇咁嘅舖頭。」
音音答：「我之前都冇見過啊，之後我想再搵番嗰間舖頭，都搵唔到。」
我唔敢相信，但1950年出世、廿幾歲外表嘅音音，的而且確企喺我面前。
「變後生咗，就要拋棄家庭？唔好玩啦阿媽，返屋企湊孫啦，最多我加多啲家用畀你。」阿邦又想拉走音音。
原來，音音變番後生之後，就留低咗一封信，離家出走。
阿邦用咗好多心機，搵埋私家偵探，查音音嘅信用卡資料，先搵到佢。
初時阿邦都唔敢相信自己對眼，佢觀察咗一輪，睇埋音音嘅習慣愛好，先相信自己對眼。
殘酷嘅謊言令我心碎，我擰轉頭就走，音音返唔返屋企，都係佢嘅家事，我冇資格理。
音音大叫：「文仔，我係真心愛你㗎。」
「阿媽！」阿邦怒不可遏。
但我走咗之後，音音打咗好大段Whatsapp畀我。
其中有一段我最深刻，佢話佢本來都冇諗住拍拖，只係想享受吓自由，但佢遇到我，抗拒唔到愛情嘅魔力。
佢一生都冇試過咁轟烈嘅愛情，佢只係想同我，好好愛下去。
諗番轉頭，冇人知音音係71歲，的確幾多男仔追佢，但佢偏偏揀咗我。
始終我仲係愛音音嘅，我接受咗佢嘅解釋，決定繼續同佢一齊。
音音都堅決拒絕咗阿邦嘅提議，唔肯返屋企湊孫。
音音都有啲積蓄，佢打算開間咖啡店，過後生仔女嘅生活。
佢仲話，佢會努力賺錢，公一份婆一份，第日同我一齊買樓結婚。
佢描繪嘅美好將來，真係令我好期待。
我選擇忘記佢嘅真實年齡，當佢係一個正常嘅女朋友，每日同佢傾計，成日約佢出街。
我哋拍咗兩年拖，我以為我哋嘅感情已經好穩定。
點知我生日嗰日，佢突然同我講，佢識咗一個「更適合佢」嘅男仔，要同我分手。
我難以置信：「你又話，你一生都冇試過咁轟烈嘅愛情？」
「咁呢個更轟烈嘛……」音音神情委屈：「同埋我有自由去選擇其他人㗎嘛，你成日管住我，我覺得好大壓力囉。」
我忍唔住問：「就算你要帽我，點解等我生日先嚟講分手啊？」
「我唔係特登，人哋啱啱同我表白，我咪即刻通知你囉。」音音仲畀埋whatsapp我睇。
我嘅傷心同憤怒，唔洗講大家都想像到。
事後我一直諗，點解我會愛上一個人品咁差嘅女人。
諗吓諗吓，我先意識到，音音一直係一個咁嘅人。
佢老公死咗，佢有權追求新嘅愛情，但佢唔應該呃我，直到阿邦出現，先不得不承認事實。
即使佢返老還童，都唔應該就咁放棄屋企人，但佢一句「追求自由」，就離家出走。
一切一切，都證明音音心裡面只有自己，從來唔考慮其他人嘅感受。
所以，當佢識到更鍾意嘅男人，佢都唔會考慮我嘅感受，甚至連遲一日分手都等唔到。
愛情就好似刮刮卡，有時，你一刮就刮到個「多」字，心已經知道結果係「多謝惠顧」，已經知道張卡係冇獎。
但總會有人唔死心，浪費自己嘅時間，係都要刮晒「多謝惠顧」四個字，先徹底死心。
—完—
我嘅職業係：曱甴俠：https://goo.gl/3eaqLJ
生死守恆村：https://bit.ly/3hEVNxR
#短故 #短篇 #小說 #陳美濤 #廣東話 #粵語 #tomatochan #我女朋友要湊孫
嘛音 在 【完整版】這樣你還能好好唱歌嗎？！音癡&歌手合作賽 的推薦與評價
【完整版】這樣你還能好好唱歌嗎？！音癡&歌手合作賽｜2022.07.13@SuperEntourage. 114K views · 6 months ago #小明星大跟班 #吳宗憲 #Sandy. ... <看更多>