關於 孤獨的美食jar ，我們在網路上蒐集到這些相關的討論、資訊與評價

【JARvelogue周遊學・日本便利店要擇日去？！】

最近有留意新一季日劇＜この恋あたためますか＞（要加熱這份戀情嗎？）嗎？（唔關事地講句：「森七菜好CUTE😛😝」）有留意呢套劇嘅朋友，唔知有無發現劇中講過「星期二係日本便利店推出新產品嘅日子」呢？

無錯！星期二係便利店業界嘅大日子。原因係咩？大家都知日本成日都有「新発売」，而呢啲「新発売」產品，基本都係喺星期二排上貨架。起源已經無從考究，但據聞係喺不知不覺間漸漸形成呢個風氣嘅。後來，便利店同零食飲品公司都開始刻意將新產品喺星期二發售，等零食控更加留意，更能製造話題。

日本嘅幾大便利店，每星期平均有30～50種新產品，有時多嘅時候，更有差唔多一百種發售添！所以呢啲產品嘅推廣期，多數也會定喺星期二～下星期一。亦即係話，如果你想增加成功購入話題人氣產品／期間限定產品嘅機會，咁就千祈唔好錯過星期二，記得去一轉便利店喇！特別係中午前，喺上班族買lunch之前去呀，早起嘅鳥兒先有蟲食㗎！

調番轉，如果你去日本旅行，星期一晚喺便利店食完某樣嘢覺得好食，諗住第二晚再ENCORE嘅話，你可能會失望而回都未定。因為有上架自然有落架（當然經典款式唔會嘅…），尤其係期間限定嗰啲，因為到咗星期二，又會有新嘅期間限定出現啦嘛～

仲有一樣要留意嘅係，雖然便利店產品種類好多，但未必全部種類都一定係星期二入貨。不過日本三大連鎖便利店（FAMILY MART / 7-11 / LAWSON）都表示，佢地大多數新產品基本都定係星期二發售嘅～所以下次去旅行，無論星期二行街行到幾攰，都不妨返酒店之前去便利店行個圈喇！BTW而家未去得日本旅行，睇住＜この恋あたためますか＞真係好折磨呀！同意請＋1🙋🏻‍♂️🙋🏻‍♀️

📣Follow for More 🙋🏻‍♂️🙋🏻🙋🏻‍♀️
YouTube 📺 周奕瑋JARvelogue
Instagram 📸 @jarvischow
Facebook Page 📝 周奕瑋 Jarvis Chow
粉絲後援Fb專頁 🌟 Jarvis周奕瑋星星星同學會

#JARvelogue
#日本冷知識
#周奕瑋的旅人視角
#日本便利店
#BTW今日都係星期二喎
#原來真係好難搵到張便利店影嘅相
#好難得搵到張
#N年前在函館
#有啲掛住孤獨的美食JAR

【JARvel-knowledge・「御馳走様でした」的背後意義】🍜🍲🍚🙏🏼

之前分享過「いただきます」(i-ta-da-ki-ma-su) 嘅意義同用法。除咗「いただきます」之外，同佢一對嘅就係今次想分享嘅「御馳走様でした」(go-chi-sou-sa-ma-de-shi-ta) 喇！

好多人都知食飯前講「いただきます」，而飯後就講呢句「御馳走様でした」。首先講解吓呢句說話嘅最基本字面意思先啦！第一個漢字「御」，係敬語嘅一種，專加喺詞語前面加強禮貌，而當中最大意義嘅「馳走」係解作奔走、騎住馬四處奔馳等意思，最後「様」就係對前者嘅尊重。

至於點解會用「馳走」呢個字？明明解奔走同四處奔馳㗎嘛，用食飯有咩關係呢？因為好耐以前，人要得到食物多數都係靠收割、打獵、釣魚等。為咗得到佳餚招呼客人，廚師要四出奔走準備食材，所以就用上「馳走」一字喇！今時今日，「馳走」除咗有奔走嘅意思之外，仲演變成「盛宴」咁解。而成句「御馳走様」就係人為咗向準備食材嘅人同廚師表達感謝嘅心，多謝佢地用心烹調，同埋四處張羅呢一餐盛宴，亦都解釋咗點解要喺飯後講喇！時至今日，呢一句中文會解作成「多謝款待」嘅「御馳走様でした」，已經成為日本人常用句子，同いただきます一樣咁重要。

講咗咁耐，唔知大家有冇發現，成句野最後嘅「でした」未解釋呢？其實「でした」係存在動詞嘅過去式，即係近似英文「was…」咁解。由於餐飯已經食完，所以喺離開餐廳嘅時候，就會用過去式「でした」(de-shi-ta)。不過除咗飯後之外，都有一啲情況係會用現在式「です」(de-su) 嘅，例如人地送手信或者禮物俾你嘅時候，你收嗰刻因為唔會即場食，所以就可以用「御馳走様です」喇！

都係嗰句，入鄉隨俗呀嘛！下次俾完錢離開餐廳嗰陣不妨試試講，向對方表達你嘅謝意啦～

#JARvelogue
#有人會諧音咗呢句做個廁所閂埋咗
#前半的確係幾啱音嘅
#但謝謝款待同廁所有關連又好似有點那個
#突然有啲掛住孤獨的美食Jar

生日快樂，快啲拍新節目！
#周遊東京 #周遊關西 #周遊九洲 #周遊沖澠 #周遊全日本 #周奕瑋 #容羨媛 #小jar子 #孤獨的美食jar #tvb #日本通 #birthday #生日快樂 #birthdayboy