🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][ViuTV][暖男爸爸][EP04]
✅ 強尼 做主軸carry到 三女圍剿一幕熱鬧
❎ 對白 more is less
強尼好正。成集由佢做主軸，鄭中基做副，加埋三個女朋友圍堵，最後再同 楊偲泳 Renci Yeung 談心，呢集嘅完成度好高。
三個被Lautau玩嘅女朋友，包括Renci、 Shirley Chan 陳欣妍、 伍熹賢 Kate Ng 仲夾過上一集班保險精英坐埋一齊吹水，加埋 董嘉儀 Lulu Tung 做直播推波助瀾，成段熱鬧得嚟唔太胡鬧。當然鄭中基搭住 章尾而 jamie 同張可頤喺中間穿插都加好多分。保險精英落去八卦嗰吓都好正，或者佢哋上一集圍埋飲酒真係唔夠八婆唔夠friend，今次一有八婆位立即fit晒。
用一集塑造咗Lantau呢個角色，冇乜留尾巴。中間同阿榮仲有鯨魚嘅關係，令到劇情唔會太過脫離主角。睇嚟Lantau好快就同 Hailey Chan 或者 Mishy Fish 李昭南 有劇情進展。唔知之後有冇一集係講陳俞希個角色呢？我估佢都幾重要。
不過啲對白重複得好嚴重，當觀眾係金魚腦……集集都要講出口話每個人都可以reset再嚟過，又集集都幾乎有兩個角色講同一番說話。今集Lantau畀阿榮同芷明當面講咗佢缺乏愛，然後接住落強尼同Renci喺便利店度強尼又講多次。其實直落去講話Lantau有個想愛又唔可以愛嘅人就可以啦。
另外暴龍哥唔使喊，拉住張床單唔畀走已經足夠隔籬屋出手啦。依家夾硬配音勁怪。
📺 99台 逢周一至五 2130~2230
[演員表] 鄭中基 飾 林世榮 / 張可頤 飾 羅芷明 / Jasper Ho 飾 暴龍哥 / 賴柏綸 飾 暴龍哥 / 文凱玲 飾 Ling / 章尾而 飾 阿E / 強尼 飾 Lantau / 陳俞希 飾 Bianca / Crisel Consunji 飾 Leah / 余香凝 飾 余超瓊 / 駱振偉 飾 Ted / 陳子豐 飾 Jesse / 岑樂怡 飾 Carmen / 李建邦 飾 阿V / 葉千浿 飾 小英 / 李昭南 飾 Nami / 楊偲泳 飾 Wing / 陳欣妍 飾 Jennifer / 伍熹賢 飾 Suki / 董嘉儀 飾 BeeBeeBB /
#1230隔夜超短劇評 #ViuTV #戚家基 #鄭中基 #張可頤 #賴柏綸 #文凱玲 #章尾而 #強尼 #陳俞希 #余香凝 #CriselConsunji #駱振偉 #陳子豐 #岑樂怡 #李建邦 #葉子浿 #李昭南 #楊偲泳 #陳欣妍 #伍熹賢 #董嘉儀
小短劇尾巴 在 thread:[號召] 輕鬆幽默之尾牙小"短劇"徵人囉!! - NTUfin02 - 批踢踢 ... 的推薦與評價
‹ 看板
精華區
最舊
‹ 上頁
下頁 ›
最新
... <看更多>