疫苗開盒文 ［本文只係描繪個人經歷，並不構成任何鼓勵/邀請任何人接種任何品牌的疫苗。 每人對疫苗反應各有不同，以下經歷只供娛樂消遣］
針，己打。
我細個身體好差，阿媽同我講我八歲之前幾乎個個月都要睇醫生。 就算大個咗，都好容易傷風感冒，一年總會有三四次。 所以我基本上年年都打流感針。啱啱過去呢一年係我睇得最少醫生嘅一年，由於全年帶住口罩，而且幾乎冇約個朋友出街，晚晚返屋企食飯，基本上冇病過。 但係心理上我總係戰戰兢兢，成日擔心。
打針時間book左10am, 出發前食了一粒益生菌Probiotic以及維他命C, D, Zinc, 為免疫系統做好準備。 我選擇的是孫中山紀念館， 現場冷氣都大，大家記住着多件衫因為焗住坐15分鐘的（由於陪伴父親最後我都坐咗30分鐘），另外有人話打針後第一個感覺就係口乾，記住帶樽暖水。（當然要離開場館先好飲場內不要隨口罩）
入場之前好嚴格檢測你有冇用安心出行（或者認真填寫資料）的，然後所有參加者都要出示預約短訊。 然後上到2樓打針場地之前要用酒精搓手液消毒，跟住就要出示身分證，然後去講解區，有一位醫護人員好細心每個人問好多問題，都問得好細緻，聞到血壓是否正常，我老竇話：「正常！ 淨係有啲責界」醫護人員就緊張：「責界即係點？ 」然後我老竇我拎個電話出嚟：「我俾啲相你睇啦，影晒！」醫護人員轉嚟問我佢係咪控制得好，睇完啲相話：「仲好過我啦啲血壓」。 我發覺現場所見超過60%係洋人，應該同呢個場地有關。 然後好快就可以打針了，我老竇急不及待除恤衫，姑娘話：「唔使咁急！ 」 原來打針之前又要全新問一次，前後最少問咗兩次確認你知道打的是「復必泰」，好小心。 姑娘好有禮貌好好傾。 我老竇問可唔可以打皮下（因為佢有食薄血丸），姑娘即刻進入標準答案mode：「今日我哋全部都係打肌肉，冇其他選擇」（我覺得佢意思係你估你係袁國勇呀）
終於到我了，感覺上比平時打流感疫苗快好多同埋好似冇乜嘢打咗入身體，原來姑娘話只係打0.3mL (平時啲疫苗應該最少1ml), 所以打嘅時候基本係唔痛。
為咗比較用數據睇吓自己身體嘅狀況，我今日特登帶咗Amazfit band5, 可以實時檢測我嘅心跳、血氧含量同埋壓力指數。 我發覺準備進入會場之前心跳加快左，應該係緊張，壓力指數又出發前48去到打針前63。
仲有5分鐘做完成30分鐘觀察期，暫時一切正常。
孫中山紀念館打針 在 高思博A Po - 今天是國父誕辰紀念日！... - Facebook 的推薦與評價
今天是國父誕辰紀念日！ 孫中山先生當年為了革命奔走世界各地，有些地方是募款，有些地方則是居住一段時間，所以世界上很多地方都有孫中山先生相關的紀念館或故居。 ... <看更多>