【過返個悠閒寧靜嘅下午】
原來上環一帶有唔少西式咖啡店，可以俾大家一個舒服、幽靜嘅地方食下野、傾下計！
今次就揀左呢間café，同朋友叫左蟹餅沙津、檸檬草雞翼同手撕豬漢堡：
蟹餅沙津—小編覺得係三樣之中最出色！切開蟹餅會見到全部都係一絲絲蟹肉，用料好足！沙津菜、青瓜、車厘茄等等嘅材料都非常新鮮。
檸檬草雞翼—係泰國風味，香草味濃烈！雞肉唔算好入味，而且某啲部分嘅雞皮炸得略為過火，顯得比較硬。
手撕豬漢堡—手撕豬肉份量幾多，而且都幾滑！醬汁調味適中，帶少少甜味，同手撕豬肉好夾！跟餐嘅薯條連埋少少薯皮，炸得好香脆，值得一試！
呢度嘅食物都有中上水準，加埋個行歐洲家庭風嘅環境，幾個鐘貶下眼就過左啦！
Corner Kitchen Café
地址：上環荷李活道226號
#foodtone #覓食在上環 #城市中嘅寧靜角落 #慢活 #不過叫野要用英文 #平時少講英文真係有啲緊張 #當日見到有七成客人都係外國人 #係咪外國人先享受呢種慢活 #附近仲有好多間可以慢慢試
