關於 我唔係怕你買晒我地啲樓 ，我們在網路上蒐集到這些相關的討論、資訊與評價

即係咁，我都明白大家sell 地產係比較進取，咩「一脈兩連九龍塘」原來係大圍嘅樓盤都見怪不怪，但繼民賤聯成功爭取北極有企鵝之後，香港都有置業專家成功爭取Slough（勞斯）係倫敦zone 6.

咁Slough 係咪zone 6呢？答案當然唔係啦，佢只係近住zone 6，但絕對不是zone 6。

呢排呢，好多香港地產都打緊「冇乜錢、又唔係好熟英國、仲要唔多識英文但又想移民的香港人」主意，原因好簡單，正正常常中產有啲眼界有啲見識，自己識上網搵，再唔係去搵當地地產鋪傾都仲得，呢啲好難呃。但如果係呢啲「好傻好天真」嘅中下階層，啲中介實會想盡辦法叫你買樓移民。之前睇過有個group，就係有香港人俾啲地產中介水左去英國鳥不生蛋狗不拉屎的地方移民，又話會幫忙介紹工作俾佢，結果收了錢就走，有糧支就無良知，剩低個香港人自生自滅。嗰啲地方唔好話搵工，你想賣腎，都要揸幾個鐘車先去到醫院呀（喂，英國唔可以賣腎架）。

講返Slough，嘩！個中文名幾靚，叫勞斯。勞斯萊斯，超級霸氣，譯名的人應記一功。而睇下佢嘅人口分佈，近40%係Asian，咁多亞洲人同聲同氣，有好多亞洲超市，唔駛怕俾啲白人歧視，真係好適合 #華人的腦 同埋 #華人的胃。 —— 如果我係做地產，我就一定會咁樣Sell9 你。

而事實上，Slough 呢... 哈哈，我唔講太多，你自己搭一次飛機黎望一次，你就會明點解佢咁近Windsor，但平過Windsor咁多。至於所謂嘅40%係Asian，我要提提你，其實英國人講Asian嘅時候，大多時候都係指印巴籍人士，所以Slough比較適合 #印巴的胃。如果你覺得一張機票黎英國實地視察好貴，唔緊要，你今晚就執好行李，去重慶大廈租間酒店住兩星期，飲食全部都要留在重廈大廈內，咁你咪知道自己有幾接受到「Asian」的菜色同生活圈囉。

留意返，Slough並唔係咁差，起碼對於好多印巴籍嘅朋友黎講，都係移民聚居的好地方。但當人地個族群咁強勢嘅時間，你就要考慮一下自己在這城市如何紮根。

最後的最後，Slough呢個地方都幾有趣，因為好多時候，英國的城市的罪案都係盜竊同anti-social behavior 為主，Slough 倒是別開生面，以暴力和性罪行打頭陣。對了，166單不是一年，而係一個月之內就166單，如果睇完呢堆數據你都要揀Slough，我只能講句：加油... 同埋，加KY。

#啲樓盤sales咁樣sell怕唔怕生仔多個屎忽
#當然Slough都有好地方
#但俾得起呢個價就住Windsor啦
#買樓前請實地勘察
#唔好急住買樓
#我唔係怕你買晒我地啲樓
#我係怕你買完中左招喺度喊

「媽咪媽咪！」走到Winkie家門前，隔着鐵閘已聽到幾把稚嫩的聲音在叫嚷。Winkie應門，一手抱着小女兒，次子及三女在她腳邊團團轉，準備訴說近四個月來，與五個小孩在家抗疫的日常。

「最細嗰三個由新年開始都冇出過街啦！」Winkie怕孩子們會周圍亂摸，所以幾個月來盡量少帶他們外出。最小的三個孩子分別六歲、五歲及三歲，「放電」的地方由公園變成家中，但他們的「電力」無減。跳梳化、走廊來回跑成為了每天的日常。

Winkie不禁嘆氣，停課後大家的作息時間打亂了。不用早起上學，孩子不時睡到上午十一點，玩得累了睡個午覺「叉電」，致凌晨一點多才肯入睡，翌日又遲起身，可謂惡性循環。Winkie待孩子入睡後仍要執頭執尾，約一個多小時後才能安心睡覺。

不過，令Winkie最不習慣的，是孩子們的「音波功」︰「平時要返學，少咁幾個喺屋企會靜好多，全部喺晒度真係好嘈！」連樓上樓下也忍不住投訴，幸好只是口頭警告。Winkie苦笑道︰「破咗紀錄，住咗十幾年都冇被投訴過！」

Winkie稱，最近已用盡方法分散小朋友的專注力和精力，迫於無奈要給他們用電話看卡通片。但她還有一樣最強法寶，就是大女兒Cammy和二仔Christian。不論是外出買午餐、買日用品、照顧弟妹吃飯、陪玩，Cammy和Christian都是「自動波」幫忙，令Winkie有少少私人時間，這點亦令她很安慰。

「可能佢哋有伴玩，所以對我嘅影響唔算好大！」相比起每日煩惱着如何確保子女成績在復課後跟得上，Winkie反而更珍惜五個小孩一併相處的時間，任由他們玩樂休息。「香港人平時節奏太急速，呢段時間可以喺多啲屋企，其實放鬆咗。」

Winkie「一打五」都能處之泰然，因為「樂觀應對最壞情況」就是她的育兒之道。

車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。

車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。

這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……


駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。

機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。

「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」


赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。

炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。

辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。

遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。

他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」

這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。

一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。

「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……

死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。

「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。

他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」

他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」

他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」

他常告訴自己，這條命好不容易撿回來，只要有明天，他就拼盡全力活。

頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。

其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。

別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。

廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。

飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。

「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」

他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。

生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」

他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」

97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……

墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。

有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」

他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」

他不計較別人的眼光，肯捱肯做，那老闆被感動，反而因此看得起他，願意借錢給他去做生意。

他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。

他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。

他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」

這是他的人生感悟，心存信念，就可活出生命，是死？也生。

撰文：孟惠良
攝影：陳秉謙

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。

哈佛知識分享 - 行業分析及定位《點做生意? - 裙褂》Case Study

(想睇全程 unedited 訪問，可whatsapp 我90361143)

做生意要識得分析個行頭， 你一定要認識哈佛教授 Michael Porter 的波特五力 Porter's 5 Forces:

(1) Competitive Rivalries 行內的競爭性
(2) Threat of Substitution 代替品的威脅
(3) Threat of New Entry 新入行競爭者的威脅
(4) Supplier Power 供應商的議價能力
(5) Buyer Power 買家的議價能力

多謝經營了44年的鴻運繡莊老闆黃師傅接受訪問。

. 如何分析行業?
. 如何定位競爭?
. 做生意最忌什麼?
. 裙褂行業如今發展? 

訪問內容有答案。大家有大喜事也可幫襯他。

鴻運繡莊
總店:
元朗教育路69號地下全層
(852) 2477 6688 (敬請預約)
營業時間:上午12:00 至 下午8:00
逢星期四休息

尖沙咀店:
尖沙咀金巴利道73號新業廣商業大廈2樓202室
(852) 2787 9708 (敬請預約)
營業時間:中午12:30 至 下午8:00
逢星期日休息

內文: 
今次呢個case好特別，鴻運繡莊， 專做裙褂， since 1975 年，做咗44年，同我一樣，今年都係44歲。 佢個行頭又點呢，點做生意? 我後面呢間係去元朗嘅老店，而家又去佢尖沙咀嘅分店睇下。

呢盤生意係由阿黃師傅嘅爸爸44年前做起。Michael Porter 話你要分析一個行業，你睇五大影響個行業嘅大力量。

以5個力量唔係加起嚟(Additive)喎，只要其中一個失衡呢，就成個行頭可以玩完。 依家我逐一逐一同你解釋， 不過先了解下鴻運繡莊其實做乜先。

咁大家其實又知唔知道裙褂分類又點呢？ 

咁你又知唔知，褂係買多定租多呢？ 幾錢呀？

(1) 要了解個行頭， 就要先了解行內競爭性 Competitive Rivalries. 咁你就要睇有幾多競爭者， 品質的差異性，顧客嘅忠誠度，同埋離開市場唔玩嘅成本。 有啲行頭視對手為死對頭，互相廝殺，割喉式減價! 有啲行頭就互相禮讓， 基本上可能係合謀競爭，好似油公司咁，抬高個價。 咁阿裙褂呢行又點呢? 

(2) 市場上有冇代替品，都會影響成個行頭嘅表現。 例如以前有好多人用計數機， 依家一個智能電話就已經代替晒啦。 高鐵代替咗公路，港珠澳大橋代替咗搭船等。 當然要睇下個代替品係唔係代替得曬啦。咁裙褂呢?

(3) 新入行競爭者多唔多威脅呢? 係咪話抄就抄， 有冇咩特別專業知識? 有冇任何入行嘅障礙呢? 好似係外國醫生嚟香港一樣，未考過香港醫務委員會嘅試，就係唔準係香港做醫生。 有冇任何技術嘅保障， 或者 economy of scale 好似百佳/惠康咁大，先至壓得低個價錢呢? 

(4) 供應商的議價能力。 你同邊個人入貨? 多唔多選擇? 佢哋會唔會大過你好多，大石砸死蟹? 你轉其他供應商議會唔會成本好大?  你係賣電腦嘅，可能大部分嘅利潤就去咗Intel 粒 chip 嗰道， 因為你部電腦冇咗佢粒chip 就唔值錢。

(5) 第五個力量， 最後你就要睇買家議價能力。 市場上多唔多買家?佢哋嘅order 大唔大? 佢哋對價格敏唔敏感? 佢哋入其他貨改變嘅成本高唔高? 例如，醫藥行業一向都好賺錢， 因為買家為咗身體好, 多多錢都願意畀。同埋佢哋轉食另一隻藥嘅話，改變嘅成本可能係付出健康，太大喇。 做藥廠嘅，反而最怕就係insurance 公司， 因為佢哋主宰咗客人見咩醫生同食咩藥。 裙褂呢個行業有點呢? 

裙褂又點樣令到個買家願意畀多啲錢? 有咩新意呢? 

Hello Kitty 呢啲叫做licensing專利授權。 一般你都會同個licensor簽訂的合約，用佢個圖案幾多年嘅時間，預期有幾錢嘅收入， 當中幾多百分比嘅營業額會畀返佢 Royalty Fees， 平則百分之幾，貴則20%至30%。 當然你作為licensee , 就要upfront 俾個minimum guarantee 佢， 即是你一件都賣唔出， 你都一早已經付出咗。 當然佢唔係個個批，都要你有返咁上下料到先畀你用啦。

除咗hello kitty 嘅褂， 一件傳統嘅裙褂需要有咩呢?

咁講完一大輪，做裙褂嘅成本架構係點? 賺幾錢呢? 

一般做零售批發嘅，攞貨返嚟，轉手賣畀人，賣100蚊，賺3/4成啦。 但如果係自己品牌，H&M 馬沙等，賺5/6成啦，luxury brand, Prada 咁就7/8成啦。咁做褂呢? 人工超貴又點呢?

要提防新競爭者嘅進入威脅， 原來你做時裝零售都可以註冊外觀㗎喎。 你去知識產權署， 各種產品外觀設計都可以註冊㗎，包括電腦，電話，DVD/CD，紡織品，珠寶，同埋手錶。 只要你係獨特嘅， 填幾份文件交啲證據，成功註冊咗保障有效期最長就係25年，每五年續期一次。 咁做裙褂又點呢? 

最後根據Michael Porter 做生意， 你先要用以上5 forces 去分析個行業好唔好做。 好做嘅，就有以下四種方法贏人，比行家做得更好。

(1) Cost Leadership 大眾市場, 成本平過人，好似佳寶， 百佳，惠康咁。

(2) Cost Focus 小眾市場，成本都係平過人， 例如而家好多新興嘅夾公仔機，專 target 一班年青人/細路仔， 半賭博嘅心態去刺激呀，唔使人管理， 啲公仔成本都唔值錢。

記住喎， 我講緊係成本平過人，唔係價錢平過人喎。 成本平過人，即是價錢一樣，你自然賺多啲啦。

要贏人? 仲有 (3) Differentitation 大眾市場，但係行差異化， 好似Starbucks 咁。

(4) Differentiation Focus 小眾市場，都係行差異化，啲嘢靚過人。好似Prada， Chanel 咁。

想知多啲，可以睇返我之前有條片講關於100間士多嘅故事， 就同你仔細分析左呢四格。 咁鴻運繡莊做裙褂又點呢?

好明顯黃師傅就係行緊第四, differentiation focus strategy. 我自己做商舖基金都係一樣， 做專啲，做好啲，我哋基金收費唔平， 但最緊要服務好，投資者同租客賺到錢。 

根據Michael Porter, 四格入面做生意選擇邊格都得，但最忌就是Stuck in the Middle, 你唔願意作出tradeoff 取捨，就難贏競爭對手。

希望你都透過呢啲嘅影片學到嘢，做生意更加叻。 最後身邊有朋友結婚或者你自己又大事都好呢，記住呢鴻運繡莊啦! 

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#哈佛知識，#鴻運繡莊，裙褂點做生意，#michaelporte#michaelporter, #點做生意，#商舖, #李根興, #創業, #edwinlee, ＃盛滙, ＃bridgeway, #舖, #商機