Search
好耐唔得閒喺呢度講吓我嘅近況，
話說呢幾個月好忙，
自從做咗個蠟燭生意後，
日日都忙到爆，我真係企喺度都可以瞓得着，
不過我真係好開心，因為有得做嘢，
好過乜都冇得做，
新年嚟到喇，
喺呢半個月，我日日都要返studio教蠟燭導師班，
難得聽日有日假，當然要去坐翻日市集，
話說我join左雪姨搞既大乾爹市集，
同 Adrian Wong 黄芷晴official 一齊擺檔，
一齊同大家賀下新年，
以下呢啲products係我檔口有賣既蠟燭，
4/2聽日我會到場嫁，得閒歡迎嚟探下我☺️
 @Gwong1 candle Studio x @ohmydeer x大乾爹新年市集
日期: 2月3日-2月5日 、2月8日-2月11日
時間: 12：00 - 22：00
地點: 香港尖沙咀廣東道80號2-3樓 (海港城Hermes對面)
主辦機構: @sugardaddy_market
檔位: 329
#大乾爹
#大乾爹新年市集
#大乾爹市集
［活在回憶中，到老一場空呀］狡兔都有三窟，出嚟行要幾張鬼卡。退休點可以只靠一隻股票？
1. 一貫作風，報紙專欄，導讀長過正文。你當係Director’s cut
2. 慣例，post最底有全文，反正免費嘢。或者睇返蘋果亦得： 滙豐如辰衝 廿蚊不是夢（https://bit.ly/2PrVQky）
3. 張圖我幾鍾意，固然辰衝都講咗一個星期，過氣，但我度篇文都幾日前，而第一句湧出嘅就係呢句，「滙豐如辰衝」，廿蚊不是夢係後來加嘅，某讀者提議的
4. 唔鍾意嘅，又會指手劃腳講，廢文，成篇文連業績點差又冇講，公司面對咩問題又唔講，點解係廿蚊又唔講（答案：因為順口，原本想寫 十蚊不是夢）。但，你肯定想聽我講 業績點差 公司面對乜問題 同埋點計估值？我寫幾萬字都得。但你咪玩啦，百壇齋主。畀A你又話冇B，畀B你又話悶，正四方西。你肯撚定？咁不如我地講下份業績，咩係RWA，乜嘢係NRFB ，乜嘢係CET1 ratio 先？Risk Weighted Assets, Non Ring Fenced Bank，Core Equity Tier one ratio，唔好話我拋縮寫啦。你肯定你想我寫呢啲？Glossary你都未撚識睇啦多多事實。咁當然你唔使好波過美斯先可以鬧美斯，但至少都要識球例掛
5. 我想講嘅係，大佬，2020年啦。但依然係行禮如儀，又去講返某人直播落淚，又係搵幾件長情阿叔出嚟講退休金泡湯，然後又搵曾淵滄出嚟講自己啲匯豐鎖在新加坡佢幾蚊時買冇問題—係事實，但，厭唔厭？同樣地，辰衝執笠又係講當年邊個阿叔在呢度溝名校女生，當年點樣丘世文顧西蒙。實情寫嗰個，同埋睇嗰個，都廿年冇去過辰衝。
6. 事實大家早早唔睇書，睇嘅都亞馬遜誠品。同樣地，講匯控創新低，同時間蘋果創緊新高，美團創新高，甚至個「港版納指」嘅恒生科技指數都新高。正如明報星期日有篇文寫得好（https://bit.ly/30rzIgw），「我覺得沒必要討論辰衝，它不配被懷念或被撻伐」。「咁你又寫？」。我唔同，我擺明呃like搵食。而且我係個人Page，唔係霸住個B1頭條寫本人同辰衝嘅私人恩怨嘛
7. 辰衝係文化陸羽（但本人去陸羽其實冇乜嘢，咪舊式酒樓服務），匯控就係銀行界檀島—越做越差。講嘅未必係服務（服務就間間都差架啦），但股價同業績唔呃你。
8. 冇錯，銀行難做，全世界都難做，請去鬧聯儲局同歐洲央行。銀行股普遍都差—但都有冇咁差同最差嘅分別。匯控在上一次危機（金融海嘯），其實股價畀好多銀行都好，因為資本強大云云。但今次就唔係了，在眾多銀行中，佢跑輸好多同業
9. 至於「退休全部靠晒佢啲派息」嘅，固然唔係貪心之徒，但不幸地，都係做咗錯嘅決定。點解你退休嘅錢，可以全部靠晒一隻股票？！朋友話「如果佢買晒亞馬遜你又唔會咁講」，差矣。可能係。但，即使我推介任何投資都好，有冇叫你訓身家買落去？
10. 仲有個深層次啲嘅問題，Alternative Path，Possible Worlds嘅問題。（https://bit.ly/3kbJYBx）。人人都講黑天鵝，你估人人識黑天鵝咩。作者咪講過，Your dentist is rich, very rich。你剝爆卡買中石油，當然係你有膽識你好嘢，但，我唔會叫人去照做一次咯。結果同決策過程，係唔同嘅。所以咩四十歲會計師身家買匯豐（https://bit.ly/3k6O7qe），當然要恥笑。你訓身家買乜我都係咁話，祝你好運。你廿歲我都仲理解，成副身家十萬八萬甚至一萬幾千。但四十歲人，你輸晒之後—唔係冇得翻身，但，半場畀人數咗三球了。
11. 係架，佢訓身家買咗六合彩而家發達添。但如果唔中呢？仲要話退休人士休息喎。匯控出業績嗰日，仲有兩間藍籌出業績，恒生同中電。業績一樣差，但恒生就減派息，中電就保持派息。我當你最初唔係退休靠晒匯豐，買晒呢三隻，都係收少啲息，但至少唔會冇飯開日日嘈，最多係由食半島變檀島。
12. 講過了，買匯豐嘅，「想穩穩陣陣收七厘息嘛」。呢個咪就已經係錯嘅諗法。世界上係冇「穩穩陣收七厘息嘛」，甚至冇「穩穩陣收三厘息嘛」。美國十年長債債息0.5定0.6厘，高過呢個數嘅就係「唔穩陣」。本來風險冇問題，但你唔知自己take 咗就有問題。
13. 周顯有過一個露骨但我好鍾意嘅比喻：你去嫖妓，看似危險，其實安全，等於職業車手賽車，一定做足安全措施。你啲老蘭ONS，以為乾淨，其實等於臭飛渣大膽車地下賽車，呢啲先最危險—因為你以為安全。
14. 買輪嘅，唔會買身家（你會嘅恭喜你）。但買匯控嘅，就買身家—因為以為冇風險「最多個價跌但我夠長命」「穩穩陣收七厘息嘛」。
15. 所以好多人嘅諗法都係有盲點嘅。等於埃汾叫你買金，然後佢訓身家去買，輸咗錢又問我點好 — 叫你買，同叫你訓身家買，係兩回事。What if 我睇錯呢？What if 你睇錯呢？你成副身家信一個未見過嘅人，咁我好多謝你對我嘅信任，但你自己就好危險。
16. 當然你可以話我細膽，隨便你，你今晚訓身家買場波，應該快過你咩買蘋果買亞馬遜升幾倍。但，如果唔中呢？
17. 呢個亦見於我嘅做人哲學，同埋行為。唔止我要求自己盡量高透明度，亦都要求自己坦誠（那怕係戇鳩地坦誠仆街地坦誠）。睇過收費短片嘅可以做證，我唔信聯匯爆煲（事實爆咗未？），但，我一樣叫人轉啲美金 – 因為，可能我估錯呢？同樣地，你今日睇梗係美股好，但我亦唔會叫你買晒—如果我同你都估錯呢？
18. 再舉個例，我要嘅，一早可以買樓添。事實我啲同學好似04 甚至02買樓，我去到13。我係咪人工特別低過佢地？又唔係。甚至唔使13年我都可以呼丕層樓添（濕鳩屯門樓都係樓），但我都係儲到可以呼丕後再一陣先買（固然都係做九成按，留意我可以呼丕，同我去做呼丕，係兩回事）。係架，錯過咗09年個升浪呀，但又如何？下下倒後鏡咩。係架，早年我想換去住太古城添，當然買得起，當時仲有銀行士大夫優惠—但，如果畀人炒呢？如果我想劈炮呢？（結果果然冇耐後我就裸辭，如果嗰時換咗層太古城就應該唔會了）
19. 至少09年後，我全部日子都訓得安穩，今年3月咩股災，冇乜點驚過。我完全冇減倉，仲有加（講股票啦，樓冇買多層，雖然有諗過，咩呀，台灣樓唔係樓？），而家堆嘢價值低位升返五成（其實，即係同標普指數差不多，但夠啦）。你可以睇返個FB post啲人點串我點鬧我（https://fbook.cc/3DW0）。咁我肯定佢地全部而家都表現好過我的，應該係。根本唔使跑贏大市，因為大多數人連呢點都做唔到。
20. 再諗下，咩97移民潮啲友，當時當然覺得香港仆硬街啦，個個都咁講，於是連根拔起，層樓都快手買賣。「但如果你錯呢？」
-----------------------------------
辰衝執笠，我相當心涼，該店出名門高狗大白鴿眼。滙控（005）呢？我並冇特別唔鍾意，但如果辰衝係文化界陸羽（本人去陸羽倒冇不快），滙控就係銀行界檀島。前景坎坷，食老本，全無改善，稍為有尊嚴嘅人都避之則吉。說話係難聽，但三唔識七我冇必要針對小股東，記住苦口良藥。
咩年代呀？個世界要進步的。但辰衝執笠後，照舊係訪問吓啲阿叔當年點溝名校學生妹，照舊講咩一個年代終結。今次滙控業績後，朋友依然係傳某人在電視落淚張相。傳媒循例又訪問下啲長情股東，「我退休靠晒佢㗎啦，但都冇計，惟有希望下年派返息啦。」
滙控創新低嘅同時，蘋果創緊新高。OK，美股巴閉嘛，唔好咁屈機。但「港版納指」一樣創新高。話港股廢嘅，至少騰訊（700）、阿里巴巴（9988）、美團（3690）等，近年差不多任何位買你都贏錢，而我唔係叫你去買細價股喎。
滙控愚人節彈弓手，除咗淨嘅股息都唔派，至今4個月。有本書叫《Who Moved My Cheese？》。你不停咁鬧滙控令你嚿乳酪冇咗，有冇用？冤有頭債有主，而家係英倫銀行搶咗你嚿乳酪喎。
最好笑係，滙控在歐洲蝕到七彩，南北美非洲中東基本上打和，就係亞洲賺埋貼歐洲蝕！而仲要係英倫銀行禁派息！但公司或股東堅持攬住英國做總部，就唔知點解了，莫非英國有乜乜咁巴閉？而家環境，講遷冊香港梗係政治不正確。但，不如諗吓新加坡之類？阿爺可能肯接受，又可能唔使俾人限派息。
滙控鬧劇，畀大家最大嘅教訓係：投資應該分散。每次我講呢句，都會畀人鬧，但事實如此。唔好講「一早買騰訊、蘋果就冇事」之類。實際啲，買滙控嘅係咩人？多數咩心態？我歷年都接觸唔少呢啲小股東，佢哋並唔係貪心嘅人。可惜，好人未必係有好報嘅。唔係你嘅錯，係社會嘅錯。你問個小股東點解買滙控，想像吓佢會點答？佢應該唔會答「我覺得公司可以改變世界升幾百倍」、「覺得管理層好有型」、「覺得銀行超好賺」。
十個有九個答你「我諗住穩穩陣陣收吓息」。不幸地，呢個世界上，係冇「穩穩陣陣6厘息」，甚至冇「穩穩陣陣2厘息」。美國10年債券，而家係0.6厘息左右。任何超過呢個水平嘅息，就即係「有風險」。只不過，有時風險喺你知嘅地方，有時喺你唔知嘅地方。畀得6厘息你，當然係有相當大風險，你食咗唔知啫。
唔想咁樣，可以點樣？風險其實好難避免。除非你甘心拎0.6%回報，否則必定有風險。但，你可以將佢管理得好啲。我見訪問好多退休人士，居然係可以成副身家放晒落滙控。有啲真係話平日開支就靠收4次息。唔覺得咁有問題？佢有事你咪PK？
我無法估下一隻蘋果，因為話唔埋會變下一隻8號仔，況且退休人士唔適合咁進取。但市面大把收息工具，當然，都係必定有風險。但最重要嘅，就係分散。當你最初買啲滙控，但又買啲恒生（11），買啲中電（2），三間咁啱一齊出業績：一間唔派息，一間減，一間維持。咁你最多係由食半島變成食檀島，但總好過乜都冇！你話，咁咪拖低個股息回報囉？係呀！咁，你想食得好定瞓得好吖？拎個中庸之道囉。我幾肯定滙控嘅股東，而家寧願最初有買其他幾隻。
狡兔都有三窟，出嚟行要幾張鬼卡。退休點可以只靠一隻股票？活在回憶中，到老一場空呀，切記。
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145
今年聖誕🎄party food簡單咗啲..問一個吾鍾意食嘢嘅人想食乜嘢真系好困難😫
我：今年聖誕party學校要帶D咩食呀？
霖：吾知呀🤷♀️
我：咁不如整迷你漢堡？熱狗🌭️？甜甜圈？啫喱？布甸？.....
霖：我想帶....蘋果🤩
我：蘋果😅你返屋企我批俾你食啦🤪....帶蛋壽司啦...你一定食啦！
霖：......好啦！好啦！
（我心諗仲好，吾駛攪咁多嘢🥳🥳🥳🥳🎄)
Merry Christmas 🎁🎄 
壽司卷🍣做法YouTube教學👇🏻
https://youtu.be/Of-1Rp238oI
✨✨✨✨✨✨✨✨✨✨✨✨✨✨
⚡️快D訂閲我的YouTube頻道⚡️
https://goo.gl/Ri2DpA
🙎🏻♀️Kelly日常生活🥐食玩買👗🍜👛可到IG👇🏻
https://goo.gl/B2ngWp
💖仲我的Blog...有曬食譜👇🏻
https://goo.gl/VPedfc
✨✨✨✨✨✨✨✨✨✨✨✨✨✨✨
#整少少應節
#好過乜都冇
#聖誕聯歡會
#大家整乜嘢
#開心些牙吓
#lovekellyskitchen
【哈佛知識分享 - 六大行業推動力】UA院線結業對做生意面對行業有什麼啟示?
相信大家最近都聽到UA院線停業嘅消息，當然大家都覺得好可惜。 我都曾經去UA睇過唔少電影。
但我好想重做生意角度同你分析下UA停業嘅啟示。我只想講實話。
哈佛其中一個最出名嘅商學院教授 Michael Porter， 佢話做任何生意都要留意 Competitive Six Forces 《六種行業競爭推動力》。
這六種動力， 就奠定了成個行業的定利潤潛力。 如果六個都係差嘅，你有一個叫做 6-Star Crappy Business. You have an untenable position。 中文翻譯做「六星級垃圾生意」， 你有個「站不住腳」的位置。
邊6個?
(1) Bargaining Power of Buyers 買家的議價能力。 買家唔好襯你，容唔容易幫襯第二個? 相信喺戲院嘅行業，唔去呢間，就去另一間㗎喇。 加上張單是一次性，又唔係收月費/年費，亦都冇合約綁住， 因此買家議價能力好強。 第一個 BAD!
(2) Bargaining Power of Suppliers 供應商的議價能力。戲院五成嘅成本去咗租金， 霎時間佢要搬走亦都唔鍾意， 喺香港幾大發展商話晒事， 因此戲院供應商的議價能力又係好強。第二個 BAD。
(3) Barriers to Entry 入行門檻。 你同我好少話突然間會開間戲院，但好多地產發展商都會投資做戲院。 技術水平唔需要高， 又冇話乜嘢特別版權， 問發行商攞電影就得啦， 門檻一啲都唔高。 炒碟餸你都要炒得好味啲， 但純粹播放電影，套電影又唔係你拍㗎， 你唔需要太多知識，有地方就得啦。第三個 BAD。
(4) Threat of Substitutes 代替品的威脅。 正如商舖最大嘅代替品就係網購。 去戲院睇戲最大嘅代替品，就係喺屋企睇或者甚至乎唔睇，打機上網youtube 算數。第四個 BAD。
(5) Internal Rivalry 內部競爭的激烈程度。 香港好多戲院，背後老闆都係大財團或地產發展商。 例如MCL 係麗新林建岳嘅，英皇院線就係楊受成嘅。 大財團大把錢， 獨立嘅院線真係好難做。第五個 BAD。
(6) Availability of Complements 互補商品的存在。 多咗馬路，就會多咗車。 馬路係車嘅 complement. 上網快咗，就多啲人睇 youtube 。 網絡嘅速度就係 youtube 嘅 complement. 越多互補效應，對個行業越好。 但戲院睇戲? 互補效應咁多年嚟都冇乜改變過，反而個個係 屋企睇電視螢幕大咗， 上網快咗， 音響靚咗，因此想睇戲，個個都少咗出街，留喺屋企睇好過。不進則退， 戲院嘅互補商品，第六個都係 BAD。
根據哈佛教授 Michael Porter 嘅 Competitive Six Forces 理論，香港做戲院就係一個 6-Star Crappy Business. You have an untenable position。 「六星級垃圾生意」， 你有個「站不住腳」的位置。I'm sorry, you can hate, 你鬧爆我 it's OK，但這是事實。 因此近年幾乎無一間院線賺到大錢， 一個浪冚埋來，就好容易全線倒閉。 就好似好多年前嘅卡拉OK咁， 當個個人係屋企都唱到歌或者多咗其他娛樂， 好多卡拉OK連鎖店都會結業。
你做生意都要諗下， 你個行頭以上嗰六種動力又點呢? Michael Porter 話你唔需要個個中曬， 嗰六個動力唔係一個計分制。你只係需要中致命嘅一個就已經可能玩完。
例如華為手機，過份依賴美國晶片供應商的話， 一受制裁，就好容易站唔住腳。 我做商舖基金都一樣，過份依賴某一個投資者亦唔健康。Bargaining power of one buyer 會太大。
要抗衡以上六種力量，如果你做生意醒目嘅話，就應該盡量推出啲新產品或新經營模式，將嗰六種動力由 BAD 轉做 GOOD，由 GOOD 成為 GREAT! 點轉? 有機會喺我嘅早餐會再同你小組詳談更多， 短短幾分鐘講唔曬。總之記住 UA 院線結業， 可能只係一個開始。 有好多行業以上六種力量都是差的話， 要扭轉乾坤，就必須馬上改變。Good luck!
李根興 Edwin
聯絡李根興 Edwin whatsapp (+852) 90361143
www.edwinlee.com.hk
#做生意六大動力，#戲院結業啟示
Shout out to PureVPN for sponsoring this video.
PureVPN 78% Off Discount: https://link.purevpn.com/AnsonCNY
各位真係好對唔住，咁耐先出呢部機嘅Review。為咗補償番比大家，新年假期呢啲嘢我用嚟剪片比大家睇，希望大家多多支持！Sony Xperia 5 II其實係一部好唔錯嘅手機嚟嘅，佢有好多其他廠商冇嘅功能：3.5mm headphone jack、20fps AF/AE 追蹤連拍、21:9 120Hz OLED Display、4K120fps HDR 拍攝、非常專業嘅Photo Pro，個人認為仲好過Xperia 1 II添，咁點解⋯⋯街上面又冇乜人用呢部機嘅呢？?
0:00 道歉聲明
0:22 Intro
0:44 Overview
1:19 機身
2:58 Display
4:59 相機
8:46 規格效能
9:42 電量
10:07 值唔值得買
10:44 廣告時候
11:54 Outro
合作邀請 Brand Collaboration Enquiry:
[email protected]
社交平台 Where to find me:
Instagram: ansoncheungth
Twitter: @aaa4321l
Music From Epidemic Sound
免費三十日試用: https://www.epidemicsound.com/referra...
(用我條Link我會有多一個月免費，可以當係間接贊助咗少少嘅製作費支持下我，感激不盡！)
Special Thanks for Wallace @Wallace Studio HK for helping out in this video.
Check out his channel: https://www.youtube.com/channel/UCg0vuSE0fBF_NvodyYhMcWg
Disclaimer and ethics policy:
1. I, Anson Cheung, am an independent Youtube creator reviewing tech gadgets. This review unit is given to me by Sony Hong Kong, however all thoughts and opinions expressed in this review were not influenced by Sony Hong Kong, and/or its affiliates, in any way. Sony Hong Kong and its PR representatives did not have preview of this video and was not given the opportunity to approve or amend the content of this video prior to the upload date. This is my opinion. I have not and will not produce paid review.
2. I welcome any kinds of collaboration and I DO occasionally produce branded videos to keep this channel running. But I DO NOT accept compensation for my review in order to maintain my neutrality.
3. A portion of this video is sponsored by PureVPN. But they do not have any creative control or influence in the making of this video other than the sponsored segment.
簡單啲講：叫得「評測」嘅就唔會收番個間廠商嘅錢，唔想有利益衝突。但我間中都係會同唔同廠商合作拍片嘅，但唔會係「評測」。
#Sony #Xperia5II #120HzOLED
張縮圖無花無假
頭一，二波疫情，所有show工作取消哂
間健身室又閂埋
個人突然開咗一個休息mode
每日唔係剪片就係食嘢
唔使幾耐就養咗一隻豬
然後有一日，平時冇乜嘢都唔會開聲嘅經理人
打俾我，然後用極之認真嘅語氣同我講減肥
呢個時候我先至好好審視一下自己
我發現我嘅體重去咗新高
個肚漲到可以做枕頭
好彩我都識得反省
而且我行動力本身比較高
由嗰陣時開始，我就注意飲食，計營養
做運動，再飲多啲水
慢慢減，最緊要健康
廢話少講，一齊做啦！ 無咩減肥方法好過做運動！
一日做一轉！一定slim！
※※※※※※※※※※※※※※※※※※※※※※※
我的相關社群 ：
HANA 的官方 WEME ?? https://mewe.com/p/譚杏藍hanatam
HANA 的官方 FACEBOOK ?? http://www.facebook.com/hanahanahanatam
HANA 的官方 INSTAGRAM ?? http://www.instagram.com/HANATAM
PT PRO的官方 INSTAGRAM ?? https://www.instagram.com/ptpro_fitness
PT PRO的官方 FACEBOOK ?? http://www.facebook.com/ptprofitness
♥️ 每個星期都有新影片！記得要訂閱喔！ ♥️
※※※※※※※※※※※※※※※※※※※※※※※
➡ 譚杏藍 Hana Tam - 陀螺（Official MV)
https://www.youtube.com/watch?v=Kap4e...
➡【挑戰】? 全宇宙第一屆? 天台攝影大賽? 公司全個天台都垃圾？點影靚相⁉️ ft. JD & ArDoB
https://www.youtube.com/watch?v=pzZgeTqo_vQ
➡【大改造2.0】✨幫中性好友化身BlackPink LISA ?! 再打俾全民造星參賽者！有無人認得？? ft. JACK DAI
https://www.youtube.com/watch?v=UY4fCAcDqlE
※※※※※※※※※※※※※※※※※※※※※※※
#PTPRO #譚杏藍 #hanatam
