每次見到呢啲新聞，反應都係兩極：一係「受害人抵死，去埋啲咁嘅國家」、一係「女人著得性感唔代表要俾人強姦」。
彷彿女人去旅行只有好彩無被姦殺和唔好彩被姦殺兩個下場。
我的睇法好簡單：點解唔可以兩個觀點混在一起？
「女人著得性感，唔代表要被人強姦」當然正確，但只在發展完善的國家裡有效。你人在香港，大眾教育水平高、民風純樸，大媽跳舞都可以上頭條，真係名副其實「歌舞昇平」。在這裡，男女平等意識也高，當然不應該出現「女性著得性感就可以侵犯她」的說法，那怕女性在香港穿得如何性感地走夜路，也應該安全，因為這裡是香港，我們絕對有能力保障每個人的人身安全。
反之，在一些治安較差、龍蛇混雜、女性地位明顯不受尊重的國家和地區。無錯，「女人著得性感，唔代表要被人侵犯」但你要明白有啲人型生物真的算不上人類，佢地可以臉不改容地割破任何人的大動脈，更別說任何形式的性侵犯。我有女性朋友曾在非洲被一個不認識的男人求婚，她婉拒後倒是全身而退，但你真的不曉得人家的「當地習俗」是怎樣「處理」心儀的女性。我當然絕對100%肯定譴責任何性侵犯案件，但是在這些地方、這些雄性生物受到教育前，我還是建議因地制宜，不是不應該推動女權，而是他們連基本人權都未搞掂，我們不能期望太多。人類的眼淚沒有回復傷害和復活的效果，不論男女，在這些地區還是應該小心翼翼的。
我其實最想講嘅係：啲傳媒可否持平地報導背包客的旅程？
經常睇到好多網媒，搵啲背包客去旅行，最好係女性、最好係獨行俠，最好走遍烽火大地。講到人性如何光輝，永遠出事就有貴人幫忙，彷彿走出了香港外，呢個世界就再無賤人。但係，Come on... 你係咪真係當我地無去過旅行？就算我地住酒店、俾錢租車請司機嘅都唔敢寫包單，每次旅程都係賓至如歸毫髮無傷（係嘅話唔駛要旅遊保險啦）。做背包客、窮遊、甚至截順風車、訓人沙發嘅，我又真係唔信個個人次次都遇到好人好事呀。
我唔係話要叫人唔好獨遊、唔好做背包客，但傳媒亦唔應該過份渲染光明正面美好的一面，並忽略提示風險。一個國家咁大，會有好人也有壞人，呢個世界有假嘅中國騙子、有無禮貌的日本人、有唔識打車輪的法國人（唔好問我點解知，講起就一肚火），民族性係有一個框架，但你只需要遇到一個唔跟框架的壞人，你的人生就完蛋了。我只係一個上網9up當秘笈消磨時間嘅師奶仔，我就算推介完間餐廳你食過唔好食，都唔會衰到食物中毒；但傳媒講野真係有人信，而如果呢類資訊信錯左，真係會死人。咁樣盲目美化同堆砌追夢，真的好嗎？
#係架係對方唔岩
#我幫你譴責佢幾咁容易
#但逝者如斯
#我們誰都沒辦法逆轉傷害
#唔好俾機會呢啲人埋到你身
#在踏入左膠的烏托邦前
#多少人要先走過死幽谷
