係大學，我會問學生：你地飲唔飲酒？唔係叫你酗酒，而係有d野要學，就係要學。
日本研究學系既學生呢，大部份就算唔識，都會飲少少，因為佢地係日本生活，酒係生活一部份，過二十歲唔飲酒，你根本好難係大學識到朋友。所以，飲酒既禮儀亦都係日本人「成長」既一部份。
反之，係香港，你係大學叫同學飲少少咩，即刻有衛道之士會衝出黎，話你失德講師乜乜七七。好啦，今日唔知點解，又會有人係網路瘋傳呢張相，話特首係法國人面前咁拎酒杯好失禮。
well, 我估就算而家hku 既同學，冇經歷過high table 禮儀訓練，冇好似我朋友咁聽過林燕妮小姐教導：「男仔點可以唔識飲酒！嚟嚟嚟，我換過一杯紅酒畀你，陪我飲一杯。」既話，我估我果個朋友到而家都未必識拎紅酒杯。
所以，我奉勸所有大學生，麻煩學一學飲酒。
就是這樣。
