穿越牛熊的投資成功關鍵，不是冧巴，而是......
#心法時間
#市況明日文章分析
https://www.facebook.com/414186532088489/posts/1120064111500724/
魏力：穿越牛熊的投資成功關鍵
新一年先祝睿富讀者投資順境，身心健康，家庭和睦。
俗語有云：好的開始是成功的一半。而一個爛透的港股開局，又是否崩盤的序幕？過去廿年的數據話你知，兩者的關係就猶如賭大細，一半一半。即使1月份出現跌市，全年升跌的比例仍是各佔一半，可見即使「開壞咗個頭」，全年是否就無好結局？並不盡言。
當下風頭火勢，盡量減少交易（犯錯），無可厚非。問十個專家（魏力絕非專家，故不在其中），九個都叫你揸cash觀望，剩返一個就話「吼位」買公用股收息。值得一提，「吼位」一詞其實相當過癮，聽落好pro，實際無講過嘢（即係叫你等吓先，但唔知等到乜位），但在電視、網台的問答環節，已可從容將散戶打發過去。
至於揸cash，在絕大多數市況下、對大多數散戶而言，都是對的，皆因連基本股票操作概念都無的散戶（包括但不限於：升唔識走、跌就係咁溝、打死唔止蝕…），無論升跌市（甚至大牛市），都係會輸錢的，所以不賭的確是贏錢。
之不過，inbox入來小弟fanspage問股的散戶，你叫佢揸cash唔買貨的話，大多數是唔收貨的。「目前市況差，xxx走勢亦向下，現價唔應該買，揸cash等機會吧！」之後通常就被追問：「咁yyy同zzz呢？買邊隻好？」為何會出現這個情況呢？魏力想了又想，近日終於有答案。原來一般散戶買個股時，其實只理會價位，而不理會市況、氣氛（更遑論基本因素），「吉利（175）由29蚊跌到15蚊，平咗一半，點都會升番啩！」咁就衝入去，之後結果係點，不用多說。
唔買貨唔安樂，固然有問題，但清倉完全不理市況，連手機報價app都delete埋，又是否應對熊市的好方法？清貨之後，跌市避開了，但對市況不聞不問，久而久之，市感就會消失，到個市真見底，你又會唔會feel到？「咁沽哂貨都照樣睇市，但又唔買貨，得喇啩？」如果做得到，呢位必定係真高手，定力超凡，註定大贏特贏，很可惜，萬中無一。
又想避開熊掌，又想食盡牛市升浪，有何方法？答案就是無論牛熊，都保持適量的投資，只是熊市細細注，主要保持手感、市感，贏輸有限數，到牛市重臨，才可快人一步大注出擊。注碼、而非冧把，才是投資勝負的關鍵。
本人為證監會持牌人，未持有上述提及股份的財務權益。
魏力投資日誌
====================================
WealtHub睿富 YouTube頻道正式開通！想隨時重溫「睿富之道」及其他精彩影片資訊，更加方便！
立即點擊訂閱>>> https://goo.gl/AMu8zU
市況明日文章分析 在 iMoney 智富雜誌, profile picture - Facebook 的推薦與評價
為配合市況，iMoney團隊將由明日起，為尊貴的iMoney訂戶獨家送上每日最新股市分析評點文章"INSIGHT"，讓訂戶緊貼市況，為投資作最佳準備。 首篇" INSIGHT "獨家分析 ... ... <看更多>