昨天有朋友問，美人魚飯盒右邊果堆餸係乜來，
親💕咪就係我最愛的✨健力士燴牛腩✨囉。
有人愛做紅酒燴牛腩，但我接受不了那紅當當的肉，
健力士的啡色對我來說，好像更舒服😋。
我認我係有點強迫症。。。👉👈
應承某位親～分享我家的食譜～
材料：
牛腩 / 牛肋條1磅
洋蔥1個
甘筍2條
蒜蓉1湯匙
茄膏2湯匙
牛肉上湯200毫升
健力士黑啤200毫升
月桂葉(Bay Leaves) 2塊
意大利香草 (Oregano) 1茶匙
鹽及黑椒粉各少許
做法：
1. 牛腩/牛肋條洗淨抹乾，切成1厘米x 1厘米小粒；洋蔥及甘筍切成小塊。
2. 平底鑊加油燒熱，加甘筍炒香，盛起。
3. 原個平底鑊，放牛腩粒煎封四面，盛起。
4. 大煲內加油燒熱，爆香蒜蓉及洋蔥，直至洋蔥變軟身。
5. 加入牛腩粒炒勻，放茄膏炒香。
6. 加入牛肉上湯、健力士啤酒、月桂葉、意大利香草，煲滾後轉小火，並加蓋燴約45分鐘。
7. 加入甘筍粒，再燴約20分鐘，以鹽及黑椒粉調味。
留意～
煮飯的健力士應該為室溫，
但一罐330毫升，用得果一半，唔涷點好飲？
所以我用冰涷健力士，用剩的順手飲埋去😝～
我個人覺得無乜分別囉（可能已醉咗分別唔到）
大家慢用～
#我知人家會showLC
#我果個來自缸瓦佬20蚊貨仔
#但已足夠讓我感到快樂
我果個來自缸瓦佬20蚊貨仔 在 屋頂瓦片種類2023-精選在臉書/Facebook/Dcard上的焦點新聞 ... 的推薦與評價
欣賞小店的毅力和堅持！ 認識缸瓦佬至少有6年, 每次經過都會入去行下， 總會發現新元素，有驚喜！重點係好多碗碟10幾蚊就有交易～ 真心平靚正！ ... <看更多>