［曼谷鐵路全線，單程一律15฿？］
我諗你聽過BTS，我唔係講緊韓團防彈少年團방탄소년단，而係泰國曼谷嘅交通命脈BTS Skytrain รถไฟฟ้า，我叫佢做(地上鐵)，沿線起嘅樓盤早前升到澎澎聲，不過近年佢就學晒港鐵啲衰野，大玩有加無減機制，以泰國生活水平計，真係貴過香港添呀！
*現時BTS收費(一般成人兔仔咭)
15-58฿(約hkd$4-15)，可以上佢官網查你想去嘅站數、時間同車費：https://www.bts.co.th/eng/
另外一條係MRT รถไฟฟ้ามหานคร，我叫佢做(地下鐵)，小弟就係住喺MRT藍色線呢條線，附近有翟道翟、火車夜市、輝煌區、fortune town等等自由痕必到景點；當然仲有算新嘅MRT紫色線 รถไฟฟ้ามหานคร สายสีม่วง，果邊景點有待開發，但隱世美食都唔少㗎！
*現時MRT收費(一般成人咭) 16-42฿(約hkd$4-10.5)，官網無咩睇，直接download佢個app好啲：https://apps.apple.com/hk/app/bangkok-mrt/id662068031?l=en
連接BKK機場到市中心嘅機場快綫ARL รถไฟฟ้าเชื่อมท่าอากาศยานสุวรรณภูมิ，仲搞緊連接舊機場DMK。聽講兩鐵將會喺全個曼谷有排延伸呀！
*現時ARL收費(一般成人) 15-45฿(約hkd$4-11)，直接download佢個app：https://apps.apple.com/hk/app/airport-link-bangkok/id549074902?l=en
實不相瞞，小弟何嘗唔想慳交通費吖，只怪我怕死，遲遲未學識揸電單車👉🏻👈🏻🛵，我同泰妹以前都係日日迫BTS返工，拉均每程至少10蚊雞港紙，交通費每月開支成3-4000฿(約hkd$1000)，本地人份糧分分鐘無咗1/3，唔叫救命就有鬼啦！
———————
難度民意真係有用？
其實好多泰人都打定輸數，心諗你有你放聲嚎嗚，佢有佢開心數銀。吖～點知今次叫破喉嚨之前，政府竟然有反應🤩👏🏻
*為咗令大家睇得明我之後講咩，小弟就由淺入淺解釋下部門大概點分：政府>交通部>鐵路部>地鐵部...
早兩日新聞話有市民向鐵路部投訴，泰國鐵路收費標準過高，已經向交通部反映咗，交通部就好大膽建議搞一個大project：BTS+MRT+ARL全線單程「一律15฿方案」。
———————
「勢力」定「細力」
😱奧賣吉～聽到尼個消息，我哋班蟻民即時振臂高呼啦⋯ 等等！米開心得太早，尼個方案講緊係橫跨20幾個部門+兩鐵+一大堆持份者，即係最難搞係要平衡「各方勢力」去就下我哋班「細力人士」，睇香港而家就知有幾難啦😢(苦笑中)
一齊睇下各方勢力有咩反應先：
(一)BTS第一個舉腳贊成減價，後面即刻加多句「只要政府補貼的話」(😎哈，我係佢都會咁講～)
(二)鐵路部就吹風話MRT紫色線同ARL多數無問題，要再睇清楚合約先確定到。(即係無講野😆)
(三)泰國地鐵部就話要再研究下先有定案，因為MRT紫色線本身係政府有份搞嘅，但同時都有其他投資者，最最最令佢哋擔心係地鐵部會因此收入大減，除非政府肯負擔差額。(即係要講數🤔)
佢又話以前政府曾經搞過免費巴士畀市民，政府係全資孭晒飛，所以建議要有更詳細報告，睇下政府係唔係真係可以長期孭得添條數先再諗「全線單程15฿方案」會好啲！(即係你話得，我有咩所謂啫🤷🏻♂️)
(四)最後，交通部命令23個部門，要喺一個月完成相關報告，再決定搞唔搞得成呢個排除萬難，惠澤蟻民嘅世紀大project喇，善哉善哉😆🙏🏻
新聞出處(全泰文)：https://www.thairath.co.th/news/local/bangkok/1620666
#小弟第一次咁畀心機做報導
#請多分享點贊及留言鼓勵下我吖😘
#感激泰妹陪我分析成件事
#一律15銖方案永久實行阿門
#BTS #MRT #ARL
#人在泰香港仔日記
感激泰妹陪我分析成件事 在 遠走高飛 - Facebook 的推薦與評價
但有件事沒有變的，就是我還不時吃迴轉壽司。 ... 今天很累，我終於決絕地點了新泰妹，泰妹說：“係啦，佢幫你啦，你太實啦” ... 來我家陪我好嗎？ ... <看更多>