【收集居民意見・元朗第12區運動場館及休憩用地】
琴日嘅地區設施管理委員會會議，另一項重要議題係元朗第12區運動場館、休憩用地設施嘅討論。
呢三個工程項目已經討論多年，而體育館更加喺2017年納入施政報告中嘅「體育及康樂設施五年計劃」內，係元朗區內重要嘅工程項目之一。
今日嘅會議入面，康文署文件首次就「元朗第 12 區體育館」擬定當中嘅康體設施內容（見下圖），當中包括一個室內多用途場館（可以用作3個籃球場/3個排球場/12個羽毛球場/1個作賽嘅排球場）、一個多用途室內副場（可以用作1個手球場/1個5人足球場/4個羽毛球場）、健身室、乒乓球室、兒童遊戲室、三個多用途活動室、四個壁球場同其他輔助設施，文件亦首次提及體育館會附設圖書館、公共運輸交匯處同公眾停車場等設施。
喺呢個階段，部門仍然未訂實相關嘅設施最終方案，以至圖書館嘅層級（即係未決定係區域圖書館、分區圖書館定小型圖書館）、圖書館嘅設施、設計，以至停車場嘅車位數量、各種停車位嘅比例。因此，部門喺呢個階段非常歡迎我地去畀意見佢地改善工程方案。
歡迎各位街坊就各項目嘅文康設施規劃（如體育館健身室、活動室設施；運動場草地足球場、田徑設施；圖書館休憩空間等）發表意見，遲啲亦會有一份詳細嘅問卷調查畀各位街坊，收集意見後我會代大家向康文署反映。
最後，第12區魚市場嘅休憩用地、運動場都未完成場地覆檢，我會繼續跟進呢啲用地嘅規劃情況，再同各位街坊匯報。
康文署體育館健身室 在 Visit 港灣道體育館健身室 - YouTube 的推薦與評價
該 健身室 2017年5月開始啟用音樂版權：根据“Creative Commons ... Visit 港灣道 體育館健身室 ... 【運動篇】 康文署 最大既 健身室 l 大角咀 體育館. ... <看更多>