《上個月最成功嘅 O2O例子係Pokemon GO，今個月最成功嘅O2O 例子必定係鄺仔》
講鄺仔點取得O2O成果之前，不如睇吓佢呢世人來到呢個moment做過咩先。睇鄺仔個CV，以為鄺仔好似金正恩，吹大咗，但佢同金仔唔同嘅係，真係有reference 證明鄺仔行過以下「神績」...
● 2000 至2011間，考過六次會考
● 2004年，24 歲開始參政，至今選過3次立法會，3次區議會
● 做緊區議員期間，完成社工課程
● 2007 年，區選期間表演跳hip hop
● 2010年，帶領過千市民到南生圍瞓草地，最後南生圍得以保留
● 2012年，做《凝聚萬人，誓爭動物警察！》行動組召集人
● 2012 年，寫《whatsapp的「兩個剔」》，寫到瘋傳至台灣，再被香港傳媒報導
● 2012年立法會超區論壇，用rap 質問對手劉江華
● 2012 年自編自導自演愛情微電影《幸福的守護》，影片獲過萬點擊，引起台灣媒體關注
● 2014至2015 年期間出版過6本書
● 2014年代表元朗區議會參加渣打馬拉松10公里賽事，為元朗區奪得「區議會盃」季軍
● 2015年舉行Talk Show 《聽說愛情，幸福在咫尺》
● 2015年，第一首作曲、填詞的音樂作品《幸福再遇》正式派台，由新人歐陽宇主唱
鄺仔今年33歲，呢咁多年，佢同時讀書、考n次會考、做議員、參選落選參選落選再當選、訓街保護南生圍、保護動物、寫書、做talk show、練跳舞、練rap、跑步、自編自導自演電影、再作曲......
用多個頓號，先表達到佢有幾 multitasking，不能盡錄到要用省略號。你見到鄺仔呢個 schedule，仲點敢話自己忙呢？
見到鄺仔嘅 achievement，你係明白到，呀媽生得你唔靚仔，讀書唔成，都無excuse...
你係明白到「放榜前最後一夜」個句「一次失敗唔代表咩」，會考，DSE，立法會你都可以無限 retake。然後，你明白到，才華係可以克服外貌嘅局限，繼而得到大家嘅喜愛。再來，你明白到，工餘活動係唔需要搵工聯會，你可以學鄺仔咁，創作文字，電影，歌曲。
※※※※※※
鄺仔係成功嘅O2O例子，佢嘅紅，由網上延伸至街頭，將近五十萬票令我公司呀姐，呀媽呀爸，隔離屋嘅呀婆都問我「點解你哋啲後生而家鐘意啲咁另類嘅？」鄺仔得到大家嘅關注，係因為鄺神嘅「事蹟」真係尤如一個「奇蹟的誕生」。鄺仔係「若你喜歡怪人，其實我很美」嘅 representative。
往後鄺仔要找嘅數，陸續有來...
鄺仔喺 MK 跳舞找數，話佢會繼續聽民意。往後，鄺仔嘅人氣相信唔可以只靠逗號來支撐，由 online 去到 offline，問題亦唔可以單靠「我鄺俊宇唔會怕」來解決。鄺仔，希望你再行「神績」，繼續找數。
鄺俊宇 Roy Kwong
#若你喜歡怪人_其實我很美
#成功嘅O2O例子必定係鄺仔
#鄺仔可以挑戰金仔
#一個奇蹟的誕生
#中學都係讀六年_但鄺仔考過六次會考
成功嘅o2o例子必定係鄺仔 在 Multitasking cv-推薦/討論/評價在PTT、Dcard、IG整理一次看|2022年 ... 的推薦與評價
《上個月最成功嘅O2O例子係Pokemon GO，今個月最成功嘅O2O 例子必定係鄺仔》 講鄺仔點取得O2O成果之前，不如睇吓佢呢世人來到呢個moment做過咩先。睇鄺仔個CV，以為鄺 ... ... <看更多>