【#狂迷投稿】 文：謝信
「#約定的夢幻島 好真實，不過都唔夠現實」
去睇約定的夢幻島
裡面想走嘅人一開始係講要救晒所有人但最終佢地真係發現到「救晒所有人」係=一個都救唔到，佢地一度唔願意去承認呢樣嘢亦唔願放棄但到最後要走果下都真係無救晒所有人
.
劇情雖然無講
但中間其實係有個信心擺盪嘅問題
愈遲離開堅守到信念嘅人就愈少
要救到最多人就只有喺愈來愈多人灰心放棄之前去做
咁就至少會扔低兩種人
一種係未準備好離開，一種係對個世界本身就好悲觀
呢兩種人基本上係等唔到嘅
到真係等到果日可能多數本身有信念嘅已經等到灰左
.
單以今集電影嘅情節去睇
戲入面就安排左由要走嘅人俾個「假希望」俾呢刻跟唔到佢地一齊走嘅人，等留低嘅人叫做有啲指望同時亦可以話係對要扔低嘅呢班人而走嘅佢地俾自己嘅一個心理安慰
.
呢種就正正係叫犧牲
問題唔係革命可唔可以用人地黎犧牲
進擊的巨人入面我地見到
團長帶住全城新兵就咁衝向獸巨
為嘅就係製造個機會俾兵長斬殺佢
問題唔係革命可唔可以用人地黎犧牲
問題係革命一定要用到人地黎犧牲
但呢啲犧牲有無喺我地在生嘅人入面有新嘅意義
.
以前我地會驚犧牲自己
到我地當中有人夠膽犧牲自己(好似戲入面嘅主角)
係咪就足夠推到革命呢
殘忍嘅係我地仲要夠膽用人地黎犧牲
夠膽踩住呢啲我地自己利用嘅犧牲繼續堅持
先可能會見到約定嘅彼岸
.
電影有個直接問大家嘅問題
如果你係人類世界果邊生存
你會唔會作為食用兒的外援去支持佢地同參與反抗呢個協定
.
代入抗爭者嘅角度係容易嘅
但如果代入既得利益者呢
如果我地一直就係靠住別人嘅犧牲而生活呢
如果我地嘅成長環境一直都教導我地點心安理得喺犧牲他人底下生活呢
如果我地生而為人但一直受嘅教育就係做一隻豬一隻狗呢
仲會唔會突破到呢啲枷鎖然後喺近乎無人明白嘅絕對孤獨環境下
去放棄一切穩定作為食用兒的外援去支持佢地同參與反抗呢個協定
.
同埋可以睇到電影入面將靈魂分成三個層次
第一層最底層就係做隻人類世界入面幸福嘅豬
對應農場入面幸福嘅食用兒
第二層就係做個農場入面令食用兒幸福一年得一年嘅「媽媽」
對應嘅係同「鬼」保證協定持續生效嘅人類世界代表
第三層先到主角佢地亦即係對應人類世界入面作為食用兒嘅外援
.
入場之前無睇過原著
但觀影感受係唔好的
成套戲其實都拍得幾難睇但佢的確令我有好多反思
某程度代表左我都幾投入去睇
.
鬼滅之後嘅動畫改編睇過《攻殼機動隊》《蠟筆小新》《Tom&Jerry》《夏目友人帳》，如果要排，Tom係睇得最開心，真係喺戲院笑到出聲；小新係意外嘅感人；反而夏目同鬼滅比起動畫我覺得係差左，攻殼就唔特別深感受；呢套約定的夢幻島呢，至少佢係上面唯一令我寫出影後感嘅一套。
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤 instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
彼岸島動畫 在 [討論] 彼岸島能再度動畫化嗎- 看板C_Chat - 批踢踢實業坊 的推薦與評價