大家平均係幾點起身呢？
記得初入行成為全職跳舞排舞嘅我，都曾經過住天光先瞓嘅日子。Freelace就係有咁嘅好處/壞處，所有工作時間自己決定，weekend weekdays對我來講完全一樣，對公眾假期亦毫無意識，總之有工開就要做啦。#所以當時好難擴闊社交圈子 然後唔知點解每個創作人都一定會經歷過”夜晚先有靈感”呢句說話，堅持好嘅idea總係出現喺夜闌人靜嘅時候。加上我個人感性，排完舞嗰晚一定特別大感受，就算體力有多攰思緒仍然不斷輪迴，更有失眠之困。呢幾年轉行之後，就算作息比較穩定，但係仍然有普遍香港人嘅唔願瞓，睇埋呢集玩吓手機又兩三點。
由上個月唔知發咩神經，決心每月增一小習慣，而八月嘅目標係：自己每日六點起身。#老 #我知你OS緊 #食屎啦🤪
老就每個人都會經歷，成功就唔係。睇咗幾本書都發現近代同當代嘅成功人士全部都非常早起，佢哋非常注重起床後嘅黃金1小時。當然我就唔可以同成功人士相比成功😂，我連成功嘅尾巴都未睇到，但係我深信每一個小習慣都係通往身份認同同轉變嘅道路，我feel到自己個ios upgrade緊。
起身第一時間我就企出露台 #metime，望住樓下嘅遊艇然後同自己講，好快你哋全部都係我嘅(笑)；望住天空跑得好快嘅雲朵然後同自己講，無一朵雲會永遠停留，就算最壞嘅時刻都一定會過去。然後當情緒進入正面狀態，原來對創作更加好，而且充滿學習動力，一整日嘅頭腦相當清晰。我發現當我掌握咗早上嘅時間同心情，晏晝同夜晚都會過得好踏實好滿足。
其實大道理每個人都知。好多時我哋間竭性躊躇滿志充滿夢想，但總係藉口多多，然後發現自己做到半桶水，就賴呢樣賴個樣，又話懷才不遇又怪身世唔好，其實係自己又懶又煩，但係又唔能夠像豬一樣懶得心安理得...心動不如行動啦。 #廢腑之鹽
關鍵永遠都係你有無勇氣踏出第一步。
#又或者其實我真係開始初老🙃
#享受自律帶來的生活
#女人像鹽
仲未老呀頂你😂
Instagram.com/missyboni
所以當時好難擴闊社交圈子 在 Bonnie Man #女人像鹽- 大家平均係幾點起身呢？ ... 的推薦與評價
所以當時好難擴闊社交圈子 然後唔知點解每個創作人都一定會經歷過”夜晚先有靈感”呢句說話，堅持好嘅idea總係出現喺夜闌人靜嘅時候。加上我個人感性，排完舞嗰晚一定特別 ... ... <看更多>