最近唔知攪乜鬼成日去清邁 😂 既然一場去到，梗係順道睇下樓。自從12年前《小屋仔。大 project》之後，我地雖然冇再買屋仔，但睇樓行動係無停過的，因為真係好鍾意研究一間屋點起先最好住 😎 小屋仔雖然係自己起，但因為12年前既資金和見識所限，最終起出嚟既都係七成滿意。雖然，住左十年都仲可以好新淨、十號風球都可以滴水不漏，已經好過絕大部分倒模啤出嚟既屋架啦。 難怪好多朋友都問我點解會捨得賣左佢 🤔 咁我覺得用唔著既野，應該趁仲係狀態良好時割愛畀下一位。哪來的自信話我知，起得第一間，一定起到第二間 🤣🤣🤣
講返清邁，話說外國人喺泰國係唔可以獨資買地的（有屋就梗係要有地），但如果真係諗住退休用，簽 90年長期租約又何妨呢。又，聽講其實都仲有方法，不過要深入研究左先再分享。
兩次清邁 trip，因為本身有些人脈，一話想睇樓就好有效率地已搵到 5個 local Thai agent 睇左十幾廿間屋，短時間內已摸熟經紀習性和大致掌握清邁屋仔既特點。啲屋設計和隔熱係做得好好，識得巧妙配合自然環境、風向、日照、間構和隔熱層，令到外面熱辣辣室內仍可涼涼爽，值得學習 👍 但以我在香港睇左十幾年屋仔累積既經驗和直覺，暫時感覺係，雖然清邁樓盤廣告成日講到啲價錢超低，但可唔可以用嗰個超低價買到你既度假或退休 dream house，好視乎你本身喺香港住緊甚麼質素既樓。因為每個人背景不同，期望自然也不一樣。睇相就間間都好靚，但實際行入去，感覺可以非常唔同。除非個 agent 超級熟悉你，否則喺佢地標準覺得好唔錯既樓，住開香港標準既人未必覺得 ok，最弊係住左入去至覺，想搵人改裝又唔知搵邊個，又唔知點溝通等等。但在網上搵，又只會搵到類似「十個應該投資清邁物業既原因」之類既文章 🤣🤣🤣
可能過去咁多年睇得太多，一望眼前既野，就會估到幾年後、十年後會變成甚麼樣。當然，呢個都係視乎個人期望和要求。以我標準，睇屋會以至少住到十年冇乜大問題大維修咁睇，十年後如果轉賣最好仲要睇得下 😅 會捨得畀較高價錢買好一點，好過住入去才整呢樣整嗰樣，或睇唔順眼篤眼篤鼻。這也是為何村屋或屋仔既 price range 可以差咁遠既原因呢。
＃唔買都睇下
＃十幾年睇到變睇樓專家
＃寫呢啲題材又撻著我團火
