有日一位小姐嚟到診所。
佢行埋嚟問我：「姑娘…係咪有得驗孕呀？」
我：「有呀，經期遲咗幾多日呀？」
佢低頭回應：「兩個禮拜..」
我：「你俾身分證我登記啊，呢度有個小便樽，你去洗手間留少少小便俾我就可以啦～」
佢：「姑娘…出面買嗰啲會唔會係唔準㗎？」
我：「而家嘅準繩度其實都好高㗎啦～」
佢：「我自己驗過係中咗…」
喺診所做耐咗，見到部份人帶住開心嘅表情提起懷孕，亦見過唔少人帶住悲傷不安嘅表情提起…佢係屬於後者。
我：「嗯，明白，你都去洗手間留咗小便俾我先呀，咁一陣入醫生房再同醫生傾吓呀好冇？」
佢唔願離開登記處，低頭，雙手緊緊握住小便樽：「我男朋友話冇咁易中㗎…佢話如果係咁易中就唔會有咁多人去人工受孕…」
你男朋友又有冇同你講每年都有好多人做人工流產…
我伸手去拍拍佢雙手：「你要唔要坐低飲杯水先？飲完先慢慢去洗手間留小便俾我好冇？」
佢低頭回應：「嗯」
我：「咁你坐喺嗰邊先呀，我轉頭俾杯水你呀」
我行出去幫佢斟杯水：「慢慢飲」
佢抬頭問：「姑娘，我會唔會有事㗎…」
傻妹，點解要到咁嘅地步時先諗自己有冇事…點解唔一早防患未然？
我：「你…唔想要個bb？」
佢：「我要嚟都冇用啦，我男朋友話我之前有食過避孕藥，就算佢肯負責任，我肯生嘅都係會生個畸胎出嚟…」
我：「邊個同你講之前食過避孕藥就會咁呀？日日食嘅避孕藥，日日排出，唔會生畸胎㗎！你有食開避孕藥嘅？一直都定時食？」
佢：「之前驚中招所以有食藥，但我男朋友叫我停藥…話唔可以長期食，食落去會肥，對身體唔好，所以停咗冇食啦，但係佢話冇咁易中㗎嘛…佢仲話佢唔擺咁入啲精子游游吓就會死㗎啦！佢本身份人都冇咩上進心，啲精子都會好似佢咁，唔會中㗎！」
我：「而家有避孕藥有舒緩水腫成份，唔會令人肥…避孕成效好高，仲有好多婦科好處，唔一定對身體唔好㗎，你男朋友當正自己係醫生咁喎，有咩問清楚醫生唔好自己估估下…而家聽佢講就真係中晒啦！」
其實我哋每一個人曾經都係游泳冠軍，有時無知只會令自己白白受罪…聽人講，不如自己了解清楚，條命真係你自己嘅，咁大件事唔好假手於人，避孕女仔都有責任做好自己嘅部份。
#選擇在我掌握 #MyLifeMyControl #避孕是兩個人的事 #我都係豬精
我都係豬精 在 牛精皇- [沒吃過豬肉，也看過豬走路] 俗語話 - Facebook 的推薦與評價
今日就同大家睇下啦!! 脆管→豬嘅氣管，口感爽脆，主要係食佢嘅脆度。 小肚→豬嘅膀胱，跟豬嘅胃無關。 天梯→豬嘅上顎，因一欄一欄狀似梯子而得名，口感都係脆口。 生腸→ ... ... <看更多>