在日落前交換日記
星期一至五 5-6 叱咤903
阿檸 - 毒檸王國
---
7月18日
【棉花身】
今日嘅日記係關於按摩。
（見圖右邊就係嗰位按摩技師～～)
銅皮鐵骨檸
由於早兩個禮拜你病咗，導致我哋果個星期give up club活動取消，而果個活動係我每個月都須要去做一做嘅，就係去按摩。由於尋日我嘅身體已經支力到頂，所以最後我就冇等到你，自己跑去咗去按摩。
一扒低，技師㩒咗我背脊幾吓，佢就話：「嘩你棉花身嚟㗎喎！」我心就諗，通常啲人好支力，都會係個身啲筋骨肌肉綁緊又硬又實㗎喎，唔通我一路自己呃自己其實唔支力？點知㩒多兩下，技師話：「個身冧唔係話你唔攰喎，係話你冇肌肉，啲攰積曬喺底，嘩你啲筋實到吖⋯」佢咁講一講我先放心，冇肌肉好正常，我完全唔做運動㗎，有先令人震驚啦! 我唔打籃球但係生得高高地呢樣野已經成日比人嘰嘰吉吉，如果有埋肌肉健身教練一定會失業。
之後，由於我棉花身支力底，技師用盡全力按壓我，好痛好痛，有一刻我痛到想嘔落按摩床放頭個窿入面。我不停大叫好痛，技師居然同我講「叫痛都冇用㗎啦！我唔會收手㗎！」就係咁經歷咗折磨嘅個半鐘，走果時完全係比人打咗一身，但係夜晚瞓落床有一鬆曬嘅感覺，又解決咗呢兩晚嘅忽然失眠問題，都算值得嘅，雖然對腳仲酸緊。
棉花身 Oscar
忽然失眠 在 從上禮拜開始突然失眠了 - 心情板 | Dcard 的推薦與評價
從上禮拜開始突然失眠了. 心情. 2017年10月12日08:37. 活了19個年頭，從沒想過這問題會發生在自己身上。 從以前就習慣入睡前想事情，想今天發生什麼事、明天要做哪些事 ... ... <看更多>