天神橋筋商店街大家都想到什麼？
我覺得大多數的人都想到位於入口處的大阪今昔館。去完今昔館就離開這的話實在很可惜，這商店街也許不比心齋橋熱鬧，但是能體驗到一般大阪市民的生活。
像這種炸串店，坐下來點一杯生啤酒，叫自己喜歡的食材，體驗真實的日本也是旅遊的意義。
天神橋筋商店街入口 在 京。秘境旅 Facebook 的精選貼文
天神橋筋商店街入口 在 京。秘境旅 Facebook 的最佳解答
天神橋筋商店街大家都想到什麼？
我覺得大多數的人都想到位於入口處的大阪今昔館。去完今昔館就離開這的話實在很可惜，這商店街也許不比心齋橋熱鬧，但是能體驗到一般大阪市民的生活。
像這種炸串店，坐下來點一杯生啤酒，叫自己喜歡的食材，體驗真實的日本也是旅遊的意義。
天神橋筋商店街入口 在 Hello Wong Facebook 的精選貼文
我的大阪之旅part 1
第一日
出發個日因為三號風，搞到delay左兩粒幾鐘。去到大阪，由機場出市中心都已經成十二點幾，本身book左既旅館都check in唔到。但我唔怕，因為我知道，依個，係神畀我既考驗。屌你啦，仲會咁諗既人真係痴L線，緊係啦啦聲係附近是但搵間旅館過一晚。就係咁，本來諗住舒舒服服既tatami變左碌架床，個感覺就好似你期待已久，諗住見到既會係朱茵，點知開門既係朱咪咪。真係哇一聲屌出嚟，大阪之旅，就係咁有個好開始。
第二日
朝早九點幾就check out，就去左車站買齊晒啲周遊卡,乘車卷先(日本啲鐵路關係仲複雜過周柏豪同周太岑晉晴既關係)，搞左好耐都唔係好明，但總算買齊啱用既，之後check in返本來book好左既旅館。搞惦晒D野,就緊係去搵食，經旅館老闆推介，去左附近一間魚油拉麵，去到見到細細間鋪，但排晒長龍，好似幾靠得住，門口到有個接待員，係一位肥大叔嚟。排隊期間，冇乜野做就係望住佢係門口出出入入，親自招待每位排隊等緊既人入內，而且每位用完餐既客人，佢亦都一定跟埋出門口歡送再加90度鞠躬，我睇得出佢每下鞠躬都好認真好真心，睇到佢咁既行為真係令我感慨萬分，不禁係到諗，究竟佢係點樣每日鞠咁多下躬，都keep到咁肥架呢。排左陣終於到我，我就叫左個最出名既魚油湯底豚肉拉麵，D肥豬肉入口即溶，口感似充滿豬油香既棉花糖，而且個拉麵底彈牙唔在講,仲好有麵香，加埋個足料淆製既魚油湯底好香但有D膩，食一碗真係夠晒數，好滿足，唔怪得咁多人鍾意嚟日本，食物質素加埋服務態度真係冇得輸。
食完野，就去附近既D景點行下，梅田藍天大廈(空中庭園)，上到去有40幾層高，不過都只係好咁高望落去，冇咩特別，如果你憎邊個，可以考慮下同佢去依到，咁高推佢落去，乾手淨腳，一了百了，係依到可以俯瞰整個關西，夜景嚟講應該會幾靚，但我下晝去冇咩特別所以唔多講。
之後去左就近既天神橋筋商店街，條街好長，好L長，直行2,3個鐘都未L行完，但又冇咩好睇，冇咩好買，相比我之後去個D商店街，佢簡直就係商店街既敗類，就係咁行條仆街行左幾粒鐘，食埋晚飯終於到今日既重頭戲。溫泉，睇戲睇劇就見得多，自己浸又會係咩感覺架呢。一入門口首先就係要除鞋，有locker可以放好自己對鞋，然後入到大堂，畀完錢就可以入去溫泉，一踏入去，隨即見到萬鳥飛翔，Shit! 我對眼呀，但最利害既都唔係D大叔或者阿伯既老鳥，而係係男澡堂我竟然見到個大嬸，一推裸體既麻甩佬，加個狼虎年華既清潔大嬸，根據我睇開D日劇，我知道跟住會發生咩事。咳咳，當然唔係你班咸濕仔諗既咁，個清潔大嬸面不改容地出入自如，佢一臉「我乜撚未見過呀，世事早已被我看透鳥」既樣。我猶豫緊換唔換衫好既時候，望住個大嬸心諗，你大我唔到既，諗住即刻除衫畀個下馬威佢既時候，佢已經出左去，咁我就當然拿拿聲換好衫，循例沖下身，入到去見到有好多個池，就逐個試下，都不外乎唔同溫度，唔同營養成分既水，浸落都算舒服，但就咁浸係到，咩都唔做都幾無聊。溫泉嚟講，除左個大嬸之外，都冇乜太大驚喜。就係咁，話咁快又完左一日，待續...
