最近呢個youtuber catch咗我attention！佢叫 新德莉莉，佢係一個識講廣東話、專講印度文化嘅新晉youtuber！Amazing！以前喺維記澳洲航空返工，班班機都好似聯合國咁，有唔同國家嘅同事，有克羅地亞、塞爾維亞、馬其頓、中東、印度……乜都有！每次喺機上面做完嘢，我聽佢哋講家鄉嘅故事都會聽到津津有味！我記得有個印度同事同我講過，話2008年喺印度孟買酒店發生恐怖襲擊嗰陣，佢前一日先喺嗰間酒店完成實習，第二日就飛咗去澳洲，先避過一劫，而佢另一個同學就好唔好彩地不幸喪生，真係聽到我目瞪口呆，下巴跌到落地下。
我會覺得，地平線上，唔同國家都有唔同嘅發生緊，有好多同你截然不同嘅生活習慣或文化，都會令我好有興趣去了解同發掘。
睇咗佢個channel一段日子，有一日我無那那戚起條筋，覺得反正自己都開始拍片，不如搵佢合作一齊拍片啦！於是我就膽粗粗inbox佢，第一次見就上埋佢……屋企！下星期會有我同佢嘅合拍片，真係巧kai鮮呀yeah！
我哋仲講好，疫症之後要一齊去印度👳🏽♂️去試下聽講已達飲用水質嘅恆河河水！有本地人喺度，我就唔洗驚喇💁🏻♂️
香港係一個多元文化嘅地方，所以我好欣賞呢一類youtuber🧡
我成日會諗，呢個航空插畫page仲可以捱到幾耐，同時我都努力轉緊型。我所有嘅片會喺另一個page出，其實我嘅目標係創作旅行影片，去接觸唔同文化，去睇呢個大世界。但鑑於疫情，而家拍住啲生活嘢先🧡希望大家可以支持下佢同埋我hehehe
傭仔 yungjai
孟買酒店 在 【轟動全球恐襲事件】 《孟買酒店》4月17日‧復活節燃亮人性 ... 的推薦與評價
... Iwanyk）以恐襲下的泰姬陵酒店（The Taj Mahal Palace Hotel）為舞台，打造另一部令人膽戰心驚的鉅 ... ... <看更多>