🎈餃掂手工餃子雲吞專門店 (銅鑼灣)
🔍銅鑼灣景隆街19號地舖
-----
龍鳳松茸餃：
一如既往地，望都無望餐牌，就order咗呢款餃子。因為我真係好鍾意食松露，已暫時喺香港，係我食過嘅餃子店入面，除咗呢一間餐廳之外，無一間係真係用松露嘅（通常都係用菇扮松露），所以呢個就係點解我每次都必叫佢。百吃不厭嘅松露香氣，非常濃郁，不過就咁食嘅話會有啲乾身，所以記得一定要先浸落去狀元九鼎湯裏面，再擺入口，咁就無得輸啦。
四川涼麵：
熱辣辣嘅天氣，總令人想食下凍野，呢度嘅四川涼麵雪得好凍冰冰，消暑就最啱，細碎花生粒，混合濃郁胡麻醬，加上彈牙煙韌麵條，有少少似日式冷麵，但係加埋辣椒醬之後，就係獨特嘅四川口味。
🧀香煎軟心芝士餃 $62-10隻
上檯嘅時候有一隻爆開咗，好在都冇影響佢嘅味道，整體黎講，個皮好酥脆，內餡鹹鹹地又甜甜地，幾特別。不過嗰個人都係更愛佢嘅湯餃多D。
麻辣豬肉餃（$58-10隻）
呢款餃子可以配重慶川辣湯底，或者加$3轉狀元九鼎湯。重慶川辣湯可以揀大中小辣，B仔揀咗中辣，覺得佢嘅中辣唔算太辣。麻辣豬肉餃口感一流，裡面肉菜比例適中，酸香麻辣都具備，如果可以的話，希望餐廳可以講佢納入routine menu😍。
