新作。許廷鏗 Alfred Hui #強逼症進行曲。
我真係忍唔住想讚下自己。呢首歌係我藝術上創作上既一個新高峰。無之前十幾年儲儲埋埋既功力我根本寫唔到。當然，亦因爲寫呢隻歌，我係七月時已經用晒我2017年既所有精力！
記得我年初時跟Alfred和監製于逸堯講：「我要寫一首好勁但又怪到你完全plug唔到同嚇驚晒你啲家庭觀眾既歌！」所以，現在這首歌和 #大雄胖虎綜合症 一齊plug，我真的好意外！
強逼症 (OCD) 是太多左腦，注意力不足過度活躍症 (ADHD) 是太多右腦。開初Alfred有「左腦右腦」這個concept 時已經鎖定我和 周國賢 Endy Chow jaugwokyin 一起做這一對歌。啱晒，我好control freak，佢好飄，但大家又溝通到，別無他選吧。
我心目中OCD有如操兵，非常嚴謹精準但又腰板挺直非常崩緊，身體每個動作都不容許稍微偏差。我從小到大每個星期六日就會從窗外傳來少年警訊步操訓練時bagpipe吹奏的"Scotland the Brave"，整天不停重覆聽到我驚。從這一個記憶就引發這一首歌的開端。
因為跟阿于傾好要寫一首好dramatic的狂想曲，之後不停變快變慢，轉key轉調轉拍子，但整件事能夠不散亂，交接位順暢不兀突，是需要不少功夫的，這首曲應該是我創作生涯寫得最耐最辛苦。
寫完曲已經得番半條人命，到寫詞就更覺得自己捉蟲入C眼。平時我一動筆寫詞大多只需一日，這份詞足足填足四日。捕捉一個OCD人如何由崩緊到自我憎恨到覺得自己無藥可救到爆發到崩潰，一套4分鐘的drama，填完連半條人命都幾乎耗盡。
但可以解決到如何不重複《青春頌》這個難題，可以為Alfred音樂路上帶來一個新突破之餘，我自己亦有突破，一切辛苦都好值得。
特別要多謝孔奕佳和Jason Kui，編曲精彩又避免到走入「管弦樂團交響曲」的老框框，用這個非常Berlin的手法，令整件事更怪更新奇。還有多謝 梁栢堅 填大雄胖虎，非常配合，令整個「左右腦」concept得以完整呈現。
#唱死你
#寫死我
#幾個創作單位全部都有病架
#許廷鏗你都係唔好群埋我地咁多
#今次已經玩到咁大下次可以點
