[絶非廣告]天地良心,寫廣告寫成咁,一定畀客或者公關黑名單。本人一般係好識撈的。
1. TLDR:星州唔炒輪,唔通炒米?正如馬克吐溫唔吐溫,唔通吐痰?山口素弘唔素弘,唔通掃黃?(呢個句式明顯抄林振強,但我已唔記得佢原文係用乜嘢例子)
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
2. 香港嘅新輪商,登登,就係我舊東家(唏一夜夫妻都百二蚊,何況我做咗年幾,拎咗好多個百二蚊),星展銀行。這不是愚人節
3. 個重點唔係 星展咁XX 都學人出輪—大把更加XX 嘅公司都出輪啦,星展喎大佬,好長時間係東南亞最大市值公司(唔肯定而家仲係咪,視乎SEA你當唔當東南亞公司),好失禮你?
4. 咁你咩Macquarie都出做輪商啦(死咗未?我對上一隻買嘅輪就係Macquarie,十幾年前嘅事),「我知Macquarie在澳洲好大」(其實都唔係,迫科CBA NAB ANZ WestPac後都未到佢,有冇話你知我係睇銀行股的?),但,we talking about 新渣坡 ok?新加坡LP(*)咁大嘅地方,600萬人,又唔似香港咁有大陸公司上市(坡國上嘅大陸公司就算鳩數啦),但股市市值好長時間係東南亞最大—大佬你印尼講緊3億人呀!(其實印尼GDP係坡國4倍,see?坡國係金融中心呀)
5. 同朋友講起呢,個重點當然唔係「星展都學人出輪」,而係「而家先出」?
6. 的確,星展當然夠資格出輪有突,樓上都講咗。反而你可以奇怪係,做乜而家先出?朋友話頭,「個個炒美股啦仲有人炒香港窩輪牛熊證?」
7. 不過朋友此言我又唔係完全同意,首先,why not both?炒美股都可以照炒港股。況且,窩輪牛熊證可以買跌嘛,咁覺得騰訊爆煲嘅,咪瞓身家put 咯(Just saying,而星展出嘅正係騰訊輪,有call有put,可以幫襯下)。
8. 況且你睇港股每日嘅輪證成交,當然仲有大把人炒輪炒牛熊證。可能因為覺得自己眼光好準,可能唔想捱夜(但,邊個話買美股要捱夜?好多人以為買股票要日日望住佢,但你見我有時瞓到四點港股收市先起身),可能係覺得美股交易費貴(其實唔貴),或者覺得升咗好多,或者覺得「唔熟美股」(你以為自己好熟港股?)。Whatever.總之,睇多次呢段第一句。
9. 而另一方面,過去十幾廿年,最大嘅轉變係:發輪已經成為commodity business.呢個亦係商業社會嘅殘忍,或者進步。最初你就「認股證認法興」,後來就「買得準里昂輪」(行家戲稱「買得準你戇卵」,後來里昂都冇埋,變咗「買得準匯里輪」),仲有遠近馳名嘅「波法比餅店」(自己google)
10. 講過了,多數係歐洲嘢。里昂法興比聯(KBC,好多人都唔知點解係K,行家俗稱Kredit Bank),歐洲公司。最初就係請晒啲巴黎第X大學嘅數學家,法國出名多數學勁人,真的。
11. 但後來,人人有得抄啦,你識請法國佬我唔識?況且後來亦都有大陸仔印度仔嘅quant,一樣識講法文(嗰時匯理個quant頭同我舊老細相熟,係個踢拖但一口流利法文嘅大陸佬),點做pricing,用乜software,點行銷,點搞講座上電視,人人都識抄。波法比甚麼,只能搵第一輪水。
12. 任你講乜都好,呢啲鬥到最後係commodity business,你唔會因為A行輪后對波大啲就幫襯(我唔會啦下,我鍾意細胸),散戶都係睇貼唔貼市,多唔多成交,睇引伸波幅(**)
13. 鬥到最後,咁鬥乜?就鬥funding cost,銀牙!呢啲就係歐洲行唔夠鬥嘅地方啦。眾所周知(你唔知嘅我話你知),波法比等等,在香港邊有deposit base?咁你出輪當然要有貨打底,錢從何來?歐洲行就只能靠問匯豐中銀之類日日借,當時我做蕉行都拆唔少出去。(有啲戇鳩仔真係以為輪商要同你對賭,錯,人地食硬你,使撚同你對賭睇好定睇淡騰訊)
14. 但星展,就係個funding cost夠低,見唔見張相寫撚住亞洲最安全銀行?信貨評級好多的說。況且,quasi 國企啦。我都話我去坡國,淡馬錫都肯見我聽我鳩up—何晶識我老鼠咩(當然我亦唔會見到佢),畀面星展之嘛
15. 你見到嘅係,之前N年好多歐洲行都收晒皮,開始少人競爭,亦都有返啲肉食,所以可能而家想入場咯。
16. 仲有一樣嘢,睇嘢不能咁狹窄啦。你出輪之餘,又掃埋正股做對沖,但你又可以出埋產品畀private bank嘛。成套咁睇的。得罪講句,你KBC啲private bank,同星展點比?我唔止淨係賣香港喎,坡國馬國仲有大把……客。
17. 以上種種,只係我猜測,冇任何內幕,冇問過任何做星展嘅人。但星展啲嘢,OK架,可以幫襯下。
18. 話時話,做quant我就冇料啦,星展搵唔搵人做廣告post?Inbox我,一場舊相好,畀個特價你,保證唔講粗口。
19. 正文講完,但,當然後記仲好睇。
=============================================
20. 首先講個好簡單嘅故事:話說我在星展嘅年代,真係有次有間PR公司搵我,叫我宣傳某銀行嘅產品,問得幾問,原來係星展。成件事好似你上Tinder Match返自己老婆咁。PR問我介唔介意,我梗係唔介意,但我話你去問下你個客aka星展介唔介意,當然成件事就冇咗下文。但,我真係覺得something is wrong,星展肯畀錢街外人,然後街外人搵我喎。
21. 不過講返,我對星展真係無仇無恨,固然佢有大公司嘅老味嘢,但亦有大公司嘅好嘢。人工高(還好啦,陣間講)福利好(廿鳩幾日假,仲有士大夫供樓,搞到我幾乎買咗太古城)。你見我同啲星展舊同事都仲有食飯(你估我好得閒?),同啲舊客都仲有傾計,星展as a company 係OK的,「我係同我舊老細唔妥之嘛」
22. 遲下再寫個故事,但聽啲小朋友見工,話HR「壓佢價」,come on,C朗都減人工啦,supply and demand,老細當然係壓價,兩萬八請到嘅人點解要畀三萬?正如你想叫高人工,甚至有人吹大上一份工嘅人工(我從來唔會),咪又係昆鳩人賺到盡。哦,唔同,人地係仆街資本主義巨獸—咁你就米撚去做啦。
23. 我想講,我去星展嗰時,我開嘅人工,佢冇壓價之餘,仲加多咗啲畀我。「多五百都係多丫」(唔止五百嘅)。呢啲先係做大事嘛。其實我請人都係咁,一般你叫幾多我再畀高你,「又唔係我啲錢」。
24. 當然,入到去我冇加過人工,就係後話,一個仙都冇,雖然都只係年半。食得鹹魚抵得渴啦,喂但你條鹹魚越食越渴喎。咁你可以話我辦事不力廢撚柴,你做星展年年都加好人工,的確好多人係咁。但我又話你知,我去第間公司都係年年加人工,即使康宏咁XX都仲有加我人工(託我老細洪福,多謝)—結論?都係八字唔夾,早走早著。
25. 真的,唔夾咪分手,唔通我仲要去「好,我要好努力,證明畀你睇係你睇錯」,仲十八廿二咩,我使撚靠你「證明」咩,我去搵過份工咪最好嘅證明。
26. 其實唔應該講,但最後我都係忍唔住講。到我當時轉去星展呢,我啲朋友就叫我delete 晒以前啲Facebook Post,我話咩回事?佢地話,「你成日話人地係「保險箱都掉撚埋你嘅亞州最安全銀行嘛」」
27. 心諗,係喎,雖然我覺得我冇「成日」講(但今日又講多次),但,即係好似啲球員轉會咁,「咁轉去利物浦就梗係delete咗之前係咁串人嘅ig post」
28. 不過還是要講,「保險箱」呢單嘢真係太經典,開埠以嚟第一次喎!威唔威?更要留意,當時(2004年尾)我剛由教書轉去做銀行(蕉行嘛),真係深深震憾我心靈。我仲記得當日係標哥睇睇下報紙,自己在個位度講,「哈,啲坡佬咁撚樣都得喎」(原文照錄),當然仲要係有女同事在場。咁留意,當時我只係返工個幾月,試用期都未過,當然唔敢回佢「點撚樣呢?」。但以佢性格,當然自己主動講畀我地知。
29. 不過呢,諗深一層,扯,人地講「亞州最安全銀行」,講個credit rating嘛,講借錢存錢畀佢好安全之嘛,nothing to do with 保險箱喎。況且,to be fair,班友個個都拎一大舊錢和解啦,幾大舊冇人知,non-disclosure 嘛,但,肯定好大舊掩口費啦。Fair enough 啦。
30. 拿,有呢段,你可以肯定唔係廣告post啦。
(*)這很經典 — https://bityl.co/8SED
(**)我成日都話,香港地呢,屯門街市師奶都識講引伸波幅,金融普及程度肯定全球首位,啲咩學者話香港人金融知識不足都戇鳩。Try me,你去紐約去倫敦街市,試下問人咩叫縮vol?
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
屯門新義安大佬 在 Facebook 的精選貼文
[藺相如,司馬相如,名相如,實不相如](*)咪講笑!同Freddie Mercury同Billie Eilish 齊名!獲得誠品認證!我是一個文青!
TLDR:屯門牛呢,真係睇好嘢都慢人一步,睇戲又多垃圾。所以要有馬蘭頭獎學金
1. 實情係屯門誠品,已經有貨。都話日日去睇,我仲發現搬咗位,原本係在啲財經書度,而家已經literally 「上神枱」,同Freddie Mercury同Billie Eilish 齊名!雖然暫時我都未見有任何人拎起嚟睇。實情咁耐以嚟都冇!
2. 又,真係的,明明銅鑼灣,太古同尖沙咀誠品都一早有,屯門就要再遲啲。真係鄉下地方資訊不便。「啲小朋友都要遲兩個星期先接觸到啲高質毒物」。
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
3. 你真係唔好睇少呢樣嘢,What we talk about when we talk about 村上春樹?好多人都知道佢開coffee shop/酒吧,收工在廚房寫嘢。亦都有啲人聽過個契機係明治神宫野球場(我都去過朝聖),養樂多燕子隊
4. 但再之前呢?村上春樹係關西人,京都伏見出世,但神戶讀高中。佢唔止一次提過,神戶改變佢好多。神戶係個海港,易接觸外國文化(你見仲有異人館),佢就在嗰度睇好多西洋文學。
5. 我話睇書都慢人兩星期,當然只係講笑。「而家屯門都有Donki」「仲有Mirror」。但,你可以留意下,屯門戲院(屯門戲院並唔單指「屯門戲院」)上嘅戲,都真係同「市區」唔同。唔通會上《惡與他們的距離》?主要都係上「長相屍手」之類。有人話歧視,有人話市場考慮,「啲屯門牛就係睇垃圾」,乜都好,客觀結果都係一樣。喂,呀影帝林家棟,都公然恥笑去巴倫紐睇戲嘅人啦。2015年咋喎,香港人好尊重本地電影咩?(而不幸地,套《點對點》我都有睇,但居然唔係在巴倫紐!正如導演話頭,根本巴倫紐冇上呢套戲,全新界得葵芳新都會上,我就在嗰度睇)
6. 你都唔好話冇影響,我講兩件事你知。第一,好少同人講,當年我買樓,係有諗過買駿發花園嘅。咩話?駿發花園在邊?點解我會想買?「駿發花園咪會樓下上《惡與他們的距離》」。最後點解冇買?唔係因為冇錢(我有咁窮?況且我講緊2013年),而係因為懶,同埋我諗真啲,「我買完百老匯電椅中心搬走我咪仆街?去廟街聽數波波定食煲仔飯?定學麥路人郭富城咁去聽楊千嬅唱歌?」。第二,當然係因為我懶。租開我老母(真係我老母,唔係助語詞)屯門嗰樹好地地,咪買埋佢。係呀,買架,咪撚以為佢送畀我。電視框?框你老母(呢度就助語詞)。創屋苑尺價新高添呀!虎毒不吃兒呀。「不過冇人拎支槍迫你買」「況且之後都升咗好多」「所以真係唔使怕高追,咪縮數話咩等調整」
7. 一念任天堂,一念海天堂。一念八天堂,一念朱天堂。如果我當初買咗駿發花園?而家我係咪好有文化我就唔知,「但應該執多幾球嘢」
8. 講返,我變成「港片之鬼」,你估係偶然?並唔只係因為我細細個鍾意睇港產片。喂我年代啲小朋友,個個細個都睇港產片架啦,但大咗佢地自然就會覺得好check,我溝過N條港女,都以自己唔睇港產片為榮,我最鍾意都係我問佢睇乜戲,答曰「我個人冇乜所謂不過唔睇港產片」,充份反映到港女嗰種自以為嘅優越感同懶撚係considerate,多撚謝喎。不過我都冇諗住同佢去睇港片,因為我主要係為上床。到後來睇港片先有得上床,就係後話,只能講句十年河東,十年煩西
9. 我之所以到中學都不停睇港產片,主要係因為一個人。他的名字叫徐一刀。四十歲以上嘅麻甩佬應該聽過。根本就係香港全裸監督村西徹,佢進軍海外時吳宇森都未去荷里活。佢就係自己親身上陣,同「五十嵐」一齊拍愛情動作片
10. 但關我乜事?我又唔係蘇B(一個徐一刀有份用嘅演員)。主要係,徐一刀係我同學嘅舅父。咁佢就畀好多免費戲飛我地睇,當然唔係睇佢嘅戲(當時我中二咋),而係可以去睇任何戲。我唔知係咪只係港片,但肯定嗰時咩 凱都呀, 巴倫紐呀,仲有「屯門戲院」,都好多時係上港片。
11. 我仲記得我第一套用佢嘅飛睇嘅戲,就係《水滸傳之英雄本色》,李克勤唱主題曲,梁家輝做林沖,徐錦江做魯智深,劉青雲做大茄,但最正係豹哥單立文做高俅個仔去淫辱林沖老婆王祖賢。
12. 另外仲有《風塵三俠》(梗係柏安妮嗰套),仲有套日本人拍但廣東話配音嘅《三國志》(1990年代初,已經好過《三國無双》N倍,可見周顯揚真係食撚屎的,係呀,我又要好波過美斯先可以評論?)等等。可見我嘅中學年代,就係咁渡過。
13. 然後你諗下,埃汾太(名校女生嘛)。人地呢,午飯去Pacific Place食嘢—仆你個街到我在金鐘返工我都仲嫌貴呀!另外有個朋友仲誇張,中學年代,去「有馬」日本料理午餐。
14. 朋友同我同年,但你老味,我地年代在屯門?日本嘢?「就係去八佰伴食熱海麵屋」,好撚難食的,難食過味千。當然我好後來先知道,熱海係地名(大佬呀,嗰個年代冇維基百科,又冇一年去十次日本),而八佰伴第一間店,就係在熱海。
15. 至於我嘅名句(其實係朋友講),「嗰時食百人一朱已經覺得自己好撚high」,sorry,呢個係去到出嚟做嘢嘅事。仆你個街,我去到教書嗰時,兩皮嘢個月,都係同成班搣時去荷里活(梗係鑽石山啦,好彩未去旺角荷李活)食百人一朱咋!(話時話,就快又七夕,有冇人未聽過七夕搣時嘅教事?)
16. 睇到呢度,你心諗,有冇咁誇張。都真係有的。例如我估我好似去到2000年,即係,大學畢業,我先知咩係Tiramisu,「開頭以為日本嘢」。而家啲小朋友,幼稚園茶點都食喜知次一夜干啦!
17. 真的,as a 學霸,我博聞強記嘅能力,叻過好多「名校」嘅普通學生。但行出嚟就係冇嚟貴格,食幾多貴格燕麥片都冇用。「即係余文樂咁」,真係好多年先洗到嗰種新界牛嘅味。
18. 你話冇影響?有機會我細寫。但當年我去in Oxford獎學金,邊個in我?係李兆基,冇錯係四叔。仲有楊鐵樑。同埋羅德丞(唔係羅傑承),同埋一條牛津嚟嘅鬼。喂,我見到都變秦舞陽,腳震震啦。最記得鬼佬問我點解地盤啲鐵係工字型,我都答唔出,但其實我係知嘅。(BTW,當年我報N展,真係好彩冇收我).後來當然獎學金拎唔到,做唔到乜乜學人,返去港大繼續have fun stay poor.四叔變咗亞洲股神。楊鐵樑變咗教英文。羅德丞?選唔到特首,冇耐死撚埋了。(原來都隔咗十年)
19. 事後諗?如果我醒少少嘅,我應該話畀四叔知,我阿麻係順德大良人。我成日返去的。拿,呢啲咪分野。但冇計,歷史沒有如果,洛賓2010年球單刀如果入咗?
20. 寫咗好多,都唔係咩獅子山下可歌可泣。你心諗,而家扁平化咗好多啦。而家屯門都上到NetFlix嘛,屋企都睇到 德國飛機吸血片啦,有得上網,拉近晒啦。
21. Yes and No.但其實,個世界,都係向比較有錢嘅人傾斜嘅。我甚至覺得,我幾幸運,我年代都仲可以叫做「上流」,即係一個普通家庭(唔好講到自己赤貧啦,至少有錢去睇戲)嘅屯門仔,都仲有得發下圍。而家?未必冇,但大家心知,越嚟越難。
22. 最新嘅趣聞,英國A Level,一半人A或A+。因為多咗Teacher assessment,fuck that 教師好專業唔偏私。但有乜所謂?好似阿婆賣紙皮咁,你會噴水上去,我又自然會計返你平啲。英國好嘅大學,更加大條道理自己搞admission test,甚至乎用自己嘅discretion—冇錯,就係傳說中嘅去緬甸做義工。點解啲名人富豪仔女都入到名大學?真係叻啲?你話呢?
23. 寫咁多,冇錯,最後都係講「馬蘭頭奬學金」嘅理念。呢個年代呢,你做屯門牛又冇錢嘅,真係比較大鑊。可惜我暫時都仲係只有理念,未有好多錢,更重要係未有執行力。但,總會搞到出嚟。
(*)又,我都係早排先知,司馬相如唔係真名,正如河國榮崇拜張國榮,佢因為崇拜藺相如先叫自己司馬相如。正如司馬遼太郎,都係因為崇拜司馬遷(應該唔包括腐刑嗰part),但自愧不如亦係自謙,先叫自己司馬遼太郎。
似乎姓司馬嘅都啱呢味嘢(司馬遼太郎又會姓司馬啦!)。不過司馬賽兒,就唔係因為鍾意馬賽所以變咗馬賽。主要係鍾意波圖。講返,上季法甲馬賽第5,冇歐聯踢,所以要等波圖歐聯分組賽第三,先有機會馬賽對波圖
==============
一週年!月頭訂最抵!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
屯門新義安大佬 在 壹週刊 Facebook 的精選貼文
武肺疫情搞到一班古惑仔都莫財冇飯開,屯門老新惹火人物 #排骨 ,即係 #牛丸 個大佬,就向一班喺街市落貨嘅菜車司機落收陀地,一萬蚊一架,狼過華秀隻狗!
#今時今日仲興收陀地㗎咩
#又排骨又牛丸又菜搞到小編我好肚餓
全文:https://s.nextmag.hk/e/Osz3dCVyfbb
-----------------------------
💪#和你撐壹仔計劃 每月$300起
https://s.nextmag.hk/e/qvtlf3GXn7
📣 #號召有心人 請香港人睇壹週刊
https://s.nextmag.hk/e/3DCMTtOQr6
-----------------------------
🦠武漢肺炎專頁🦠
緊貼防疫資訊!與你遠離瘟疫 睇清官謊!
https://s.nextmag.hk/e/F2Kry67L03
-----------------------------
🇬🇧英國移民、升學、就業、買樓生活資訊
加入走佬去英國 - BNO 5+1 移民資訊研究所:https://bit.ly/2D9QsjG
-----------------------------
#專題 #壹週刊 #新義安 #保護費 #收陀地 #運菜車 #新墟街市
屯門新義安大佬 在 Channel C HK - 屯門新義安收陀地不果錘棍扑酒樓淋紅油6惡漢 ... 的推薦與評價
忽得超定怱得超? 「姦殺令」 同「追殺令」都好大分別啦! 穩陣啲,check一check好喎。 ... <看更多>
屯門新義安大佬 在 Fw: [新聞]為爭新義安屯門?弗人之位門生兇案大佬私了 的推薦與評價
※ [本文轉錄自 Gossiping 看板 #1EtXAqkN ]
作者: TERRIST (大白熊共和國聯邦) 看板: Gossiping
標題: [新聞]為爭新義安屯門?弗人之位門生兇案大佬私了
時間: Tue Dec 6 21:03:45 2011
複製 https://0rz.tw/j72iR
【本報訊】曾以「互殺」話事人震撼江湖的屯門黑幫新義安,再釀門生血案後,但幫會大佬竟然打算私下了斷,疑欲以金錢填人命。小頭目「郭靖」昨凌晨遭同門輾殺慘死, 15小時後,大佬「肥傑」與敵對派系大佬「老鼠」講數,《蘋果》記者直擊 15分鐘的會面,兩人由「面??」變成笑騎騎。消息稱,私了的背後其實隱藏更大陰謀,就是爭奪新義安屯門「?弗人」之位。
新義安小頭目郭 衍靖年僅 18歲慘死,警方除了通緝三名刀手外,並四處尋找新義安兩大派系多名頭目,風聲鶴唳下,「郭靖」的大佬、新義安猛人肥傑突然現身。昨日下午 4時許,身穿黑色外套的肥傑,獨自駕駛白色平治房車到區內一停車場。
肥傑落車後,即有一名守候多時綠衫漢上前,此人正是與「金毛昌」齊名、新「屯門之虎」跛榮的得力助手「老鼠」,初時肥傑「面??」,老鼠則雙手交叉在胸前說話,似在爭論,肥傑一時反白眼擰頭、一時若有所思,其後,他漸露笑容,氣氛遽然大變,老鼠更咧嘴而笑。會面 15分鐘後兩人分頭而去。
「雙方傾偈打算私了,睇?賠幾多錢。」一名幫中人士稱,事件的起因,以及事態發展的最終結果,雙方都心知肚明,希望以賠償來暫緩兩派人馬繼續廝殺。
消息人士稱,新義安兩派迅速私了,仍有背後原因,即雙方都在爭奪屯門「?弗人」之位,大肆「收醩」、搶奪地盤的肥傑,有意一統屯門新義安勢力,今次手下被殺,主動出面私了,擺出「以和為貴」姿態,?足大佬風範。
另一邊廂,號稱「新屯門之虎」的跛榮,近年急速擴展正行生意,俗稱「漂白」?,已在幫中轉趨低調,不欲同門不斷廝殺,而令其成為警方打壓目標,最終削弱勢力。據悉,身家近億的他,決不會將地盤拱手相讓。雙方均在醞釀?另一場大戰。
回歸之後,新義安轉趨低調,但屯門的新義安卻是該幫會最血腥的「風暴眼」,同門廝殺歷時十年。新義安「五虎十傑」中,十傑之一的「豬頭細」,與另一頭目「側頭送」 10年前已是互相追殺目標。
01年,豬頭細在東莞遭槍手襲擊,身中四槍殘廢,自此退隱江湖。同年,側頭送偕頭馬肥傑避走荷蘭,經營販毒生意,結果賺到盤滿缽滿, 05年,側頭送亦遭人搶殺,混亂間肥傑為大佬擋兩槍,惟大難不死,之後被視為英雄。他隨後返港接收側頭送在屯門所有地盤,靠?雄厚「毒資」招兵買馬不斷壯大,現與豬頭細頭馬跛榮分庭抗禮,有力爭奪「?弗人」寶座。
據了解,年約 30的肥傑作風狠辣,野心勃勃,為統一屯門,派手下滲入學校「收醩」,又經常慫恿班醩「大膽?」,不時挑釁跛榮人馬,吞併對方地盤,因兩幫人馬結怨頗深,令同門內訌更趨白熱化,造成多人傷亡,被警方視為最惹火人物。
=======================
不知道查弗人是啥?>??
屯門恐龍(林偉亮)被東星五虎雷耀揚(張耀揚)解決掉;蔣天養決定回香港,並且另立屯門扛壩子。
((((( 洪興十二個渣FIT人))))))
在本片中終於出現了,雖然沒有全部到齊,但總算看到了一點新鮮的面孔。
蔣天生喪命之後白紙扇陳耀決定請出蔣天養主持大局
https://f90274.pixnet.net/blog/post/30266548-97%E5%8F%A4%E6%83%91%E4%BB%94%E4%B9%8B%E6%88%B0%E7%84%A1%E4%B8%8D%E5%8B%9D
屯門只能有一個渣FIT人 就是山雞!!!!!!!!!
--
統派名言截錄
1.
推 ......:不是你死就是我亡 只有殺光所有主張轉型正
→ ......:義之人 外省族群才能免於全部屠殺
2.
若問我,馬英九執政 我願意挺中華民國,若DPP執政 我去當第五縱隊+解放軍內應+嚮導
--
※ 發信站: 批踢踢實業坊(ptt.cc)
◆ From: 111.184.20.52
※ 發信站: 批踢踢實業坊(ptt.cc)
※ 轉錄者: Kay731 (122.120.3.223), 時間: 12/06/2011 21:30:00
... <看更多>