記得3年前，我地呢班好反對支聯會提出嘅「愛國愛民，香港精神」口號，提出唔好綁架我地都係愛國嘅。當時徐漢光send個email畀天安門母親丁子霖女士，鬧佢反對支聯會當年口號「斯德哥爾摩症候群」。最後件事鬧大，支聯會最終接納批評，唔再提當年嘅口號。
到今日，徐辭任完支聯會常委再即刻選返上，團體名冊仲未更新（以我理解，同埋唔知匯點仲有冇票），我對支聯會係好失望的。
對我黎講，百貨應百客，支聯會嘅晚會繼續搞係冇問題，始終儀式對某啲人黎講係有作用同意義，唔能夠完全否定，但唔好預呢一代人會好願意接受呢一套。對我黎講，六四晚會係我當時其中一個政治啟蒙。但經歷過雨傘後，係咪仲需要六四晚會做香港新一代嘅政治啟蒙？當然，唔同意支聯會或六四晚會，另搞一個咪得，如果有胸襟去面對嘅，應該主動出席其他集會，去講自己一套先係。
網上世界，其實造就左個各說各話嘅氣氛，兩邊駁完後咪又係不斷鞏固個種歧見。
（另外，2014嘅六四晚會，係嘗試過連結在地抗爭同六四意義，加埋滕彪先生個speech，我諗在場嘅都會覺得好有感染力）
作為一個被「泛民」代表同wiki左膠榜上有名嘅大左膠，我都預左會喺中大個六四論壇上畀人屌死，係咁。
