建滔向太古問價國泰: 正所謂非春莫問(*), 唔幫襯, 又問乜鬼價呢可?
事忙, 簡評. 大家都知我舊年年尾已開始睇好國泰, 真係全城最早,
受盡眾人恥笑, 我師父都同我講 "唔係下話" (而早排師父都話番我好野, 呢下成就感緊要呀!). 但今年國泰股價絶對唔失禮. 有乜特別? 咪炒人咯. 但都預左啦. 講到尾都係太殘.
而其實我唱好完國泰冇耐, 張國榮建滔果5% 就浮面. 國泰有人狙擊或投資唔奇, 但, 建滔關乜事? 張生臨老想入董事局睇空姐咩? 難免比人覺得係 代客泊車, 甚至係 奇貨可居第時賣比有心人.
而今次張生走去自爆話搵過太古傾, 仲神奇. 咁我估總唔會係 傾都冇傾過佢自作多情既. 但, 傾完, 人地唔制, 做乜爆通街呢可? 嫌唔夠貴想再貴啲先買?
成件事比我感覺就係問價, 好似啲女明星既經理人咁, "之前有個富商想出六位數包呀YOYO我都拒絶呀". 其實意思即係 "拿, 七位數有交易"
sorry 我粗鄙或物化女性, 但我即時諗到就係呢樣. 女權L 唔順超既轉左小鮮肉咯, 一樣得.
即係你想包條女既, 比一百萬佢, 佢唔制. 你一係 掟多幾百萬比佢, 一係鬧佢一句 "臭X, 當自己鑲金?". 做乜會走去同人講 "我拎一百萬包佢 佢唔制呀" 咁呢?
而我真係唔信太古唔賣咯. 當然所有野都有個價, 但太古肯賣既價, 唔會太貴. 國泰有幾難做, 大家心知肚明. 太古既歷史任務都完晒. 根本待價而沽. 唔使好貴太古就肯打靶啦. 仲當 怡和 大班話事Hong Kong Bank 鄧蓮如 既年代咩
(*) 呢個非眷莫問 當然係特登打錯的. 知道典故最快留言既, 本人請你食飯.
奇貨可居典故 在 奇貨可居[正文] - 成語檢視- 教育部《成語典》2020 [基礎版] 的相關結果
收藏奇珍異品，等待高價出售。比喻利用某種專長或有價值的東西以謀利。語出《史記．卷八五．呂不韋列傳》。 典故 ... ... <看更多>