「靜靜行經、留影，目黑之夜有星。」
食一碟川菜就當去左一趟四川重慶咖啦，
近排酸菜魚逐漸成為港人熱愛追棒既對象，
佢集麻、辣、香、酸四者混而一體。而我亦都
唔例外，唔想北上咁麻煩，係香港一樣食到。
銅鑼灣新開既「廚十三老壇酸菜魚」就係我今次既
目標，聽講佢地既芥菜同埋大部份香料都係經過
365日發酵而成，特別有風味。唔怪得之個個朋友
都話要黎試啦！👇
-
📌老虎椒愛鬆花蛋 - $68
👉係試酸菜魚之前嗌左幾樣小食試下，
呢到既老虎椒其實係尖椒，切成絲狀，
睇落造型整得幾霸氣。皮蛋入口融化，
呢點幾抵讚，配搭醬汁一齊食，
唔會話太辣，我個人幾鍾意。
-
📌上上簽 - $88
👉分別用左蒜油、辣椒油、藤椒油黎泡浸
每款涼菜，以竹籤黎做擺盤，幾特別。
而分別有機會抽到蓮藕、西蘭花、海帶、
雞腳，每一款涼菜經辣椒油滲透到入哂味，
又香濃又夠惹味！
-
📌隔壁小孩饞哭了 - $78
👉聽個名覺得好盞鬼，其實係豬油炒椰菜，
黎到既時侯Staff仲會幫你即時用火爐幫你兜一兜熱，
非常細心。雖然用豬油炒過但椰菜食落唔會太油膩，
反而油香令入口有種別一番既風味。
-
📌老壇酸菜魚 - $478(大份)
👉終於輪到主角出埸啦！呢個3人用份量
真係比佢嚇親，用料十足，真係估唔到。
佢地用新鮮淡水鱸魚同埋成都出產既酸菜為
招牌，而鱸魚肉身雪白，質感食落夠鮮甜爽滑。
原來魚身淨係用鹽醃，唔會比其他調味搶左
魚本身既鮮甜。而睇得出師傅刀功細膩，
每一塊魚肉都係厚薄適中，利害！細骨全部
挑走哂啖啖骨岩哂我胃口。而配料分別有寬粉、
土豆片、青荀片、豆卜，每樣都吸收哂湯底既精華，
呢個價錢絕對係抵食！
-
▪ 白桃梳打 - $28
▪ 巨峰提子風味梳打特飲 - $28
▫ 最後當然要嗌返兩杯特飲中和一下辣味啦，
甜度較得岩岩好。
-
📍 廚十三老壇酸菜魚
🎈銅鑼灣渣甸街66號亨環4樓
挑竹籤價錢 在 抗疫童盟- 懷舊童年遊戲系列1- 挑竹籤... - Facebook 的推薦與評價
懷舊童年遊戲系列1- 挑竹籤現今科技發達，我地會用科技產品作娛樂之用，例如近期潮流興起，用Switch遊戲機玩今年新推出的遊戲「動之森林」。 ... <看更多>