近排大家到「Staycation 」應該一啲都唔陌生，其實之前東張西望都介紹過。而經過我親自上網努力刨文之後，我發現原來就算係同一間酒店🏨，又或同一個package，喺唔同網站💻，唔同旅遊apps📱，或酒店官網⌨️，訂嘅價錢會有唔同。
⚠️最重要嘅係有部分酒店喺網上嘅評價同真實係有距離😟，亦有好幾間酒店你係估唔到各方面嘅評分都滿分💯～ 我最近住過兩間我都覺得很不錯，可以簡單同大家分享一下，一間係主題公園酒店，另一間係位於中環嘅國際品牌酒店～
📍主題公園酒店：
因為同行有小朋友👦🏻🧒🏻👧🏻，所以我只可以選擇weekend 去，而週末嘅package我搵過係比較少(旅遊apps嘅我見到係星期日至四使用，其實性價比仲高呀，包免費泊車，晚餐餐飲禮券，但不包公園入場券)，所以我直接上酒店官網睇睇。👉🏻 最簡單嘅搜尋方法就係輸入日子先，之後佢就會彈咗一堆房間型號俾你選擇。⭕️記得㩒 「Deals and Package」，咁你就會睇到你選擇嗰種房間型號有咩package可選擇。
我上次選擇咗 Club Room 嘅 Experience Package，唔使💰$3000，可以喺M Club 食早餐🍳& tea 🍰&飲嘢（有酒精🍺同冇酒精🧃都有），一間房包2️⃣張成人1️⃣張小童公園入場卷(唔需要另外上網預早登記入場)，包房間🍪mini bar 1️⃣次。留意番好似出發日期3日之前取消係唔需要額外俾錢。
依間酒店2️⃣0️⃣1️⃣8️⃣年尾落成，酒店大堂好靚，有個圓柱形落地魚缸🐠，影相📸打卡一流！酒店🏨房設計比較時尚，房間及設施都好新淨✨，房間面對都算寬闊，有晒USB插頭，帶條線去就可以充電✅。我最鍾意個浴缸🛁 ，正方形，夠晒大～ 但最surprise我係酒店嘅幾間餐廳🍴啲食物都好食，晚上我去食海鮮🦞半自助餐，甜品區🍮好多選擇啊😍 仲有可能唔係好多人知道，酒店有一個signature 嘅蛋糕 - 鹹蛋黃芝士蛋糕🎂，‼️我強力推薦，一定要食‼️(但要留意番好似要預訂）仲有要讚👍🏻嘅係酒店員工，非常有禮貌。
不過如果星期六日去就預咗多人，暫時去游泳池要分時段，因有人數限制。仲要記得預早book 定酒店餐廳(早1至2星期)，如果唔係多數都無位㗎啦～ 早餐同下午茶可能都要預時間落去搵位。同埋可能始終weekend客人人數比較多，所以酒店員工係非常繁忙，到時可能大家要內心等候一下！
