文化差異 病房篇
1. 每日都好想叫啲呀婆呀公唔好飲冰水。
2. 之前有個呀婆開自己個IG 俾我睇，同我share 佢啲fashion 照，心諗佢仲潮過我。
3. 呀婆呀公叫我拎飲筒，有時一手拎起拎中3支都會有啲唔好意思，因為好似拎3支香俾佢哋咁。
4. 甜品係佢哋嘅生命，尤其是成日話無胃口食飯嗰浸，一餵佢哋食雪糕/cheesecake 就停唔到口。
5. 啲呀婆呀公好多都好樂天，成日都講無聊嘢搞爛gag氹人開心，唔似香港咁多奄悶嘅老人家。
6. 當然西喺上嚟都可以好西，我試過有個呀嬋話佢每日午餐晚餐都要食4片方包3件焗薯1個啤梨1個柑（屌你無睇錯，係刁鑽嘅柑🙄），每次order form 上面我都會寫very fussy patient（其實心入面想畫多個反白眼emoji 🙄)
7. 呢邊啲醫生都好down to earth，我有遇過會幫病人落街拎delivery 嘅醫生，又試過有醫生對我語氣唔好，可能佢諗諗下覺得自己無禮貌，專登打嚟搵我同我道歉，香港護士表示匪而所思。
8. 做咗兩年幾，返工之前仍然都係有啲緊張，但係返工嘅時間其實過得好快，遇到好同事返工就返得輕鬆又愉快，遇到唔好嘅同事就...深呼吸！催眠自己佢哋幾衰都唔夠香港啲仆街同事咁衰😏結果眨吓眼又一日，眨吓眼又兩個星期聽日又出糧啦☺️
9. 我個人無咁刁鑽，聽日我只係想食蘋果，大家都去買返個。
