【Brexit x 綱民 x 民主 x 社交網絡】
等如完美風暴，比雷劈中點算好？
當英國國會嘅議員（MPs）玩個Brexit同個Deal玩到自己都癲咗嘅時候，EU上星期就比個限期英國。如果個Deal呢個星期過到，就5月22號脫歐，否則4月12號就要出聲到底係No Deal還是想點。表面睇好似係有兩條死線，其實對英國議會同國民，有極多嘅含意、影響同變數。搞到咁緊係由好多原因溝埋，變咗個完美風暴，不過偏偏比雷劈到正，問題係點復原？要幾耐？
當年保守黨首相Cameron，因為想防止班右膠UKIP黨人當選，賭大咗玩公投脫歐。點知老土政治宣傳同伎倆，遇上現代社交網絡大數據標題黨，將極複雜問題簡單化，亦激發存在多年嘅社會矛盾。個個剩係掛住Remain同Leave，點Leave唔記得！引咗二百幾萬，本來無乜立場嘅隱藏選民出黎。Cameron玩大了辭職，之後支持留歐但只係內政執行力強嘅May姐上場，剩係盲執行（個心都唔鐘意亦唔知點）。更大鑊嘅係佢唔知何來嘅自信，仍然無視網路世界重新大選。
結果保守黨政府跛咗腳，仲養大發咗幾十年共產夢，政治低能嘅工黨左膠主席。就係咁，執政嘅無力，反對嘅無能，互相繼續黨內外鬥，整個國會基本上無明確Brexit立場。依家EU所謂嘅死線，係可以理解做一個轉機，因為議長禁止再投無變嘅Deal，May姐已被架空（亦就玩完）變咗國會主導。英國國會其實無乜得揀，唔脫歐就違反當年選民意願，No Deal已反對，再公投就反民主原則。
依家普遍英國人（脫同留）已經睇到眼火爆極無癮，議員們終於係時候做嘢交返條民意同網民數。而咁啱網上聯署要國會討論反脫歐，三日有四百萬人，然後星期日有成百萬人上街。就咁唔脫就未免太天真，不過變咗係議會嘅下台階同新方向。下星期啲議員就會大條道理咁試唔同嘅提案，包括挪威模式或者更軟嘅修正案試下水溫，然後推遲慢慢傾、大選、甚至公投唔同嘅脫歐方案。
P.S. 睇下「死線」宣布後，英鎊升幾多？都係錢唔呃人，軟到盡頭當脫咗。
#社交網絡政治
#放咗出黎嘅怪獸
#民主加網民
#邊個識玩邊個贏
#一日變化都好大
#應該係用小時計
****************************
英國移民生活網
重要舊聞重溫
www.goodbyehkhellouk.com
****************************
挪威模式 在 天下雜誌- 【挪威給英國的3個教訓】... | Facebook 的推薦與評價
【挪威給英國的3個教訓】 挪威與歐盟的關係非常怪異，它依循絕大多數的歐盟規範，但對制定規範卻沒太大影響力；這或許是某種國際怪事。 挪威與歐盟的模式暗示英國， ... ... <看更多>