堅道的食肆，真係有無限可能。$100一碗粉有， $38 都有交易，仲唔係所謂袖珍版或者輕盈版，而係實實在在食到你飽為止嘅一碗麵。
坐落於堅道街頭（街頭喺明愛嗰邊，街尾係孫中山紀念館嗰邊 ）對正豪宅，舖頭叫咩名唔知道，但係熟門路嘅人都會去嗰度搵食。$40左右，大把選擇，貪得意食魚蛋燒賣又得，大大碟食飯又得，得咗！
我呢個酸辣麵連香茅豬扒，$38，塊豬扒真係大過我細個時候嗰塊面！而且都幾好食添。如果要批評，就係個湯比較油，但係酸辣麵就係咁㗎啦！
開朗嘅店員，勤懇嘅大廚，合拍成一間值得幫襯嘅小店。
#何嘉麗callmegaga #何嘉麗 #為食路上
#堅道徘徊 #小店有情 #塊香茅豬扒大過我塊面
