『賴地硬嘅本事，仲學足晒大陸添呀，有冇睇佢最近嗰篇咩《抗疫一年 總結經驗》嘅文章呀？嘩，賴抗疫差唔係因為佢自己為擦中國鞋，拒絕全面封關，仲倒轉來講，屈係咩「社會動濫未平息、街頭暴力、政治抹黑、虛假消息令抗疫舉步為艱」喎』
「呢啲咪人渣囉，請問第一波時醫護罷工要求全面封關，嗰時林鄭點講？話要顧存大陸班友不便；第二波點樣來？政府唔阻人去旅行，檢疫又亂做，只係靠市民自發戴口罩，政府呢？點解嗰時唔識強制戴口罩？第三波就係因為政府豁免海員檢疫而搞出來，本來香港連續好多日零確診，係咩人中門大開，放病毒入關？至於第四波，唔係話搞咩『全民檢測』就冇事咩？硬拒不封關，病毒入境後有無數錯誤，然後仲幻想要搞咩『旅遊氣泡』？疱疹佢就有份啦！」
『封關就為大陸人做成不便，所以唔可以做；封樓呢？家下日日搞突擊封樓，為香港市民帶來不便，又不斷要做？有冇咁嘅道理？呢種唔封關，卻要驗樓嘅做法，就好似唔做避孕，出事就要落仔嘅做法，係完全不負責任！而且唔止係大肚要落仔，仲要不分男女，人人強迫驗孕，把驗孕當避孕，班高官就係荒謬到呢個地步！』
「學中國封咩『小區』呀嘛，真係小佢腦冇咗個區囉！人哋封區係為咗強制隔離，好似咩遼寧瀋陽，有個區係封23日，即係等如成個區變相隔離，原因就係唔想有病毒繼續四圍散播；家下你強制驗，但係驗完又唔代表安全，咁你驗來做乜先？有好多人驗完冇事，又唔代表係安全，又有咩假陰性；然後繼續在社區四圍播毒！你政府肯認真做嘢，絕大部份市民都配合你合作啦，使唔使強制驗？使唔使封區禁止出入？你政府逐個追，又使乜要變相禁制大部份人唔畀出入？」
『咩「政治抹黑、虛假消息」講起就火滾，嗰時大家質問佢，點解要選擇中國科興嘅疫苗，點解要強制唔畀市民選擇，林鄭點講呢？吹到「最快」一月份就會有疫苗到港，而家去咗邊？影都冇呀！連資料都畀唔到香港呢邊，連幾時先有都答唔到呀！吹到中國疫苗畀老人家打先，結果連中國中央電視台，自己都報中國國藥嘅滅活疫苗，只適合畀18-59歲人士打，冇足夠數據表示安全，因此唔適合60歲或以上打，咁買一堆唔畀老人家打，卻安排畀老人家打嘅疫苗，究竟係為乜呀？』(節錄，全文看連給，請支持壹週刊）
大肚相幾時影 在 #你又知唔知幾時係影大肚相嘅最佳時機 - Explore | Facebook 的推薦與評價
Tania話「呢個肚都帶出咗我好多唔同嘅面貌」多謝攝影師拍出佢咁多面. ———————————————. #你又知唔知幾時係影大肚相嘅最佳時機？ 即睇《孕婦寫真影得靚有技巧》 ... ... <看更多>