對我來說，倫敦嘅中餐永遠係 #旺記 嘅 碟頭飯（How many? Upstairs/Downstairs！）、 #龍島 嘅例湯、 #陽城 嘅 椒盬鮮魷 同 Greenwich 嘅 #大碗麵；有錢啲嘅時候就可以有 #翠園 嘅點心、#皇朝 嘅龍蝦 同 #文興 嘅燒鴨 ；再有閒錢嘅話就可以去 #皇龍軒 #金龍軒 樓上唱K，其實我只去過幾次，有一次仲有陳奕迅份添！！
變幻原是永恆，唯一不變嘅係咪只有#旺記 嘅服務態度？
#廿多年前倫敦留學生嘅中餐
【回到從前英國的老土中餐】
好似坐咗時光機，一覺瞓醒回到過去
响呢個審黎審去沒完沒了咁嘅時勢，都係講飲講食穩陣。耐唔耐講起英國嘅中餐，大家都會提起以前英國嘅舊式廣東菜嘅風味。嗰種老土得黎又懷舊嘅裝修，早幾日亂打亂撞去咗一間。嗰一餐晚飯嘅味道，真係令我後生咗幾十年好似番去當年做仔留學咁。
屋企嗰個港媽唔知响邊到睇到，人地响Greenwich Park影啲唔知係唔係嘅櫻花相。之後幾日不停地「建議」去睇同野餐，結果睇到咩同影咗乜，下次先分享。重點係離開之後，港媽個華人的胃話想食中餐。因為係佢揸車，緊係佢話事啦。我一上車就反咗眼瞓著咗，一覺醒來就見到一條迷你沙田海鮮舫咁嘅複古嘢。
一家人食飯都係嗰啲屋企唔多會煮嘅普通嘢，一路路食港媽就不停話啲味好「老土」。咁形容係咪好似好抽象，其實响我嘅角度，呢啲就係幾十年前香港街坊酒家仔「實而不華」嘅煮法。唔會「金雕玉砌」同「搞呢搞路」，好食到癲就無份，但整乜都唔會太難食咁樣。唔好話响香港呢類街坊酒家已經無乜，其實响英國都已經比較少有。呢一餐飯需然唔係人間極品米芝蓮，不過的確食咗一份回憶出黎。
#你地係咪香港黎㗎
#加埋咁親切嘅一句
#真係回到從前一樣
#老婆你車咗我去邊
