Search
Nj：唔知受咗咩刺激，《#太空也入樽：#改朝換代》竟然帶俾我好大驚喜，講明先，事前係冇睇過第一集。整套戲係非常兒童向，故事意義我哋呢個年紀唔會睇得上眼。但就鍾意佢夠玩得，有種放開一切嘅瘋癲，亦估唔到華納拎晒自己旗下啲版權人物嚟玩。
.
個感覺，大概係LEGO Movie咁熱鬧。大帝勒邦占士我唔熟，樂一通班卡通人物唔係好識，最多噏到賓尼兔、翠兒... 如果淨係得佢哋，認真打籃球，一定訓著。點知套嘢根本唔係打波，係華納要來過橋玩旗下版權大晒冷。《權力遊戲》、《哈利波特》、DC英雄、《22世紀殺人網絡》... 觀眾席仲見到 變相怪傑、King Kong、大鐵人... 有啲出一出樣，有啲直頭有短故事線，真心痴線，睇完開心晒。
.
最後籃球賽善用班卡通人物嘅瘋狂，胡鬧亂晒龍，更加有個驚喜人物客串，笑死。唔帶個腦入去，放空一切享受童真幻想，總不會失望。呢啲戲係咁㗎啦，太認真就老土，估你唔到玩到咁盡先係王道。
.
同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！
【北美票房繼續暴跌，戲院復甦之路仲好漫長？】
上星期同大家分享過，《黑寡婦》喺開畫票房破疫情紀錄高收後，第二週票房已急跌，而上星期票房冠軍嘅《太空也入樽：改朝換代》跌得仲勁，只收約950萬美元，跌幅達69%仲勁過《黑寡婦》。據Variety報道，業界對戲院真真正正復甦仍然唔樂觀，雖然每套超強大片一開畫都可以破紀錄，但係後勁嚴重不繼，觀眾繼續走向串流嘅世界。點解一開畫可以大收，無非都係得一班系列粉絲同「戲院派」嘅影迷鼎力支持，自可以去到咁高，但呢班人首週睇完又再撐唔到落去。
似乎，串流仍然係萬惡之源？仲有因為串流延伸嘅盜版問題？咁又未必。
上星期《義勇群英：蛇眼復仇戰》開畫，以一套製作費超過8,000萬嘅大片，派拉蒙甚至有意開發成一個《變形金剛》後最強IP、一個全新Universe，點知票房得1,300萬，連票房冠軍都上唔到，如果喺正常時期，佢應該會被評為超強Boxoffice bomb。套戲並冇任何串流同步，Paramount+都要45日後先有得睇，仍然救唔到套戲票房，業界預料佢最少全球要收約1.7億先可以回本，如今好似危危乎。《義勇群英：蛇眼復仇戰》仆直都印證到，觀眾未必再咁願意入戲院，一入都會比以前更加揀擇，再加上前兩集《義勇群英》唔掂，觀眾亦難有信心。
如是者，上周末北美票房冠軍係「M生」嘅《詭老》。雖然目前劣評如潮，但「M生」點都有一定捧場客（如小弟次次又要睇又要屌），上周末就以1,700萬成為冠軍，但都創下咗「M生」電影開畫票房新低，亦返唔到《思。裂》同《異能仨》高度。唔止口碑仆直，加埋冇知名演員演出亦冇「IP」效應，今時今日觀眾都未必會再想好似當年《破天慌》、《末日1000年》、《神風終極戰士》咁朝聖「M生」可以有幾爛，如果唔掂，不如罷了。
雖然戲院未如傳聞所講咁2021年末日，但要回復正常水平，好似仲好漫長，又睇吓今個星期《幻險森林奇航》有咩數字，而下星期《自殺特攻》又救唔救到市...
最諷刺係，當套套大片等緊真正終極救命符中國票房時，佢繼續Blackout緊荷里活大片🤣🤣🤣
以往有得排片去就中國市場，疫情之下，上得到好上，玩法都唔一樣了。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
#太空也入樽
#改朝換代
#今個暑假拆你屋
提起LeBron James，大家一定會諗起籃球🏀，仲係喵爸最鍾意嘅籃球員呢⛹🏾♂！由佢嚟承接Michael Jordan 25年前嘅半真人動畫動作喜劇，接拍新一集《太空也入樽：改朝換代》（Space Jam: A New Legacy）🎬絕對適合不過。唔知大家入咗戲院睇未呢？
除咗睇戲，當然唔少得周邊嘅玩具啦😍！《太空也入樽：改朝換代》內除咗主角LeBron James外，仲有一眾「Looney Tunes」卡通角色坐鎮，今次金寶湯同羅宋湯兩位公子就同大家介紹一下超好玩遊戲 - 太空也入樽籃球對戰遊戲套裝有幾正先。
呢個遊戲非常啱兩位公子玩，用手指按下👇🏻再發射籃球🏀，籃球架仲可以上下調校↕️，方便唔同指力嘅大小朋友玩👦🏻👨🏻，除咗訓練指力，仲要手眼協調㗎👁👇🏻！籃球場仲可以摺起，方便收藏，易於攜帶，消磨時間一流呢！
《太空也入樽》嘅賓尼兔毛公仔當然都要入手啦！睇完戲就會完全迷上賓尼兔，因為佢可愛得嚟又好型呀😍。金寶湯話要帶埋佢上車，方便隨時陪住佢呢😂！
開場嘅太空人馬文都好鬼盞鬼，揸住太空船同賓尼兔鬥嘴，再用槍射出反地心吸力但自己中返笑死我，羅宋湯玩咗勁耐，唔捨得同哥哥分享😂！
🛍購買網站：https://www.toyc.com.hk/categories/space-jam
#SpaceJam #LebronJames #LooneyTunes #Movie #hkmovie #hktoys #香港電影 #賓尼兔
GimyTV喜劇片劇情介紹|空中大灌籃：新傳奇小鴨怪物奇兵全新世代線上看:詹皇和他年幼的... 別名：太空也入樽：改朝換代,怪物奇兵全新世代,Space Jam: A New Legacy, . ... <看更多>
太空也入樽改朝換代 在 MCL Cinemas - Facebook 的推薦與評價
《太空也入樽：改朝換代》(Space Jam: A New Legacy) 暑假登場 】 今個夏天，大帝勒邦占士聯同賓尼兔與一眾Looney Tunes成員玩轉暑假 籃球巨星再戰「魔星隊」延續 ... ... <看更多>